???? ਬ੍ਰਹਮਕੁਮਾਰੀ ਆਸ਼ਰਮ ਮਾਊਂਟ ਆਬੂ ਵਿਖੇ ਅੰਤਰਰਾਸ਼ਟਰੀ ਮੀਡੀਆ ਸੈਮੀਨਾਰ 29 ਅਗਸਤ ਤੋਂ
????ਪਟਿਆਲਾ ਤੋਂ ਵੀ ਸ਼ਾਮਿਲ ਹੋਣਗੇ ਕਈ ਪੱਤਰਕਾਰ
???? ਬ੍ਰਹਮਕੁਮਾਰੀ ਆਸ਼ਰਮ ਪਟਿਆਲਾ ਦੀ ਮੁਖੀ ਭੈਣ ਸ਼ਾਂਤਾ ਅਤੇ ਭੈਣ ਡਾ. ਰਮਾ ਨੇ ਪੱਤਰਕਾਰਾਂ ਨੂੰ ਕੀਤਾ ਗਾਈਡ
ਪਟਿਆਲਾ, 24 ਅਗਸਤ – ਨਿਊਜ਼ਲਾਈਨ ਐਕਸਪ੍ਰੈਸ ਬਿਊਰੋ – ਦੁਨੀਆ ਭਰ ਵਿੱਚ ਪ੍ਰਸਿੱਧ ਬ੍ਰਹਮਕੁਮਾਰੀ ਆਸ਼ਰਮ ਦੇ ਮਾਊਂਟ ਆਬੂ ਵਿਖੇ ਸਥਿਤ ਅੰਤਰਰਾਸ਼ਟਰੀ ਹੈੱਡ ਕੁਆਰਟਰ ਵਿਖੇ ਅੰਤਰਰਾਸ਼ਟਰੀ ਮੀਡੀਆ ਸੈਮੀਨਾਰ 29 ਅਗਸਤ ਤੋਂ 3 ਸਤੰਬਰ ਤੱਕ ਕਰਵਾਇਆ ਜਾ ਰਿਹਾ ਹੈ। ਇਸ ਸੈਮੀਨਾਰ ਵਿੱਚ ਦੇਸ਼ ਵਿਦੇਸ਼ਾਂ ਤੋਂ ਭਾਰੀ ਗਿਣਤੀ ਪੱਤਰਕਾਰ ਸ਼ਾਮਿਲ ਹੋਣ ਲਈ ਪਹੁੰਚ ਰਹੇ ਹਨ। ਇਸ ਸੰਬੰਧੀ ਅੱਜ ਪਟਿਆਲਾ ਵਿਖੇ ਸਥਿਤ ਬ੍ਰਹਮਕੁਮਾਰੀ ਆਸ਼ਰਮ ਵਿੱਚ ਬ੍ਰਹਮਕੁਮਾਰੀ ਭੈਣ ਸ਼ਾਂਤਾ ਦੀ ਅਗਵਾਈ ਵਿਚ ਪੱਤਰਕਾਰਾਂ ਨੂੰ ਸੈਮੀਨਾਰ ਬਾਰੇ ਗਾਈਡ ਕੀਤਾ ਗਿਆ। ਬ੍ਰਹਮਕੁਮਾਰੀ ਭੈਣ ਡਾ. ਰਮਾ ਨੇ ਮਨੁੱਖੀ ਜੀਵਨ ਨੂੰ ਪ੍ਰਭੂ ਨਾਲ ਜੋੜਣ, ਭਗਤੀ, ਸ਼ਾਂਤੀ ਤੇ ਹੋਰ ਵਿਸ਼ਿਆਂ ਸਬੰਧੀ ਜਾਣਕਾਰੀ ਦੇ ਨਾਲ ਨਾਲ ਮਾਊਂਟ ਆਬੂ ਵਿਖੇ ਹੋਣ ਵਾਲੇ ਅੰਤਰਰਾਸ਼ਟਰੀ ਮੀਡੀਆ ਸੈਮੀਨਾਰ ਸੰਬੰਧੀ ਵਿਸਤਾਰ ਨਾਲ ਸਮਝਾਇਆ। ਉਥੋਂ ਦੇ ਵਾਤਾਵਰਨ, ਖਾਣ ਪੀਣ, ਰਹਿਣ ਸਹਿਣ ਤੇ ਮਾਊਂਟ ਆਬੂ ਇਲਾਕੇ ਬਾਰੇ ਵੀ ਦੱਸਿਆ। ਇਸ ਤੋਂ ਅਲਾਵਾ ਉਨ੍ਹਾਂ ਨੇ ਸੈਮੀਨਾਰ ਦੌਰਾਨ ਕਰਵਾਏ ਜਾਣ ਵਾਲੇ ਰਾਜ ਯੋਗਾ, ਭਾਸ਼ਣ, ਕਲਾਸਾਂ ਅਤੇ ਪੱਤਰਕਾਰਾਂ ਦੇ ਲਈ ਪ੍ਰਸ਼ਨ ਉੱਤਰ ਆਦਿ ਪ੍ਰੋਗਰਾਮਾਂ ਸੰਬੰਧੀ ਗਾਈਡ ਕੀਤਾ।
ਇਸ ਮੌਕੇ ਉਤੇ ਬ੍ਰਹਮਕੁਮਾਰੀ ਭੈਣ ਪਿੰਕੀ, ਭੈਣ ਜਯੋਤੀ ਅਤੇ ਹੋਰ ਮੌਜੂਦ ਸਨ, ਜਿਨ੍ਹਾਂ ਨੇ ਹਾਜ਼ਰ ਪੱਤਰਕਾਰਾਂ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ।
Newsline Express
