🚩 ‘Everest’ ਦੀ ਹਿੰਗ ਦੇ ਸੈਂਪਲ ਹੋਏ ਫੇਲ੍ਹ; ਵਿਕਰੀ ‘ਤੇ ਤੁਰੰਤ ਲੱਗੀ ਰੋਕ

🚩 ‘Everest’ ਦੀ ਹਿੰਗ ਦੇ ਸੈਂਪਲ ਹੋਏ ਫੇਲ੍ਹ; ਵਿਕਰੀ ‘ਤੇ ਤੁਰੰਤ ਲੱਗੀ ਰੋਕ

🚩 FSSAI ਦੇ ਲੈਬ ਟੈਸਟ ਵਿਚ ਮਿਆਰਾਂ ‘ਤੇ ਖਰੀ ਨਾ ਉਤਰ ਸਕੀ ਹਿੰਗ, ਟੈਸਟ ਫੇਲ੍ਹ

ਨਵੀਂ ਦਿੱਲੀ, 29 ਅਗਸਤ: ਨਿਊਜ਼ਲਾਈਨ ਐਕਸਪ੍ਰੈਸ –        ਦੇਸ਼ ਦੀ ਖੁਰਾਕ ਸੁਰੱਖਿਆ ਰੈਗੂਲੇਟਰੀ ਸੰਸਥਾ FSSAI ਨੇ ਮਸ਼ਹੂਰ ਮਸਾਲਾ ਬ੍ਰਾਂਡ ਐਵਰੈਸਟ ਦੀ ਕੰਪਾਊਂਡਿਡ ਹਿੰਗ ਦੀ ਵਿਕਰੀ ’ਤੇ ਅਗਲੇ ਹੁਕਮਾਂ ਤੱਕ ਰੋਕ ਲਗਾ ਦਿੱਤੀ ਹੈ। ਲੈਬਾਰਟਰੀ ਜਾਂਚ ਦੌਰਾਨ ਐਵਰੈਸਟ ਦੀ ਹਿੰਗ ਦੇ ਨਮੂਨੇ ਨਿਰਧਾਰਤ ਖੁਰਾਕ ਸੁਰੱਖਿਆ ਮਾਪਦੰਡਾਂ ’ਤੇ ਖਰੇ ਨਹੀਂ ਉਤਰੇ। FSSAI ਵੱਲੋਂ ਕੀਤੀ ਜਾਂਚ ਵਿੱਚ ਕੰਪਾਊਂਡਿਡ ਹਿੰਗ ਦੇ ਨਮੂਨੇ ‘ਮਿਸਬ੍ਰਾਂਡਿਡ’ ਅਤੇ ‘ਸਬ-ਸਟੈਂਡਰਡ’ ਪਾਏ ਗਏ। ਨਿਯਮਾਂ ਮੁਤਾਬਕ ਕੰਪਾਊਂਡਿਡ ਹਿੰਗ ਵਿੱਚ ਘੱਟੋ-ਘੱਟ 5 ਫੀਸਦੀ ਅਲਕੋਹਲ-ਸੋਲਿਊਬਲ ਐਕਸਟ੍ਰੈਕਟ ਹੋਣਾ ਚਾਹੀਦਾ ਹੈ, ਜਦਕਿ ਐਵਰੈਸਟ ਦੇ ਜਾਂਚੇ ਗਏ ਨਮੂਨਿਆਂ ਵਿੱਚ ਇਹ ਮਾਤਰਾ 0 ਤੋਂ 3 ਫੀਸਦੀ ਤੱਕ ਹੀ ਪਾਈ ਗਈ।

FSSAI ਨੇ ਐਵਰੈਸਟ ਤੋਂ ਇਲਾਵਾ ਲਾਲਜੀ ਗੋਧੂ ਐਂਡ ਕੰਪਨੀ ਦੀ ਕੰਪਾਊਂਡਿਡ ਹਿੰਗ ਦੀ ਵਿਕਰੀ ’ਤੇ ਵੀ ਰੋਕ ਲਗਾਈ ਹੈ। ਇਸ ਕੰਪਨੀ ਦੇ ਨਮੂਨਿਆਂ ਵਿੱਚ ਵੀ ਮਿਆਰਾਂ ਦੀ ਉਲੰਘਣਾ ਸਾਹਮਣੇ ਆਈ ਅਤੇ ਕੁਝ ਕੱਚੀ ਹਿੰਗ ਦੇ ਨਮੂਨਿਆਂ ਵਿੱਚ ਸਟਾਰਚ ਦੀ ਮਾਤਰਾ ਨਿਰਧਾਰਤ ਸੀਮਾ ਨਾਲੋਂ ਕਾਫ਼ੀ ਵੱਧ ਪਾਈ ਗਈ। FSSAI ਨੇ ਦੋਵਾਂ ਕੰਪਨੀਆਂ ਨੂੰ ਉਲੰਘਣਾਵਾਂ ਬਾਰੇ ਸਪੱਸ਼ਟੀਕਰਨ ਦੇਣ ਅਤੇ ਸੁਧਾਰਾਤਮਕ ਕਾਰਵਾਈ ਯੋਜਨਾ ਪੇਸ਼ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਤੋਂ ਇਲਾਵਾ ਬਾਜ਼ਾਰ ਵਿੱਚ ਮੌਜੂਦ ਮਿਆਰਾਂ ’ਤੇ ਖਰੇ ਨਾ ਉਤਰਨ ਵਾਲੇ ਉਤਪਾਦਾਂ ਨੂੰ ਸਵੈਇੱਛਿਕ ਤੌਰ ’ਤੇ ਵਾਪਸ ਮੰਗਵਾਉਣ ਦੀ ਸਲਾਹ ਵੀ ਦਿੱਤੀ ਗਈ ਹੈ।

Newsline Express

Author: Newslineexpres@1