🚩ਪਟਿਆਲਾ ’ਚ ਸ਼ੰਖਨਾਦ ਤੇ ਜੈਕਾਰਿਆਂ ਨਾਲ ਸ੍ਰੀ ਰਾਮਲੀਲਾ ਦਾ ਸ਼ਾਨਦਾਰ ਆਗਾਜ਼

🚩ਜੋੜੀਆਂ ਭੱਠੀਆਂ ਚੌਕ ’ਚ ਪਹਿਲੇ ਨਰਾਤੇ ਤੋਂ ਗੂੰਜਿਆ ਰਾਮ ਨਾਮ, ਕਲਾਕਾਰਾਂ ਨੇ ਜੀਵੰਤ ਕੀਤੇ ਪੌਰਾਣਿਕ ਪ੍ਰਸੰਗ

🚩ਸੋਮਵਾਰ ਨੂੰ ਤਾੜਕਾ ਵਧ ਦਾ ਦ੍ਰਿਸ਼ ਹੋਵੇਗਾ ਖ਼ਾਸ ਖਿੱਚ ਦਾ ਕੇਂਦਰ

ਪਟਿਆਲਾ, 12 ਅਕਤੂਬਰ (ਨਿਊਜ਼ਲਾਈਨ ਐਕਸਪ੍ਰੈਸ) : ਪਟਿਆਲਾ ਦੇ ਜੋੜੀਆਂ ਭੱਠੀਆਂ ਚੌਕ ਵਿਖੇ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਰਾਇਲ ਯੂਥ ਕਲੱਬ ਵੱਲੋਂ ਕਰਵਾਈ ਜਾ ਰਹੀ ਸ੍ਰੀ ਰਾਮਲੀਲਾ ਦਾ ਸ਼ੁਭ ਆਰੰਭ ਪਹਿਲੇ ਨਰਾਤੇ ਦੇ ਪਾਵਨ ਮੌਕੇ ’ਤੇ ਸ਼ਰਧਾ ਅਤੇ ਉਤਸ਼ਾਹ ਨਾਲ ਹੋਇਆ। ਪ੍ਰਸਿੱਧ ਕਲਾਕਾਰ ਕਸ਼ਿਸ਼ ਕਪੂਰ ਵੱਲੋਂ ਕੀਤੇ ਸ਼ੰਖਨਾਦ ਨਾਲ ਮੰਚਨ ਦੀ ਸ਼ੁਰੂਆਤ ਹੋਈ। ਇਸ ਮੌਕੇ ਗੂੰਜੇ ਜੈਕਾਰਿਆਂ ਨੇ ਪੂਰੇ ਮਾਹੌਲ ਨੂੰ ਭਗਤੀਮਈ ਰੰਗ ਵਿੱਚ ਰੰਗ ਦਿੱਤਾ।

ਕਲੱਬ ਦੇ ਪ੍ਰਧਾਨ ਵਰੁਣ ਜਿੰਦਲ ਅਤੇ ਉਨ੍ਹਾਂ ਦੇ ਸਾਥੀਆਂ ਦੀ ਅਗਵਾਈ ਹੇਠ ਕਰਵਾਈ ਜਾ ਰਹੀ ਰਾਮਲੀਲਾ ਦੇ ਪਹਿਲੇ ਦਿਨ ਕਲਾਕਾਰਾਂ ਨੇ ਆਪਣੀ ਅਦਾਕਾਰੀ ਅਤੇ ਸੰਵਾਦਾਂ ਰਾਹੀਂ ਪੌਰਾਣਿਕ ਪ੍ਰਸੰਗਾਂ ਨੂੰ ਮੰਚ ’ਤੇ ਜੀਵੰਤ ਕੀਤਾ। ਪਹਿਲੇ ਦ੍ਰਿਸ਼ ਵਿੱਚ ਕੈਲਾਸ਼ ਪਰਬਤ ਦਾ ਦ੍ਰਿਸ਼ ਦਿਖਾਇਆ ਗਿਆ, ਜਿਸ ਵਿੱਚ ਭਗਵਾਨ ਸ਼ਿਵ ਦੀ ਭੂਮਿਕਾ ਦਕਸ਼ ਰਾਜਪੂਤ, ਨੰਦੀ ਦੀ ਭੂਮਿਕਾ ਸਾਹਿਲ ਕਾਲਰਾ ਅਤੇ ਰਾਵਣ ਦੀ ਭੂਮਿਕਾ ਲਕਸ਼ ਸ਼ਰਮਾ ਨੇ ਨਿਭਾਈ। ਇਸ ਸੀਨ ਵਿਚ ਰਾਵਣ ਦੇ ਅਹੰਕਾਰ ਅਤੇ ਭਗਵਾਨ ਸ਼ਿਵ ਦੀ ਭਗਤੀ ਅਤੇ ਭਗਵਾਨ ਤੋਂ ਪ੍ਰਾਪਤ ਦਿਵਯ ਅਸ਼ਤਰ ਦਾ ਉਲੇਖ ਦਰਸ਼ਾਇਆ ਗਿਆ। ਇਸ ਦ੍ਰਿਸ਼ ਵਿਚ ਕਲਾਕਾਰਾਂ ਦੇ ਸੰਵਾਦਾਂ ਨੇ ਦਰਸ਼ਕਾਂ ਦਾ ਧਿਆਨ ਖਿੱਚਿਆ।

