🚩 ਮੈਕਡੋਨਲਡ ’ਚ ਖ਼ਰਾਬ ਅਤੇ ਬਦਬੂਦਾਰ ਪਿਆਜ਼ ਨਾਲ ਬਣ ਰਹੇ ਸਨ ਬਰਗਰ, ਫੂਡ ਸੇਫਟੀ ਟੀਮ ਨੇ ਮਾਰਿਆ ਛਾਪਾ

🚩 ਮੈਕਡੋਨਲਡ ’ਚ ਖ਼ਰਾਬ ਅਤੇ ਬਦਬੂਦਾਰ ਪਿਆਜ਼ ਨਾਲ ਬਣ ਰਹੇ ਸਨ ਬਰਗਰ, ਫੂਡ ਸੇਫਟੀ ਟੀਮ ਨੇ ਮਾਰਿਆ ਛਾਪਾ

🚩 ਮੀਟ ਪ੍ਰੋਡਕਟ, ਆਈਸਕ੍ਰੀਮ-ਡੈਜ਼ਰਟ ਦੀ ਵਿਕਰੀ ’ਤੇ ਰੋਕ

🚩 ਟੌਰਟਿਲਾ ਰੈਪਸ ’ਤੇ ਮਿਟੀਆਂ ਮਿਲੀਆਂ ਨਿਰਮਾਣ ਤੇ ਐਕਸਪਾਇਰੀ ਤਾਰੀਖਾਂ; ਲਾਇਸੈਂਸ ਸਸਪੈਂਡ ਕਰਨ ਦੀ ਸਿਫ਼ਾਰਸ਼

ਹਰਿਦੁਆਰ – ਨਿਊਜ਼ਲਾਈਨ ਐਕਸਪ੍ਰੈਸ  –      ਤਿਉਹਾਰਾਂ ਦੇ ਮੱਦੇਨਜ਼ਰ ਖ਼ਾਦ ਸੁਰੱਖਿਆ ਵਿਭਾਗ ਵੱਲੋਂ ਕੀਤੀ ਜਾ ਰਹੀ ਜਾਂਚ ਦੌਰਾਨ ਪੈਂਟਾਗਨ ਮਾਲ ਸਥਿਤ ਮੈਕਡੋਨਲਡ ਰੈਸਟੋਰੈਂਟ ਵਿੱਚ ਗੰਭੀਰ ਬੇਨਿਯਮੀਆਂ ਸਾਹਮਣੇ ਆਈਆਂ। ਜਾਂਚ ਦੌਰਾਨ ਬਰਗਰ ਅਤੇ ਹੋਰ ਖ਼ਾਦ ਪਦਾਰਥਾਂ ਵਿੱਚ ਵਰਤੇ ਜਾ ਰਹੇ ਕੱਟੇ ਹੋਏ ਪਿਆਜ਼ ਬਦਬੂਦਾਰ, ਖ਼ਰਾਬ ਅਤੇ ਮਨੁੱਖੀ ਖ਼ਪਤ ਲਈ ਅਯੋਗ ਪਾਏ ਗਏ। ਅਧਿਕਾਰੀਆਂ ਨੇ ਤੁਰੰਤ ਕਾਰਵਾਈ ਕਰਦਿਆਂ ਮੀਟ ਅਤੇ ਮੀਟ ਉਤਪਾਦਾਂ ਤੋਂ ਇਲਾਵਾ ਆਈਸਕ੍ਰੀਮ ਤੇ ਡੈਜ਼ਰਟ ਦੇ ਨਿਰਮਾਣ ਅਤੇ ਵਿਕਰੀ ’ਤੇ ਰੋਕ ਲਗਾ ਦਿੱਤੀ। ਰੈਸਟੋਰੈਂਟ ਦਾ ਫੂਡ ਲਾਇਸੈਂਸ ਸਸਪੈਂਡ ਕਰਨ ਦੀ ਸਿਫ਼ਾਰਸ਼ ਵੀ ਕੀਤੀ ਗਈ ਹੈ। ਜਾਂਚ ਵਿੱਚ ਟੌਰਟਿਲਾ ਰੈਪਸ ਦੇ ਲੇਬਲਾਂ ’ਤੇ ਨਿਰਮਾਣ ਅਤੇ ਮਿਆਦ ਪੁੱਗਣ ਦੀਆਂ ਤਾਰੀਖਾਂ ਮਿਟੀਆਂ ਹੋਈਆਂ ਮਿਲੀਆਂ। ਫੂਡ ਲਾਇਸੈਂਸ ਵਿੱਚ ਵੀ ਕਈ ਖ਼ਾਦ ਸ਼੍ਰੇਣੀਆਂ ਦਰਜ ਨਾ ਹੋਣ ਦੀ ਗੱਲ ਸਾਹਮਣੇ ਆਈ। ਵਿਭਾਗ ਨੇ ਆਈਸਕ੍ਰੀਮ ਡੈਜ਼ਰਟ ਵਿੱਚ ਵਰਤੇ ਜਾਣ ਵਾਲੇ ਦੋ ਉਤਪਾਦਾਂ ਦੇ ਨਮੂਨੇ ਵੀ ਜਾਂਚ ਲਈ ਲਏ ਹਨ।

Newsline Express

Author: Newslineexpres@1