🚩 ਚੰਡੀਗੜ੍ਹ ’ਚ ਸ਼ੁਰੂ ਹੋਈ ‘ਭਾਰਤ ਟੈਕਸੀ’; ਗਵਰਨਰ ਨੇ ਕੀਤਾ ਉਦਘਾਟਨ

🚩 ਚੰਡੀਗੜ੍ਹ ’ਚ ਸ਼ੁਰੂ ਹੋਈ ‘ਭਾਰਤ ਟੈਕਸੀ’; ਗਵਰਨਰ ਨੇ ਕੀਤਾ ਉਦਘਾਟਨ

ਚੰਡੀਗੜ੍ਹ, 18 ਸਤੰਬਰ: ਨਿਊਜ਼ਲਾਈਨ ਐਕਸਪ੍ਰੈਸ –         ਚੰਡੀਗੜ੍ਹ ਵਿੱਚ ਸ਼ੁੱਕਰਵਾਰ ਤੋਂ ਕੇਂਦਰ ਸਰਕਾਰ ਦੇ ਸਹਿਕਾਰੀ ਮਾਡਲ ਤਹਿਤ ‘ਭਾਰਤ ਟੈਕਸੀ’ ਸੇਵਾ ਸ਼ੁਰੂ ਹੋ ਗਈ ਹੈ। ਇਸ ਦਾ ਉਦਘਾਟਨ ਪੰਜਾਬ ਦੇ ਰਾਜਪਾਲ ਅਤੇ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ ਨੇ ਕੀਤਾ। ਇਹ ਪਲੇਟਫਾਰਮ ਓਲਾ, ਉਬਰ ਅਤੇ ਹੋਰ ਨਿੱਜੀ ਕੈਬ ਐਗਰੀਗੇਟਰਾਂ ਦੇ ਵਿਕਲਪ ਵਜੋਂ ਪੇਸ਼ ਕੀਤਾ ਗਿਆ ਹੈ। ਭਾਰਤ ਟੈਕਸੀ ਦੀ ਖ਼ਾਸੀਅਤ ਇਸ ਦਾ ਸਹਿਕਾਰੀ ਅਤੇ ਜ਼ੀਰੋ-ਕਮਿਸ਼ਨ ਮਾਡਲ ਹੈ। ਇਸ ਤਹਿਤ ਡਰਾਈਵਰਾਂ ਨੂੰ ‘ਸਾਰਥੀ’ ਕਿਹਾ ਗਿਆ ਹੈ। ਸਾਰਥੀ ਸਿਰਫ਼ ਸੇਵਾ ਪ੍ਰਦਾਤਾ ਨਹੀਂ ਹੋਣਗੇ, ਸਗੋਂ ਪਲੇਟਫਾਰਮ ਵਿੱਚ ਹਿੱਸੇਦਾਰ ਬਣਨ ਦਾ ਮੌਕਾ ਵੀ ਮਿਲੇਗਾ। ਦਸਤਾਵੇਜ਼ਾਂ ਦੀ ਤਸਦੀਕ ਤੋਂ ਬਾਅਦ ਡਰਾਈਵਰ 500 ਰੁਪਏ ਵਿੱਚ ਭਾਰਤ ਟੈਕਸੀ ਦੇ ਪੰਜ ਸ਼ੇਅਰ ਖਰੀਦ ਕੇ ਸ਼ੇਅਰਧਾਰਕ ਬਣ ਸਕਦੇ ਹਨ ਅਤੇ ਭਵਿੱਖ ਦੇ ਮੁਨਾਫ਼ੇ ਵਿੱਚ ਹਿੱਸੇਦਾਰੀ ਦਾ ਹੱਕ ਹਾਸਲ ਕਰ ਸਕਦੇ ਹਨ।
ਭਾਰਤ ਟੈਕਸੀ ਦੀ ਸ਼ੁਰੂਆਤ ਅਜਿਹੇ ਸਮੇਂ ਹੋਈ ਹੈ ਜਦੋਂ ਚੰਡੀਗੜ੍ਹ ਪ੍ਰਸ਼ਾਸਨ ਵੱਲੋਂ ਹਾਲ ਹੀ ਵਿੱਚ ਓਲਾ, ਉਬਰ ਅਤੇ ਇਨਡਰਾਈਵ ਦੇ ਲਾਇਸੈਂਸ ਛੇ ਮਹੀਨਿਆਂ ਲਈ ਮੁਅੱਤਲ ਕੀਤੇ ਗਏ ਸਨ। ਇਸ ਪਿਛੋਕੜ ਵਿੱਚ ਨਵੀਂ ਕੈਬ ਸੇਵਾ ਸ਼ਹਿਰ ਦੇ ਯਾਤਰੀਆਂ ਅਤੇ ਡਰਾਈਵਰਾਂ ਲਈ ਇੱਕ ਨਵਾਂ ਵਿਕਲਪ ਬਣ ਕੇ ਸਾਹਮਣੇ ਆਈ ਹੈ।
ਯਾਤਰੀ ਗੂਗਲ ਪਲੇਅ ਸਟੋਰ ਤੋਂ ਭਾਰਤ ਟੈਕਸੀ ਐਪ ਡਾਊਨਲੋਡ ਕਰਕੇ ਮੋਬਾਈਲ ਨੰਬਰ ਰਾਹੀਂ ਲੌਗਇਨ ਕਰ ਸਕਦੇ ਹਨ। ਇਸ ਤੋਂ ਬਾਅਦ ਆਪਣੀ ਲੋਕੇਸ਼ਨ ਦਰਜ ਕਰਕੇ ਉਪਲਬਧ ਸੇਵਾ ਅਨੁਸਾਰ ਕੈਬ, ਬਾਈਕ ਜਾਂ ਆਟੋ ਬੁੱਕ ਕੀਤਾ ਜਾ ਸਕਦਾ ਹੈ। ਪਲੇਟਫਾਰਮ ਦਾ ਉਦੇਸ਼ ਕਿਰਾਏ ਵਿੱਚ ਪਾਰਦਰਸ਼ਤਾ ਅਤੇ ਡਰਾਈਵਰਾਂ ਲਈ ਵੱਧ ਕਮਾਈ ਯਕੀਨੀ ਬਣਾਉਣਾ ਦੱਸਿਆ ਗਿਆ ਹੈ।

Newsline Express

Author: Newslineexpres@1