🚩ਸਵੇਰੇ ਸਕੂਟਰੀ ’ਤੇ ਘਰੋਂ ਨਿਕਲੇ ਸਰਕਾਰੀ ਕਰਮਚਾਰੀ ਰਾਮ ਕੁਮਾਰ ਲਾਪਤਾ ;  ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ

🚩ਸਵੇਰੇ ਸਕੂਟਰੀ ’ਤੇ ਘਰੋਂ ਨਿਕਲੇ ਸਰਕਾਰੀ ਕਰਮਚਾਰੀ ਰਾਮ ਕੁਮਾਰ ਲਾਪਤਾ ;  ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ

🚩ਸਵੇਰੇ ਲਗਭਗ 7 ਵਜੇ ਘਰੋਂ ਗਏ ਵਿਅਕਤੀ ਦੀ ਦੇਰ ਰਾਤ ਤੱਕ ਨਹੀਂ ਮਿਲਿਆ ਸੁਰਾਗ

🚩ਪਰਿਵਾਰਕ ਮੈਬਰਾਂ ਅਤੇ ਹੋਰਾਂ ਸਮੇਤ ਪੁਲਿਸ ਵੀ ਭਾਲ ‘ਚ ਜੁਟੀ 

ਪਟਿਆਲਾ, 28 ਅਗਸਤ – ਨੇਿਊਜ਼ਲਾਈਨ ਐਕਸਪ੍ਰੈਸ –    ਸ਼ਹੀਦ ਊਧਮ ਸਿੰਘ ਨਗਰ, ਥਾਣਾ ਤ੍ਰਿਪੜੀ, ਪਟਿਆਲਾ ਵਾਸੀ ਕਰੀਬ 50 ਸਾਲਾ ਸਰਕਾਰੀ ਕਰਮਚਾਰੀ ਰਾਮ ਕੁਮਾਰ ਦੇ ਲਾਪਤਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਰਿਵਾਰ ਵੱਲੋਂ ਉਨ੍ਹਾਂ ਦੀ ਭਾਲ ਲਈ ਪੁਲੀਸ ਪ੍ਰਸ਼ਾਸਨ ਦੇ ਨਾਲ-ਨਾਲ ਆਮ ਲੋਕਾਂ ਤੋਂ ਵੀ ਸਹਿਯੋਗ ਦੀ ਅਪੀਲ ਕੀਤੀ ਗਈ ਹੈ।

ਪਰਿਵਾਰਕ ਮੈਂਬਰਾਂ ਅਨੁਸਾਰ ਰਾਮ ਕੁਮਾਰ ਅੱਜ ਸ਼ੁੱਕਰਵਾਰ ਨੂੰ ਸਵੇਰੇ ਕਰੀਬ 7:30 ਵਜੇ ਸਕੂਟਰੀ ’ਤੇ ਘਰੋਂ ਨਿਕਲੇ ਸਨ, ਪਰ ਇਸ ਤੋਂ ਬਾਅਦ ਉਹ ਵਾਪਸ ਘਰ ਨਹੀਂ ਪਰਤੇ। ਕਾਫ਼ੀ ਸਮਾਂ ਉਡੀਕ ਕਰਨ ਤੋਂ ਬਾਅਦ ਪਰਿਵਾਰ ਵੱਲੋਂ ਰਿਸ਼ਤੇਦਾਰਾਂ, ਦੋਸਤਾਂ ਅਤੇ ਜਾਣ-ਪਛਾਣ ਵਾਲਿਆਂ ਕੋਲ ਪੁੱਛਗਿੱਛ ਕਰਨ ਦੇ ਨਾਲ-ਨਾਲ ਸੰਭਾਵਿਤ ਥਾਵਾਂ ’ਤੇ ਉਨ੍ਹਾਂ ਦੀ ਭਾਲ ਕੀਤੀ ਗਈ, ਪਰ ਕੋਈ ਸੁਰਾਗ ਨਹੀਂ ਮਿਲ ਸਕਿਆ।

