🚩 ਪ੍ਰਧਾਨ ਡੈਂਟਲ ਕੌਂਸਲ ਨੇ ਸਰਕਾਰੀ ਡੈਂਟਲ ਕਾਲਜ, ਪਟਿਆਲਾ ਦਾ ਕੀਤਾ ਦੌਰਾ

🚩 ਪ੍ਰਧਾਨ ਡੈਂਟਲ ਕੌਂਸਲ ਨੇ ਸਰਕਾਰੀ ਡੈਂਟਲ ਕਾਲਜ, ਪਟਿਆਲਾ ਦਾ ਕੀਤਾ ਦੌਰਾ

🚩 ਪੰਜਾਬ ਦੇ ਡੈਂਟਲ ਕਾਲਜਾਂ ਵਿੱਚ ਉੱਚ ਸਹੂਲਤਾਂ ਪ੍ਰਦਾਨ ਕਰਨ ਦੇ ਯਤਨਾਂ ਦੀ ਕੀਤੀ ਸ਼ਲਾਘਾ

       ਪਟਿਆਲਾ, 7 ਦਸੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ –   ਡੈਂਟਲ ਕੌਂਸਲ ਆਫ਼ ਇੰਡੀਆ (DCI) ਦੇ ਪ੍ਰਧਾਨ ਡਾ: ਕੇ.ਸਤੀਸ਼ ਕੁਮਾਰ ਰੈੱਡੀ ਨੇ ਅੱਜ ਸਰਕਾਰੀ ਡੈਂਟਲ ਕਾਲਜ, ਪਟਿਆਲਾ ਦਾ ਦੌਰਾ ਕੀਤਾ ਅਤੇ ਪੰਜਾਬ ਸਰਕਾਰ ਵੱਲੋਂ ਰਾਜ ਦੇ ਡੈਂਟਲ ਕਾਲਜਾਂ ਵਿੱਚ ਉੱਚ ਸਹੂਲਤਾਂ ਪ੍ਰਦਾਨ ਕਰਨ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ।
  ਇਸ ਦੌਰਾਨ ਡਾ: ਅਵਨੀਸ਼ ਕੁਮਾਰ, ਡੀਆਰਐਮਈ ਪੰਜਾਬ, ਡਾ: ਪੁਨੀਤ ਗਿਰਧਰ, ਜੌਇੰਟ ਡਾਇਰੈਕਟਰ (ਡੈਂਟਲ), ਅਤੇ ਡਾ. ਜੇ.ਐਸ. ਮਾਨ, ਪ੍ਰਿੰਸੀਪਲ ਸਰਕਾਰੀ ਡੈਂਟਲ ਕਾਲਜ, ਡਾ: ਹਰਮੇਸ਼ ਤੇ ਹੋਰਾਂ ਨੇ ਡਾ. ਰੈੱਡੀ ਦਾ ਸਵਾਗਤ ਕੀਤਾ।

  ਇਸ ਮੌਕੇ ਡਾ. ਰੈੱਡੀ ਨੇ ਕਾਲਜ ਵਿੱਚ ਆਧੁਨਿਕ ਇੰਫਰਾਸਟਰੱਕਚਰ, ਸਿੱਖਿਆ ਪੱਧਤੀ ਅਤੇ ਕੁਲਿਨਿਕਲ ਮਿਆਰਾਂ ਦੀ ਸ਼ਲਾਘਾ ਕੀਤੀ।
ਇਸ ਮੌਕੇ ਡਾ: ਜੇ.ਐਸ. ਮਾਨ ਨੇ ਕਾਲਜ ਦੀਆਂ ਪ੍ਰਾਪਤੀਆਂ ਅਤੇ ਸਮੁਦਾਈ ਸੇਵਾਵਾਂ ਉਤੇ ਰੌਸ਼ਨੀ ਪਾਈ, ਜਦਕਿ ਡਾ: ਪੁਨੀਤ ਗਿਰਧਰ ਨੇ ਪੰਜਾਬ ਵਿੱਚ ਡੈਂਟਲ ਸਿੱਖਿਆ ਵਿੱਚ ਕੀਤੇ ਗਏ ਸੁਧਾਰਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ।
  ਇਸ ਦੌਰੇ ਨੇ ਪੰਜਾਬ ਦੀ ਡੈਂਟਲ ਸਿੱਖਿਆ ਅਤੇ ਸਿਹਤ ਸੇਵਾਵਾਂ ਵਿੱਚ ਉੱਚ ਪੱਧਰ ਪ੍ਰਦਾਨ ਕਰਨ ਦੀ ਵਚਨਬੱਧਤਾ ਨੂੰ ਮਜਬੂਤ ਕੀਤਾ।          Newsline Express

Author: Newslineexpres@1