ਇਸ ਤੋਂ ਬਾਅਦ ਰਾਵਣ ਅਤੇ ਵੇਦਵਤੀ ਦੇ ਪ੍ਰਸੰਗ ਦੇ ਨਾਲ ਭਗਵਾਨ ਸ੍ਰੀ ਰਾਮ ਦੇ ਜਨਮ ਅਤੇ ਮਾਤਾ ਸੀਤਾ ਦੇ ਜਨਮ ਅਤੇ ਬਚਪਨ ਵਿਚ ਹੀ ਸ਼ਿਵ ਧਨੁਸ਼ ਉਠਾ ਲੈਣ ਨਾਲ ਸਬੰਧਤ ਉਪਅਤੇ ਸ੍ਰੀਰਾਮ, ਲਕਸ਼ਮਣ, ਭਰਤ ਤੇ ਸ਼ਤਰੂਘਨ ਦੇ ਬਚਪਨ ਵਿਚ ਗੁਰੂਕੁਲ ਦੇ ਦ੍ਰਿਸ਼ ਵੀ ਪੇਸ਼ ਕੀਤੇ ਗਏ। ਇਨ੍ਹਾਂ ਪ੍ਰਸੰਗਾਂ ਰਾਹੀਂ ਧਾਰਮਿਕ ਅਤੇ ਪੌਰਾਣਿਕ ਕਥਾਵਾਂ ਨੂੰ ਨਾਟਕੀ ਰੂਪ ਵਿੱਚ ਦਰਸ਼ਕਾਂ ਸਾਹਮਣੇ ਰੱਖਿਆ ਗਿਆ।

ਸ੍ਰੀ ਰਾਮਲੀਲਾ ਦਾ ਮੰਚਨ ਧਾਰਮਿਕ ਆਸਥਾ ਦੇ ਨਾਲ-ਨਾਲ ਭਾਰਤੀ ਸੱਭਿਆਚਾਰਕ ਵਿਰਾਸਤ ਨੂੰ ਸੰਭਾਲਣ ਅਤੇ ਨਵੀਂ ਪੀੜ੍ਹੀ ਤੱਕ ਪੌਰਾਣਿਕ ਕਥਾਵਾਂ ਪਹੁੰਚਾਉਣ ਦਾ ਅਹਿਮ ਸਾਧਨ ਹੈ। ਰਾਇਲ ਯੂਥ ਕਲੱਬ ਵੱਲੋਂ ਹਰ ਸਾਲ ਕਰਵਾਇਆ ਜਾਂਦਾ ਇਹ ਉਪਰਾਲਾ ਸ਼ਹਿਰ ਦੀਆਂ ਧਾਰਮਿਕ ਅਤੇ ਸੱਭਿਆਚਾਰਕ ਸਰਗਰਮੀਆਂ ਵਿੱਚ ਆਪਣੀ ਵਿਸ਼ੇਸ਼ ਥਾਂ ਰੱਖਦਾ ਹੈ।

👉 | ਸੋਮਵਾਰ ਨੂੰ ਤਾੜਕਾ ਵਧ ਦਾ ਦ੍ਰਿਸ਼ ਹੋਵੇਗਾ ਖ਼ਾਸ ਖਿੱਚ ਦਾ ਕੇਂਦਰ :

ਰਾਇਲ ਯੂਥ ਕਲੱਬ ਵੱਲੋਂ ਕਰਵਾਈ ਜਾ ਰਹੀ ਸ੍ਰੀ ਰਾਮਲੀਲਾ ਦੇ ਅਗਲੇ ਦਿਨ, ਸੋਮਵਾਰ ਨੂੰ ਹੋਰ ਧਾਰਮਿਕ ਪ੍ਰਸੰਗਾਂ ਦੇ ਨਾਲ ਤਾੜਕਾ ਵਧ ਦਾ ਦ੍ਰਿਸ਼ ਵੀ ਪੇਸ਼ ਕੀਤਾ ਜਾਵੇਗਾ। ਦਰਸ਼ਕਾਂ ਨੂੰ ਭਗਵਾਨ ਸ੍ਰੀ ਰਾਮ ਦੇ ਜੀਵਨ ਨਾਲ ਜੁੜੇ ਇਨ੍ਹਾਂ ਪ੍ਰਸੰਗਾਂ ਨੂੰ ਮੰਚ ’ਤੇ ਦੇਖਣ ਦਾ ਮੌਕਾ ਮਿਲੇਗਾ।

