???? ਸ਼ੇਰਾਂ ਵਾਲਾ ਗੇਟ ਪਟਿਆਲਾ ਤੋਂ ਮੀਡੀਆ ਕਰਮੀ ਦਾ ਮੋਟਰਸਾਈਕਲ ਚੋਰੀ
ਪਟਿਆਲਾ, 29 ਨਵੰਬਰ -ਨਿਊਜ਼ਲਾਈਨ ਐਕਸਪ੍ਰੈਸ ਬਿਊਰੋ – ਪਟਿਆਲਾ ਵਿਚ ਚੋਰੀ ਦੀਆਂ ਘਟਨਾਵਾਂ ਲਗਾਤਾਰ ਵੱਧ ਰਹੀਆਂ ਹਨ। ਅੱਜ ਸ਼ਾਮ ਨੂੰ ਲਗਭਗ 6:10 ਵਜੇ ਸਥਾਨਕ ਸ਼ੇਰਾਂਵਾਲਾ ਗੇਟ ਵਿਖੇ ਭਾਸ਼ਾ ਵਿਭਾਗ ਅਤੇ ਇਲੈਕਟ੍ਰੋਨਿਕ ਮੀਡੀਆ ਵੈਲਫੇਅਰ ਕਲੱਬ ਦੇ ਬਾਹਰੋਂ 2 ਅਣਪਛਾਤੇ ਨੌਜਵਾਨ ਇੱਕ ਕਾਲੇ ਰੰਗ ਦਾ ਸਪਲੈਂਡਰ ਮੋਟਰਸਾਈਕਲ ਚੋਰੀ ਕਰਕੇ ਲੈ ਗਏ। ਮੋਟਰ ਸਾਈਕਲ ਡੇਲੀ ਪੋਸਟ ਨਾਲ ਸੰਬੰਧਤ ਕੈਮਰਾਮੈਨ ਦਾ ਹੈ। CCTV ਵਿੱਚ ਚੋਰੀ ਦੀ ਘਟਨਾ ਕੈਦ ਹੋ ਗਈ ਹੈ ਜਿਸ ਵਿਚ ਦਿਖਾਈ ਦੇ ਰਿਹਾ ਹੈ ਕਿ 2 ਲੜਕੇ ਇੱਕ ਮੋਟਰਸਾਈਕਲ ਉਤੇ ਆਏ, ਜਿਨ੍ਹਾਂ ਨੇ ਕੁਝ ਹੀ ਮਿੰਟਾਂ ਵਿੱਚ ਮੀਡੀਆਕਰਮੀ ਸੁਨੀਲ ਕੁਮਾਰ ਦਾ ਕਾਲੇ ਰੰਗ ਦਾ ਸਪਲੈਂਡਰ ਮੋਟਰਸਾਈਕਲ ਨੰਬਰ ਪੀ ਬੀ 11 ਸੀ ਆਰ 0473 ਦਾ ਤਾਲਾ ਤੋੜ ਕੇ ਸਟਾਰਟ ਕਰ ਲਿਆ ਅਤੇ ਦੋਵੇਂ ਚੋਰ ਇੱਕ ਇੱਕ ਮੋਟਰ ਸਾਈਕਲ ਚਲਾ ਕੇ ਫ਼ਰਾਰ ਹੋ ਗਏ।
CCTV ਫੁਟੇਜ ਤੁਰੰਤ ਹੀ ਸੋਸ਼ਲ ਮੀਡੀਆ ਉਤੇ ਪਾ ਕੇ ਹਰ ਆਮ ਅਤੇ ਖਾਸ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ ਕਿ ਜਿਸ ਕਿਸੇ ਨੂੰ ਵੀ ਇਨ੍ਹਾਂ ਚੋਰਾਂ ਦਾ ਜਾਂ ਉਕਤ ਮੋਟਰਸਾਈਕਲ ਦਾ ਪਤਾ ਲੱਗੇ ਤਾਂ ਮੋਬਾਈਲ ਨੰਬਰ 7009308198 ਅਤੇ 9815030006 ਉਤੇ ਜਾਣਕਾਰੀ ਦਿੱਤੀ ਜਾਵੇ।
ਇਸ ਚੋਰੀ ਸੰਬੰਧੀ ਪੁਲਿਸ ਨੂੰ ਵੀ ਸੂਚਿਤ ਕੀਤਾ ਗਿਆ ਹੈ।
Newsline Express