ਪਰਿਵਾਰ ਮੁਤਾਬਕ ਰਾਮ ਕੁਮਾਰ ਦੀ ਸਕੂਟਰੀ ਜ਼ਿਲ੍ਹਾ ਉਦਯੋਗ ਕੇਂਦਰ ਨੇੜੇ ਸਰਹਿੰਦ ਰੋਡ ਪਟਿਆਲਾ ਤੋਂ ਮਿਲ ਗਈ ਹੈ, ਜਦਕਿ ਉਨ੍ਹਾਂ ਬਾਰੇ ਅਜੇ ਤੱਕ ਕੋਈ ਜਾਣਕਾਰੀ ਨਹੀਂ ਮਿਲੀ। ਇਸ ਸਬੰਧੀ ਥਾਣਾ ਤ੍ਰਿਪੜੀ ਪੁਲੀਸ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ। 

   ਇਕ ਆਟੋ ਵਾਲੇ ਕੋਲੋਂ ਪਤਾ ਲੱਗਿਆ ਹੈ ਕਿ ਰਾਮ ਕੁਮਾਰ ਸਵੇਰੇ ਸਰਹਿੰਦ ਰੋਡ ਤੋਂ ਆਟੋ ਲੈਕੇ ਦੁਖਨਿਵਾਰਨ ਸਾਹਿਬ ਗੁਰੂਦਵਾਰਾ ਚੋਂਕ ਗਿਆ ਸੀ ਅਤੇ ਉੱਥੋਂ ਹੋਰ ਆਟੋ ਲੈਕੇ ਕਿਤੇ ਚਲਾ ਗਿਆ, ਪ੍ਰੰਤੂ ਉਸ ਤੋਂ ਬਾਅਦ ਉਹ ਕਿੱਥੇ ਗਿਆ ਇਹ ਨਹੀਂ ਪਤਾ ਲੱਗਿਆ।

ਜ਼ਿਕਰਯੋਗ ਹੈ ਕਿ ਪੰਜਾਬ ਸਰਕਾਰ ਦੇ ਰੋਜ਼ਗਾਰ ਵਿਭਾਗ ਦੇ ਕਰਮਚਾਰੀ ਰਾਮ ਕੁਮਾਰ ਦੀ ਬੀਤੇ ਦਿਨੀਂ ਹੀ ਸੁਪਰਡੈਂਟ ਵੱਜੋਂ ਪ੍ਰਮੋਸ਼ਨ ਹੋਈ ਹੈ ਅਤੇ ਅਜੇ ਨਵੀਂ ਥਾਂ ਉੱਤੇ ਸਟੇਸ਼ਨ ਅਲਾਟ ਕੀਤਾ ਜਾਣਾ ਹੈ। ਰਾਮ ਕੁਮਾਰ ਦੇ ਅਚਾਨਕ ਲਾਪਤਾ ਹੋਣ ਕਾਰਨ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਪਰਿਵਾਰ ਵੱਲੋਂ ਉਨ੍ਹਾਂ ਦੀ ਸਲਾਮਤੀ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕਰਦਿਆਂ ਪੁਲੀਸ ਪ੍ਰਸ਼ਾਸਨ ਤੋਂ ਜਲਦ ਤੋਂ ਜਲਦ ਭਾਲ ਕਰਕੇ ਉਨ੍ਹਾਂ ਨੂੰ ਪਰਿਵਾਰ ਨਾਲ ਮਿਲਾਉਣ ਦੀ ਅਪੀਲ ਕੀਤੀ ਗਈ ਹੈ।

ਪਰਿਵਾਰ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਰਾਮ ਕੁਮਾਰ ਦਾ ਕੱਦ ਕਰੀਬ 5 ਫੁੱਟ 6 ਇੰਚ  ਹੈ ਅਤੇ ਉਹ ਸਿਰ ਤੋਂ ਮੋਨੇ ਹਨ। ਪਰਿਵਾਰ ਨੇ ਆਮ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਵਿਅਕਤੀ ਨੂੰ ਰਾਮ ਕੁਮਾਰ ਬਾਰੇ ਕੋਈ ਜਾਣਕਾਰੀ ਮਿਲੇ ਜਾਂ ਉਹ ਕਿਤੇ ਨਜ਼ਰ ਆਉਣ ਤਾਂ ਤੁਰੰਤ ਹੇਠਾਂ ਦਿੱਤੇ ਨੰਬਰ ’ਤੇ ਸੰਪਰਕ ਕੀਤਾ ਜਾਵੇ।ਸੰਪਰਕ ਨੰਬਰ: 99886-62637      Newsline Express