🚩ਪਟਿਆਲਾ ਬਾਰ ’ਤੇ ਬਿਲਿੰਗ ਗਰੁੱਪ ਦਾ ਕਬਜ਼ਾ, ਸਾਰੇ ਪ੍ਰਮੁੱਖ ਅਹੁਦਿਆਂ ’ਤੇ ਜਿੱਤ

🚩ਪਟਿਆਲਾ ਬਾਰ ’ਤੇ ਬਿਲਿੰਗ ਗਰੁੱਪ ਦਾ ਕਬਜ਼ਾ, ਸਾਰੇ ਪ੍ਰਮੁੱਖ ਅਹੁਦਿਆਂ ’ਤੇ ਜਿੱਤ

🚩ਅਵਨੀਤ ਸਿੰਘ ਬਿਲਿੰਗ 613 ਵੋਟਾਂ ਦੇ ਵੱਡੇ ਫਰਕ ਨਾਲ ਪ੍ਰਧਾਨ ਬਣੇ | 1941 ਵਕੀਲਾਂ ਨੇ ਪਾਈਆਂ ਵੋਟਾਂ

ਪਟਿਆਲਾ / ਨਿਊਜ਼ਲਾਈਨ ਐਕਸਪ੍ਰੈਸ –    ਪਟਿਆਲਾ ਬਾਰ ਐਸੋਸੀਏਸ਼ਨ ਦੀਆਂ ਸ਼ੁੱਕਰਵਾਰ ਨੂੰ ਹੋਈਆਂ ਚੋਣਾਂ ਦੇ ਨਤੀਜੇ ਬੀਤੀ ਦੇਰ ਰਾਤ ਐਲਾਨੇ ਗਏ। ਚੋਣ ਨਤੀਜਿਆਂ ਵਿੱਚ ਐਡਵੋਕੇਟ ਅਵਨੀਤ ਸਿੰਘ ਬਿਲਿੰਗ ਦੀ ਅਗਵਾਈ ਵਾਲੇ ਗਰੁੱਪ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਪ੍ਰਮੁੱਖ ਅਹੁਦਿਆਂ ’ਤੇ ਜਿੱਤ ਦਰਜ ਕੀਤੀ। ਇਸ ਗਰੁੱਪ ਨੂੰ ਸੀਨੀਅਰ ਐਡਵੋਕੇਟ ਸੁਖਵਿੰਦਰ ਸਿੰਘ ਬੱਲ ਦਾ ਵੀ ਸਮਰਥਨ ਹਾਸਲ ਸੀ। ਪ੍ਰਧਾਨ ਦੇ ਅਹੁਦੇ ’ਤੇ ਬਿਲਿੰਗ ਨੇ 1249 ਵੋਟਾਂ ਹਾਸਲ ਕਰਕੇ ਆਪਣੇ ਨੇੜਲੇ ਵਿਰੋਧੀ ਐਡਵੋਕੇਟ ਵਿਕਰਮਜੀਤ ਸਿੰਘ ਭੁੱਲਰ ਨੂੰ 613 ਵੋਟਾਂ ਦੇ ਫਰਕ ਨਾਲ ਹਰਾਇਆ। ਭੁੱਲਰ ਨੂੰ 636 ਅਤੇ ਐਡਵੋਕੇਟ ਅਰਵਿੰਦ ਪਾਲ ਨੂੰ 32 ਵੋਟਾਂ ਮਿਲੀਆਂ।

ਉਪ ਪ੍ਰਧਾਨ ਦੇ ਅਹੁਦੇ ਲਈ ਐਡਵੋਕੇਟ ਗਗਨ ਚੱਠਾ ਨੇ 959 ਵੋਟਾਂ ਹਾਸਲ ਕਰਕੇ ਐਡਵੋਕੇਟ ਗੁਰਪ੍ਰੀਤ ਸਿੰਘ ਗਿੱਲ ਨੂੰ 72 ਵੋਟਾਂ ਦੇ ਫਰਕ ਨਾਲ ਹਰਾਇਆ। ਗਿੱਲ ਨੂੰ 887 ਵੋਟਾਂ ਮਿਲੀਆਂ। ਮਹਿਲਾ ਉਪ ਪ੍ਰਧਾਨ ਦੇ ਅਹੁਦੇ ਲਈ ਸਤਵਿੰਦਰ ਕੌਰ ਗਿੱਲ 1026 ਵੋਟਾਂ ਨਾਲ ਜੇਤੂ ਰਹੇ। ਉਨ੍ਹਾਂ ਦੀਆਂ ਵਿਰੋਧੀਆਂ ਐਡਵੋਕੇਟ ਦਲਜਿੰਦਰ ਕੌਰ ਨੂੰ 718 ਅਤੇ ਰਜਨੀ ਨਾਰੰਗ ਨੂੰ 38 ਵੋਟਾਂ ਮਿਲੀਆਂ। ਸਤਵਿੰਦਰ ਕੌਰ ਗਿੱਲ ਦੀ ਜਿੱਤ ਦਾ ਫਰਕ 308 ਵੋਟਾਂ ਰਿਹਾ।

