🚩ਹਵਾਈ ਸੈਨਾ ਦਿਵਸ ਮੌਕੇ ਦੇਸ਼ਭਗਤੀ ਦੇ ਰੰਗ ਵਿੱਚ ਰੰਗਿਆ ਵੀਰ ਹਕੀਕਤ ਰਾਏ ਸਕੂਲ ; ਐਨ.ਸੀ.ਸੀ. ਕੈਡਿਟਾਂ ਨੂੰ ਵੰਡੇ ‘ਏ’ ਸਰਟੀਫਿਕੇਟ 

🚩ਹਵਾਈ ਸੈਨਾ ਦਿਵਸ ਮੌਕੇ ਦੇਸ਼ਭਗਤੀ ਦੇ ਰੰਗ ਵਿੱਚ ਰੰਗਿਆ ਵੀਰ ਹਕੀਕਤ ਰਾਏ ਸਕੂਲ ; ਐਨ.ਸੀ.ਸੀ. ਕੈਡਿਟਾਂ ਨੂੰ ਵੰਡੇ ‘ਏ’ ਸਰਟੀਫਿਕੇਟ 

🚩ਦੇਸ਼ ਦੀ ਸੁਰੱਖਿਆ ਵਿੱਚ ਭਾਰਤੀ ਹਵਾਈ ਸੈਨਾ ਦੇ ਜਵਾਨਾਂ ਦਾ ਯੋਗਦਾਨ ਬੇਮਿਸਾਲ : ਪ੍ਰਿੰ. ਸਰਲਾ ਭਟਨਾਗਰ

👉 ਈਸ਼ਾ ਵਰਮਾ ਤੇ ਰਿਤਵਿਕ ਬੈਸਟ ਕੈਡੇਟ ਐਵਾਰਡ, ਦਿਸ਼ਾ ਸ਼ਰਮਾ ਨੂੰ ਸਾਲ 2023 ਦਾ ਆਲਰਾਊਂਡਰ ਕੈਡਿਟ ਵਜੋਂ ਕੀਤਾ ਸਨਮਾਨਿਤ, ਸਾਲ 2024 ਲਈ ਸਕਸ਼ਮ ਮਦਾਨ ਅਤੇ ਡੇਲੀਜ਼ਾ ਸ਼ਰਮਾ ਨੂੰ ਬੈਸਟ ਕੈਡਿਟ ਦਾ ਸਨਮਾਨ

ਪਟਿਆਲਾ, 8 ਅਕਤੂਬਰ – ਸੁਨੀਤਾ ਵਰਮਾ / ਨਿਊਜ਼ਲਾਈਨ ਐਕਸਪ੍ਰੈਸ –   ਦੇਸ਼ ਦੇ ਬਹਾਦਰ ਹਵਾਈ ਸੈਨਿਕਾਂ ਦੇ ਸਾਹਸ, ਅਨੁਸ਼ਾਸਨ ਅਤੇ ਕੁਰਬਾਨੀ ਨੂੰ ਸਲਾਮ ਕਰਦਿਆਂ ਵੀਰ ਹਕੀਕਤ ਰਾਏ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ, ਪਟਿਆਲਾ ਵਿੱਚ ਹਵਾਈ ਸੈਨਾ ਦਿਵਸ ਉਤਸ਼ਾਹ ਅਤੇ ਦੇਸ਼ਭਗਤੀ ਦੀ ਭਾਵਨਾ ਨਾਲ ਮਨਾਇਆ ਗਿਆ। ਵਿਦਿਆਰਥੀਆਂ ਨੇ ਦੇਸ਼ਭਗਤੀ ਦੇ ਗੀਤ ਪੇਸ਼ ਕਰਕੇ ਰਾਸ਼ਟਰ ਪ੍ਰਤੀ ਸਮਰਪਣ ਅਤੇ ਦੇਸ਼ ਸੇਵਾ ਦਾ ਸੰਦੇਸ਼ ਦਿੱਤਾ।

