ਪਟਿਆਲਾ, 20 ਫਰਵਰੀ – ਨਿਊਜ਼ਲਾਈਨ ਐਕਸਪ੍ਰੈਸ – ਅੱਜ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਮੁੱਖ ਦਫਤਰ ਪਟਿਆਲਾ ਵਿਖੇ ਸ਼ਾਂਝੀ ਸੰਘਰਸ਼ ਕਮੇਟੀ ਦੀ ਮੀਟਿੰਗ ਹੋਈ। ਇਸ ਮੀਟਿੰਗ ਵਿਚ ਸਮੂਹ ਕਾਡਰ ਦੇ ਕਰਮਚਾਰੀਆਂ ਅਤੇ ਅਧਿਕਾਰੀਆਂ ਨੇ ਹਿੱਸਾ ਲਿਆ। ਇਸ ਮੀਟਿੰਗ ਵਿਚ ਪੰਜਾਬ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਪਟਿਆਲਾ ਵਿਚਲੇ ਮੁੱਖ ਦਫਤਰ ਨੂੰ ਮੁਹਾਲੀ ਵਿਖੇ ਸਿਫਟ ਕਰਨ ਦੀਆਂ ਬਣ ਰਹੀਆਂ ਤਜਵੀਜਾਂ ਅਤੇ ਡਰਾਇੰਗਾਂ ਦਾ ਵਿਰੋਧ ਕੀਤਾ ਗਿਆ। ਇਸ ਮੀਟਿੰਗ ਦੋਰਾਨ ਹੀ ਸ਼ਾਂਝੀ ਸੰਘਰਸ਼ ਕਮੇਟੀ ਦੇ ਨੁਮਾਇਦੇ ਵਲੋਂ ਮੁੱਖ ਇੰਜੀਨੀਅਰ (ਦੱਖਣ/ਸੈਟਰਲ/ਉੱਤਰ) ਨਾਲ ਮੀਟਿੰਗ ਕੀਤੀ ਗਈ।
ਇਸ ਮੀਟਿੰਗ ਦੋਰਾਨ ਮੁੱਖ ਇੰਜੀਨੀਅਰਾਂ ਵਲੋਂ ਕਮੇਟੀ ਨੂੰ ਵਿਸ਼ਵਾਸ ਦਵਾਇਆ ਗਿਆ ਕਿ ਪੰਜਾਬ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਮੁੱਖ ਦਫਤਰ, ਪਟਿਆਲਾ ਨੂੰ ਮੁਹਾਲੀ ਵਿਖੇ ਸ਼ਿਫਟ ਨਹੀ ਕੀਤਾ ਜਾ ਰਿਹਾ ਹੈ ਅਤੇ ਮਿਤੀ 20 ਨਵੰਬਰ 2024 ਨੂੰ ਬਣੀਆਂ ਹੋਇਆ ਡਰਾਇੰਗਾਂ ਜਿਸ ਵਿਚ ਮੁੱਖ ਦਫਤਰ ਪਟਿਆਲਾ ਵਿਚ ਕੰਮ ਕਰਦੇ ਸਾਰੇ ਅਧਿਕਾਰੀਆਂ/ਕਰਮਚਾਰੀਆਂ ਦੇ ਕਮਰੇ ਉਪਬਲਧ ਸਨ ਨੂੰ ਸੋਧ ਦਿੱਤਾ ਗਿਆ ਹੈ। ਸੋਧੀਆਂ ਹੋਈਆਂ ਡਰਾਇਗਾਂ ਵਿਚ ਮੁੱਖ ਦਫਤਰ ਪਟਿਆਲਾ ਵਿਚ ਕੰਮ ਕਰਦੇ ਸਾਰੇ ਅਧਿਕਾਰੀਆਂ/ਕਰਮਚਾਰੀਆਂ ਦੇ ਕਮਰੇ ਉਪਬਲਧ ਨਹੀ ਹਨ। ਮੁੱਖ ਇੰਜੀਨੀਅਰਾਂ ਦੇ ਇਸ ਵਿਸ਼ਵਾਸ ਉਪਰੰਤ ਸ਼ਾਂਝੀ ਸੰਘਰਸ਼ ਕਮੇਟੀ ਨੇ ਮੀਟਿੰਗ ਸਮਾਪਤ ਕੀਤੀ। ਇਸ ਮੌਕੇ ਮਨਿਸਟਰੀਅਲ ਸਟਾਫ ਐਸੋਸੀਏਸ਼ਨ ਪਟਿਆਲਾ, ਪੰਜਾਬ ਡਰਾਇੰਗ ਸਟਾਫ ਐਸੋਸੀਏਸ਼ਨ ਯੂਨਿਟ ਪਟਿਆਲਾ, ਪੰਜਾਬ ਇੰਜੀਨੀਅਰਿੰਗ ਸਟਾਫ ਐਸੋਸੀਏਸ਼ਨ ਯੂਨਿਟ ਪਟਿਆਲਾ, ਆਊਟਸੋਰਸ ਸਟਾਫ ਐਸੋਸੀਏਸ਼ਨ ਪਟਿਆਲਾ ਦਰਜਾ-4 ਯੂਨੀਅਨ ਪਟਿਆਲਾ ਅਤੇ ਗੋਰਮਿੰਟ ਡਰਾਈਵਰ ਯੂਨੀਅਨ ਪਟਿਆਲਾ ਮੀਟਿੰਗ ਵਿੱਚ ਹਾਜ਼ਰ ਸਨ।