ਸਕੱਤਰ ਦੇ ਅਹੁਦੇ ਲਈ ਐਡਵੋਕੇਟ ਅਮਨਪ੍ਰੀਤ ਸਿੰਘ ਵਿਰਕ ਨੇ 931 ਵੋਟਾਂ ਲੈ ਕੇ ਜਿੱਤ ਹਾਸਲ ਕੀਤੀ। ਉਨ੍ਹਾਂ ਦੇ ਮੁਕਾਬਲੇ ਤੇਗਵੀਰ ਸਿੰਘ ਢਿੱਲੋਂ ਨੂੰ 677, ਐਡਵੋਕੇਟ ਕੁਲਜੀਤ ਕੌਰ ਧਾਲੀਵਾਲ ਨੂੰ 217, ਪ੍ਰਦੀਪ ਖੰਨਾ ਨੂੰ 47 ਅਤੇ ਭਰਤ ਪਾਸੀ ਨੂੰ 27 ਵੋਟਾਂ ਮਿਲੀਆਂ। ਵਿਰਕ 254 ਵੋਟਾਂ ਦੇ ਫਰਕ ਨਾਲ ਜੇਤੂ ਰਹੇ।

ਸੰਯੁਕਤ ਸਕੱਤਰ ਦੇ ਅਹੁਦੇ ਲਈ ਐਡਵੋਕੇਟ ਜਸਦੀਪ ਸਿੰਘ ਪੰਨੂ ਨੂੰ 868 ਵੋਟਾਂ ਮਿਲੀਆਂ। ਐਡਵੋਕੇਟ ਜਤਿੰਦਰ ਸਿੰਘ ਨੂੰ 731 ਅਤੇ ਐਡਵੋਕੇਟ ਚਰਨਜੀਤ ਸਿੰਘ ਸਿੱਧੂ ਨੂੰ 282 ਵੋਟਾਂ ਮਿਲੀਆਂ। ਪੰਨੂ ਨੇ 137 ਵੋਟਾਂ ਦੇ ਫਰਕ ਨਾਲ ਜਿੱਤ ਦਰਜ ਕੀਤੀ।

ਖਜ਼ਾਨਚੀ ਦੇ ਅਹੁਦੇ ਲਈ ਐਡਵੋਕੇਟ ਦਿਗਵਿਜੇ ਮੌਦਗਿਲ ਨੇ 1170 ਵੋਟਾਂ ਹਾਸਲ ਕਰਕੇ ਐਡਵੋਕੇਟ ਦੀਪਕ ਜਿੰਦਲ ਨੂੰ 495 ਵੋਟਾਂ ਦੇ ਵੱਡੇ ਫਰਕ ਨਾਲ ਹਰਾਇਆ। ਜਿੰਦਲ ਨੂੰ 675 ਵੋਟਾਂ ਮਿਲੀਆਂ। ਲਾਇਬ੍ਰੇਰੀਅਨ ਦੇ ਅਹੁਦੇ ਲਈ ਐਡਵੋਕੇਟ ਕੀਰਤੀ ਠਾਕੁਰ ਨੂੰ 1084 ਅਤੇ ਐਡਵੋਕੇਟ ਸ੍ਰਿਸ਼ਟੀ ਵੈਸ਼ ਨੂੰ 788 ਵੋਟਾਂ ਮਿਲੀਆਂ, ਜਦਕਿ 60 ਵੋਟਾਂ ਰੱਦ ਹੋਈਆਂ।

ਚੋਣਾਂ ਵਿੱਚ ਕੁੱਲ 2233 ਵਕੀਲ ਵੋਟਰ ਸਨ, ਜਿਨ੍ਹਾਂ ਵਿੱਚੋਂ 1941 ਨੇ ਆਪਣੇ ਵੋਟ ਦੇ ਹੱਕ ਦੀ ਵਰਤੋਂ ਕੀਤੀ। ਇਸ ਤਰ੍ਹਾਂ ਵੋਟਿੰਗ ਪ੍ਰਤੀਸ਼ਤਤਾ ਲਗਭਗ 87 ਫੀਸਦੀ ਰਹੀ। ਵੋਟਿੰਗ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਹੋਈ, ਜਿਸ ਦੌਰਾਨ ਦੁਪਹਿਰ 1 ਵਜੇ ਤੋਂ 1:30 ਵਜੇ ਤੱਕ ਅੱਧੇ ਘੰਟੇ ਦੀ ਖਾਣੇ ਦੀ ਬਰੇਕ ਰਹੀ। ਪਿਛਲੇ ਸਾਲ 2025 ਦੀਆਂ ਚੋਣਾਂ ਵਿੱਚ ਵੋਟਿੰਗ ਪ੍ਰਤੀਸ਼ਤਤਾ 88 ਫੀਸਦੀ ਰਹੀ ਸੀ। Newsline Express