???? ਨੌਜਵਾਨ ਪੀੜ੍ਹੀ ਨੂੰ ਏਅਰ ਫੋਰਸ ਨਾਲ ਜੋੜਣ ਲਈ ਕਰਵਾਇਆ ਵਿਸ਼ੇਸ਼ ਪ੍ਰੋਗਰਾਮ
???? ਉਤਸੁਕ ਵਿਦਿਆਰਥੀਆਂ ਨੇ ਮਾਣਿਆ ਹਵਾਈ ਜਹਾਜ਼ ਉਡਾਉਣ ਵਾਂਗ ਆਨੰਦ
ਪਟਿਆਲਾ, 7 ਮਈ – ਕੁਲਵਿੰਦਰ / ਨਿਊਜ਼ਲਾਈਨ ਐਕਸਪ੍ਰੈਸ – ਪਟਿਆਲਾ ਦੇ ਇਵੀਏਸ਼ਨ ਕਲੱਬ ਵਿੱਚ ਏਅਰ ਫੋਰਸ ਵੱਲੋਂ ਇੱਕ ਵਿਸ਼ੇਸ਼ ਪ੍ਰੋਗਰਾਮ ਕੀਤਾ ਗਿਆ ਜਿਸ ਪ੍ਰੋਗਰਾਮ ਦਾ ਮਕਸਦ ਨੌਜਵਾਨ ਪੀੜੀ ਨੂੰ ਏਅਰ ਫੋਰਸ ਬਾਰੇ ਦੱਸਣਾ ਅਤੇ ਉਸ ਪ੍ਰੋਗਰਾਮ ਦਾ ਵਿਸ਼ੇਸ਼ ਆਕਰਸ਼ਣ ਵਰਲਡ ਸਕਾਈ ਟੱਚ ਨਾਮਕ ਬੱਸ ਰਹੀ , ਜੋ ਕਿ ਬੱਚਿਆਂ ਨੂੰ ਇਸ ਤਰ੍ਹਾਂ ਮਹਿਸੂਸ ਕਰਵਾਉਂਦੀ ਹੈ ਜਿਸ ਤਰ੍ਹਾਂ ਕਿ ਉਹ ਸੱਚਮੁੱਚ ਹੀ ਜਹਾਜ ਉਡਾ ਰਹੇ ਹੋਣ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਏਅਰਫੋਰਸ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਏਅਰਫੋਰਸ ਦਾ ਮਕਸਦ ਇਹ ਹੈ ਕਿ ਅੱਜ ਦੀ ਨੌਜਵਾਨ ਪੀੜੀ ਨੂੰ ਏਅਰਫੋਰਸ ਬਾਰੇ ਦੱਸਿਆ ਜਾਵੇ ਤੇ ਉਸ ਨੂੰ ਏਅਰਫੋਰਸ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸੇਵਾਵਾਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇ ਉੱਥੇ ਉਹਨਾਂ ਇਸ ਬੱਸ ਬਾਰੇ ਦੱਸਦੇ ਹੋਏ ਕਿਹਾ ਕਿ ਇਹ ਬੱਸ ਦੇ ਵਿੱਚ ਬੈਠ ਕੇ ਤੁਸੀਂ ਇਸ ਤਰ੍ਹਾਂ ਮਹਿਸੂਸ ਕਰਦੇ ਹੋ ਕਿ ਜਿਵੇਂ ਤੁਸੀਂ ਜਹਾਜ ਚਲਾ ਰਹੇ ਹੋ ਕਿਉਂਕਿ ਇਸ ਦੇ ਵਿੱਚ ਬਹੁਤ ਸਾਰੀਆਂ ਐਲਈਡੀਆਂ ਲੱਗੀਆਂ ਹੋਈਆਂ ਹਨ ਅਤੇ ਇਸ ਦਾ ਇੰਫਰਾਸਟਰਕਚਰ ਇਸ ਕਦਰ ਬਣਾਇਆ ਗਿਆ ਹੈ ਜਿਸ ਤਰ੍ਹਾਂ ਤੁਸੀਂ ਇੱਕ ਜਹਾਜ਼ ਦੀ ਪਾਇਲਟ ਸੀਟ ਉੱਤੇ ਬੈਠੇ ਹੋਏ ਹੋ। ਇਸ ਨੂੰ ਦੇਖਣ ਵਾਲੇ ਬੱਚਿਆਂ ਵਿਚ ਵੀ ਕਾਫੀ ਉਤਸੁਕਤਾ ਨਜ਼ਰ ਆਈ। Newsline Express
