🚩 ਐਨਸੀਸੀ ਏਅਰ ਵਿੰਗ ਦਾ 10 ਰੋਜ਼ਾ ਕੈਂਪ; ਕੈਡਿਟਾਂ ਨੇ ਵੱਖ-ਵੱਖ ਗਤੀਵਿਧੀਆਂ ਵਿਚ ਲਿਆ ਭਾਗ

🚩 ਐਨਸੀਸੀ ਏਅਰ ਵਿੰਗ ਦਾ 10 ਰੋਜ਼ਾ ਕੈਂਪ; ਕੈਡਿਟਾਂ ਨੇ ਵੱਖ-ਵੱਖ ਗਤੀਵਿਧੀਆਂ ਵਿਚ ਲਿਆ ਭਾਗ

Newsline Express

ਚੰਡੀਗੜ੍ਹ, 10 ਜੂਨ – ਨਿਊਜ਼ਲਾਈਨ ਐਕਸਪ੍ਰੈਸ  –          ਚੰਡੀਗੜ੍ਹ ਯੂਨੀਵਰਸਿਟੀ ਮੋਹਾਲੀ ਵਿਖੇ ਏਅਰ ਵਿੰਗ ਦੇ 10 ਰੋਜ਼ਾ ਕੈਂਪ ਦੋਰਾਨ ਕੈਡਿਟਾਂ ਨੇ ਵੱਖ-ਵੱਖ ਗਤੀਵਿਧੀਆਂ ਵਿੱਚ ਭਾਗ ਲਿਆ। ਡੀ.ਜੀ.ਐਨ.ਸੀ.ਸੀ ਅਤੇ ਏ.ਡੀ.ਸੀ ਐਨ.ਸੀ.ਸੀ ਦੀਆਂ ਹਦਾਇਤਾਂ ਅਨੁਸਾਰ ਮਿਤੀ 3 ਤੋਂ 12 ਜੂਨ ਤੱਕ, ਐਨ.ਸੀ.ਸੀ ਏਅਰ ਵਿੰਗ ਦਾ 10 ਰੋਜ਼ਾ ਕੈਂਪ (ATC-95 ) ਕਰਵਾਇਆ ਗਿਆ, ਜਿਸ ਵਿੱਚ ਪੰਜਾਬ ਦੇ ਵੱਖ-ਵੱਖ ਸਕੂਲਾਂ/ ਕਾਲਜਾਂ ਤੋਂ ਲਗਭਗ 500 ਕੈਡੇਟਾਂ ਨੇ ਭਾਗ ਲਿਆ।

ਸਭ ਤੋਂ ਪਹਿਲਾ ਕੈਂਪ ਵਿੱਚ ਕੈਡਿਟਾਂ ਦੀ  ਬਾਇਓਮੈਟਰਿਕ ਕੀਤੀ ਗਈ। ਇਸ ਕੈਂਪ ਵਿੱਚ ਭਾਗ ਲੈਣ ਵਾਲੇ ਕੈਡਿਟਾਂ ਦੀਆਂ ਵਿਸ਼ੇਸ਼ ਸਿੱਖਲਾਈ ਲਈ ਕਲਾਸਾਂ ਲਗਾਈਆ ਗਈਆਂ, ਜਿਸ ਵਿੱਚ ਸਰੀਰਕ ਸਿਹਤ, ਸਾਫ ਸਫਾਈ ਅਤੇ ਮੌਸਮ ਨਾਲ ਸਬੰਧਤ ਜਾਣਕਾਰੀ ਦਿੱਤੀ ਗਈ। ਕੈਡਿਟਾਂ ਦੁਆਰਾ ਕਲਪਨਾ ਚਾਵਲਾ ਸੈਂਟਰ ਵਿਖੇ ਵਿਜ਼ਿਟ, ਆਫਤ ਪ੍ਰਬੰਧਨ ਅਤੇ ਡਰੌਨ ਉਡਾਣ ਬਾਰੇ ਭਰਪੂਰ ਜਾਣਕਾਰੀ ਦੇਣ ਦੇ ਨਾਲ ਨਾਲ ਫਲਾਇੰਗ ਵੀ ਕਰਵਾਈ ਗਈ। ਪੀ.ਆਈ ਸਟਾਫ ਅਤੇ ਏ.ਐਨ.ੳ ਦੁਆਰਾ ਲਗਾਈਆਂ ਗਈਆਂ ਕਲਾਸਾਂ ਵਿੱਚ ਕੈਡਿਟਾਂ ਨੁੰ ਅਨੁਸ਼ਾਸਨ, ਤਾਲਮੇਲ ਅਤੇ ਟੀਮ ਵਰਕ ਨੂੰ ਵਧਾਵਾ ਦੇਣ ਦੀ ਟ੍ਰੇਨਿੰਗ ਦਿੱਤੀ ਗਈ ਅਤੇ ਡਿ੍ਲ ਅਭਿਆਸ ਕਰਵਾਇਆ ਗਿਆ।

ਕੈਂਪ ਦੁਆਰਾ ਕੈਡਿਟਾਂ ਨੂੰ ਵਧੀਆ ਰਿਫਰੈਸ਼ਮੈਂਟ ਦਿੱਤੀ ਜਾਂਦੀ ਹੈ। ਇਸ ਕੈਂਪ ਦੀ ਅਗਵਾਈ ਗਰੁੱਪ ਕੈਪਟਨ ਸੋਮਨਾਥ ਮਿੱਤਰਾ ਵੱਲੋਂ ਕੀਤੀ ਗਈ। ਇਸ ਕੈਂਪ ਵਿੱਚ ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਏ.ਐਨ.ੳ ਸ੍ਰੀ ਸਾਹਿਲ ਅਤੇ ਏ.ਐਨ.ੳ ਸ੍ਰੀ ਗੁਰਪ੍ਰੀਤ ਸਿੰਘ ਵੱਲੋਂ ਕੈਡਿਟਾਂ ਨੂੰ ਸਾਰੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਗਈਆਂ। ਕੈਂਪ ਵਿੱਚ ਜੂਨੀਅਰ ਵਰੰਟ ਅਫਸਰ ਸ੍ਰੀ ਖੇਤਾ ਰਾਮ ਅਤੇ ਰਾਜੀਵ ਰਜੰਨ ਸਿੰਘ ਵੀ ਸ਼ਾਮਿਲ ਹਨ।

Newsline Express

Author: Newslineexpres@1