???? ਡਾਕ ਵਿਭਾਗ ਵੱਲੋਂ Speed Post ਦੀਆਂ ਨਵੀਆਂ ਦਰਾਂ ਅਤੇ ਵਿਸ਼ੇਸ਼ਤਾਵਾਂ 1 ਅਕਤੂਬਰ ਤੋਂ ਹੋਣਗੀਆਂ ਲਾਗੂ
ਪਟਿਆਲਾ, 28 ਸਤੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ – ਡਾਕ ਵਿਭਾਗ ਨੇ ਸਪੀਡ ਪੋਸਟ ਸੇਵਾ ਨੂੰ ਹੋਰ ਆਧੁਨਿਕ ਅਤੇ ਗਾਹਕ-ਦੋਸਤ ਬਣਾਉਣ ਲਈ ਨਵੀਆਂ ਦਰਾਂ ਅਤੇ ਵਿਸ਼ੇਸ਼ਤਾਵਾਂ ਦਾ ਐਲਾਨ ਕੀਤਾ ਹੈ। 1 ਅਕਤੂਬਰ 2025 ਤੋਂ ਨਵੀਆਂ ਦਰਾਂ ਲਾਗੂ ਹੋਣਗੀਆਂ। 50 ਗ੍ਰਾਮ ਤੱਕ ਦੇ ਦਸਤਾਵੇਜ਼ਾਂ ਲਈ ਸਥਾਨਕ ਖੇਤਰ ਵਿੱਚ ਹੁਣ 19 ਰੁਪਏ ਲਾਗੂ ਹੋਣਗੇ, ਜਦਕਿ ਵੱਧ ਦੂਰੀਆਂ ਲਈ 51 ਗ੍ਰਾਮ ਤੋਂ 500 ਗ੍ਰਾਮ ਤੱਕ ਦੇ ਭਾਰ ਦੇ ਅਨੁਸਾਰ ਦਰਾਂ 24 ਰੁਪਏ ਤੋਂ 93 ਰੁਪਏ ਤੱਕ ਰਹਿਣਗੀਆਂ। ਨਵੀਆਂ ਵਿਸ਼ੇਸ਼ਤਾਵਾਂ ਵਿੱਚ OTP-ਅਧਾਰਤ ਸੁਰੱਖਿਅਤ ਡਿਲੀਵਰੀ, ਆਨਲਾਈਨ ਭੁਗਤਾਨ, SMS ਸੂਚਨਾਵਾਂ, ਆਨਲਾਈਨ ਬੁਕਿੰਗ ਅਤੇ ਰੀਅਲ-ਟਾਈਮ ਅਪਡੇਟ ਸ਼ਾਮਲ ਹਨ। ਗਾਹਕ ਚਾਹੁੰਦੇ ਤਾਂ ਰਜਿਸਟ੍ਰੇਸ਼ਨ ਅਤੇ OTP ਡਿਲੀਵਰੀ ਵਾਂਗ ਮੁੱਲ-ਵਰਧਿਤ ਸੇਵਾਵਾਂ ਵੀ ਲੈ ਸਕਦੇ ਹਨ, ਜਿਨ੍ਹਾਂ ਲਈ 5 ਰੁਪਏ ਪ੍ਰਤੀ ਆਈਟਮ (GST ਵਾਧੂ) ਚਾਰਜ ਹੋਵੇਗਾ। ਖ਼ਾਸ ਗੱਲ ਇਹ ਹੈ ਕਿ ਵਿਦਿਆਰਥੀਆਂ ਨੂੰ ਸਪੀਡ ਪੋਸਟ ਦਰਾਂ ’ਤੇ 10% ਛੂਟ ਅਤੇ ਨਵੇਂ ਬਲਕ ਗਾਹਕਾਂ ਨੂੰ 5% ਦੀ ਛੂਟ ਦਿੱਤੀ ਜਾਵੇਗੀ।
Newsline Express