ਇਸ ਮੌਕੇ ਸਕੂਲ ਦੀ ਪ੍ਰਿੰਸੀਪਲ ਸ੍ਰੀਮਤੀ ਸਰਲਾ ਭਟਨਾਗਰ ਵੱਲੋਂ ਐਨ.ਸੀ.ਸੀ. ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਕੈਡਿਟਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਨੰਬਰ 3ਪੰਜਾਬ ਏਅਰ ਸਕਵੈਡਰਨ ਐਨਸੀਸੀ ਦੇ ਸਾਲ 2023 ਲਈ ਈਸ਼ਾ ਵਰਮਾ ਅਤੇ ਰਿਤਵਿਕ ਨੂੰ ਬੈਸਟ ਕੈਡਿਟ ਚੁਣਿਆ ਗਿਆ, ਜਦਕਿ ਦਿਸ਼ਾ ਸ਼ਰਮਾ ਨੂੰ ਆਲਰਾਊਂਡਰ ਕੈਡਿਟ ਵਜੋਂ ਸਨਮਾਨਿਤ ਕੀਤਾ ਗਿਆ। ਸਾਲ 2024 ਲਈ ਸਕਸ਼ਮ ਮਦਾਨ ਅਤੇ ਡੇਲੀਜ਼ਾ ਸ਼ਰਮਾ ਨੂੰ ਬੈਸਟ ਕੈਡਿਟ ਦੇ ਸਨਮਾਨ ਨਾਲ ਨਿਵਾਜਿਆ ਗਿਆ। ਸਨਮਾਨਿਤ ਕੈਡਿਟਾਂ ਨੂੰ ਮੋਮੈਂਟੋ ਦੇ ਕੇ ਉਨ੍ਹਾਂ ਦੀ ਮਿਹਨਤ, ਅਨੁਸ਼ਾਸਨ ਅਤੇ ਐਨ.ਸੀ.ਸੀ. ਸਿਖਲਾਈ ਵਿੱਚ ਪ੍ਰਾਪਤੀਆਂ ਦੀ ਸ਼ਲਾਘਾ ਕੀਤੀ ਗਈ।

ਪ੍ਰੋਗਰਾਮ ਨੂੰ ਸਫ਼ਲ ਬਣਾਉਣ ਵਿੱਚ ਐਨ.ਸੀ.ਸੀ. ਦੀ ਏ.ਐਨ.ਓ. ਸ੍ਰੀਮਤੀ ਸਚਨਾ ਸ਼ਰਮਾ ਦਾ ਯੋਗਦਾਨ ਰਿਹਾ, ਜਦਕਿ ਅਧਿਆਪਕਾ ਸ੍ਰੀਮਤੀ ਪਲਵਿੰਦਰ ਕੌਰ ਨੇ ਵਿਦਿਆਰਥੀਆਂ ਨੂੰ ਸੱਭਿਆਚਾਰਕ ਪੇਸ਼ਕਾਰੀਆਂ ਲਈ ਤਿਆਰ ਕੀਤਾ।

ਸਕੂਲ ਦੀ ਪ੍ਰਿੰਸੀਪਲ ਸ੍ਰੀਮਤੀ ਸਰਲਾ ਭਟਨਾਗਰ ਨੇ ਕਿਹਾ ਕਿ ਦੇਸ਼ ਦੀ ਸੁਰੱਖਿਆ ਵਿੱਚ ਭਾਰਤੀ ਹਵਾਈ ਸੈਨਾ ਦੇ ਜਵਾਨਾਂ ਦਾ ਯੋਗਦਾਨ ਬੇਮਿਸਾਲ ਹੈ। ਉਨ੍ਹਾਂ ਦੇ ਸਾਹਸ, ਅਨੁਸ਼ਾਸਨ ਅਤੇ ਕਰਤੱਵਨਿਸ਼ਠਾ ਤੋਂ ਪ੍ਰੇਰਨਾ ਲੈਂਦਿਆਂ ਵਿਦਿਆਰਥੀਆਂ ਨੂੰ ਆਪਣੇ ਜੀਵਨ ਵਿੱਚ ਅਨੁਸ਼ਾਸਨ ਅਪਣਾਉਣਾ ਅਤੇ ਜ਼ਿੰਮੇਵਾਰ ਨਾਗਰਿਕ ਬਣ ਕੇ ਦੇਸ਼ ਦੀ ਤਰੱਕੀ ਵਿੱਚ ਯੋਗਦਾਨ ਪਾਉਣਾ ਚਾਹੀਦਾ ਹੈ।

ਸਮਾਗਮ ਨੇ ਵਿਦਿਆਰਥੀਆਂ ਵਿੱਚ ਦੇਸ਼ਭਗਤੀ, ਅਨੁਸ਼ਾਸਨ, ਸੇਵਾ ਭਾਵਨਾ ਅਤੇ ਰਾਸ਼ਟਰੀ ਮਾਣ ਦੀ ਭਾਵਨਾ ਨੂੰ ਹੋਰ ਮਜ਼ਬੂਤ ਕੀਤਾ।  Newsline Express