🚩ਦਿੱਲੀ ਦੇ 3 ਮੈਟਰੋ ਸਟੇਸ਼ਨਾਂ ਦੇ ਬਦਲੇ ਜਾਣਗੇ ਨਾਂ…

🚩ਦਿੱਲੀ ਦੇ 3 ਮੈਟਰੋ ਸਟੇਸ਼ਨਾਂ ਦੇ ਬਦਲੇ ਜਾਣਗੇ ਨਾਂ…

ਨਵੀਂ ਦਿੱਲੀ, 17 ਨਵੰਬਰ : ਨਿਊਜ਼ਲਾਈਨ ਐਕਸਪ੍ਰੈਸ –        ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਰਾਸ਼ਟਰੀ ਰਾਜਧਾਨੀ ‘ਚ ਇੱਕ ਵੱਡਾ ਐਲਾਨ ਕੀਤਾ। ਇਸ ਐਲਾਨ ਤਹਿਤ ਉਨ੍ਹਾਂ ਨੇ ਪੀਤਮਪੁਰਾ-ਹੈਦਰਪੁਰ ਬੈਲਟ ਦੇ ਤਿੰਨ ਪ੍ਰਮੁੱਖ ਮੈਟਰੋ ਸਟੇਸ਼ਨਾਂ ਦੇ ਨਾਂ ਬਦਲਣ ਦਾ ਐਲਾਨ ਕੀਤਾ ਹੈ। ਇਹ ਫੈਸਲਾ ਯਾਤਰੀਆਂ ਦੀ ਸਹੂਲਤ ਵਧਾਉਣ ਅਤੇ ਸਥਾਨਕ ਪਛਾਣ ਨੂੰ ਮਜ਼ਬੂਤ ਕਰਨ ਦੇ ਮਕਸਦ ਨਾਲ ਲਿਆ ਗਿਆ ਹੈ। ਮੁੱਖ ਮੰਤਰੀ ਨੇ ‘X’ ‘ਤੇ ਇੱਕ ਪੋਸਟ ਰਾਹੀਂ ਇਹ ਐਲਾਨ ਕੀਤਾ। ਪ੍ਰਸਤਾਵ ਅਨੁਸਾਰ, ਇਨ੍ਹਾਂ ਸਟੇਸ਼ਨਾਂ ਦੇ ਨਾਂ ਇਸ ਪ੍ਰਕਾਰ ਬਦਲੇ ਜਾਣਗੇ –

ਇਹ ਹੋਣਗੇ 3 ਮੈਟਰੋ ਸਟੇਸ਼ਨਾਂ ਦੇ ‘ਨਵੇਂ ਨਾਂ’

1. ‘ਉੱਤਰੀ ਪੀਤਮਪੁਰਾ ਮੈਟਰੋ ਸਟੇਸ਼ਨ’ ਨੂੰ ਹੁਣ “ਉੱਤਰੀ ਪੀਤਮਪੁਰਾ-ਪ੍ਰਸ਼ਾਂਤ ਵਿਹਾਰ ਮੈਟਰੋ ਸਟੇਸ਼ਨ” ਕਿਹਾ ਜਾਵੇਗਾ।

2. ‘ਪੀਤਮਪੁਰਾ ਨਾਰਥ ਮੈਟਰੋ ਸਟੇਸ਼ਨ’ ਦਾ ਨਾਂ ਬਦਲ ਕੇ “ਹੈਦਰਪੁਰ ਵਿਲੇਜ ਮੈਟਰੋ ਸਟੇਸ਼ਨ” ਰੱਖਿਆ ਜਾਵੇਗਾ।

3. ਮੌਜੂਦਾ ‘ਪੀਤਮਪੁਰਾ ਮੈਟਰੋ ਸਟੇਸ਼ਨ’ ਨੂੰ ਹੁਣ “ਮਧੂਬਨ ਚੌਕ ਮੈਟਰੋ ਸਟੇਸ਼ਨ” ਦੇ ਨਾਂ ਨਾਲ ਜਾਣਿਆ ਜਾਵੇਗਾ।

ਮੁੱਖ ਮੰਤਰੀ ਨੇ ਕਿਹਾ ਕਿ ਨਾਂ ਬਦਲਣ ਦਾ ਇਹ ਕਦਮ ਯਾਤਰੀਆਂ ਲਈ ਸਪੱਸ਼ਟਤਾ ਲਿਆਵੇਗਾ। ਇਹ ਯਕੀਨੀ ਬਣਾਏਗਾ ਕਿ ਸਟੇਸ਼ਨ ਦੇ ਨਾਂ ਉਨ੍ਹਾਂ ਇਲਾਕਿਆਂ ਨਾਲ ਵਧੇਰੇ ਸਹੀ ਢੰਗ ਨਾਲ ਮੇਲ ਖਾਣ, ਜਿੱਥੇ ਉਹ ਸੇਵਾ ਦਿੰਦੇ ਹਨ। ਉਨ੍ਹਾਂ ਕਿਹਾ ਕਿ “ਸਾਡੀ ਸਰਕਾਰ ਇਸ ਖੇਤਰ ਦੇ ਵਿਆਪਕ ਵਿਕਾਸ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ।”

Newsline Express

Author: Newslineexpres@1