🚩 👉 ਰਾਮਲੀਲਾ ’ਚ ਪੁਲਿਸ ਮੁਲਾਜ਼ਮਾਂ ਦੀ ਗੈਰ-ਮੌਜੂਦਗੀ ’ਤੇ ਕਲੱਬ ਪ੍ਰਧਾਨ ਨੇ ਚੁੱਕੇ ਸਵਾਲ    

ਪਟਿਆਲਾ – ਨੇਿਊਜ਼ਲਾਈਨ ਐਕਸਪ੍ਰੈਸ –    ਪਟਿਆਲਾ ਦੇ ਜੋੜੀਆਂ ਭੱਠੀਆਂ ਚੌਕ ਵਿਖੇ ਚੱਲ ਰਹੀ ਸ੍ਰੀ ਰਾਮਲੀਲਾ ਦੌਰਾਨ ਪੁਲਿਸ ਮੁਲਾਜ਼ਮਾਂ ਦੀ ਗੈਰ-ਮੌਜੂਦਗੀ ਨੂੰ ਲੈ ਕੇ ਰਾਇਲ ਯੂਥ ਕਲੱਬ ਦੇ ਪ੍ਰਧਾਨ ਵਰੁਣ ਜਿੰਦਲ ਨੇ ਪਟਿਆਲਾ ਪੁਲਿਸ ਦੀ ਕਾਰਜਪ੍ਰਣਾਲੀ ’ਤੇ ਸਵਾਲ ਚੁੱਕੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਭਰ ਵਿੱਚ ਪ੍ਰਸਿੱਧ ਇਸ ਧਾਰਮਿਕ ਸਮਾਗਮ ਵਿੱਚ ਹਰ ਰੋਜ਼ ਲਗਭਗ ਹਜ਼ਾਰਾਂ ਲੋਕ ਪਹੁੰਚਦੇ ਹਨ ਅਤੇ ਪੁਲਿਸ ਨੂੰ ਇੱਕ ਮਹੀਨਾ ਪਹਿਲਾਂ ਤੋਂ ਹੀ ਲਿਖਤੀ ਰੂਪ ਵਿੱਚ ਦਿੱਤਾ ਹੋਇਆ ਹੈ, ਪਰ, ਇਸ ਦੇ ਬਾਵਜੂਦ ਵੀ ਇੱਕ ਵੀ ਮੁਲਾਜ਼ਮ ਮੋੌਕੇ ਉਤੇ ਮੌਜੂਦ ਨਹੀਂ। ਉਨ੍ਹਾਂ ਕਿਹਾ ਕਿ ਵੱਡੀ ਗਿਣਤੀ ਵਿੱਚ ਲੋਕਾਂ ਦੀ ਆਮਦ ਦੇ ਮੱਦੇਨਜ਼ਰ ਕਿਸੇ ਅਣਸੁਖਾਵੀਂ ਘਟਨਾ ਤੋਂ ਬਚਣ ਲਈ ਸੁਰੱਖਿਆ ਦੇ ਪੁਖ਼ਤਾ ਪ੍ਰਬੰਧ ਹੋਣੇ ਚਾਹੀਦੇ ਹਨ। ਵਰੁਣ ਜਿੰਦਲ ਨੇ ਕਿਹਾ ਕਿ ਪਟਿਆਲਾ ਪੁਲੀਸ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ ਅਤੇ ਚਿਤਾਵਨੀ ਦਿੱਤੀ ਕਿ ਜੇਕਰ ਅਗਲੇ ਦਿਨ ਪੁਲਿਸ ਸੁਰੱਖਿਆ ਦੇ ਢੁੱਕਵੇਂ ਪ੍ਰਬੰਧ ਨਾ ਕੀਤੇ ਗਏ ਤਾਂ ਕਲੱਬ ਨੂੰ ਵੱਡੇ ਪੱਧਰ ’ਤੇ ਰੋਸ ਪ੍ਰਦਰਸ਼ਨ ਕਰਨ ਲਈ ਮਜਬੂਰ ਹੋਣਾ ਪੈ ਸਕਦਾ ਹੈ।   Newsline Express

👉 ਰਾਮਲੀਲਾ ਮੰਚਨ ਦੇ ਦ੍ਰਿਸ਼ —