🚩 ਦੀਵਾਲੀ ਤੋਂ ਪਹਿਲਾਂ ਮਹਿੰਗਾਈ ਦਾ ਝਟਕਾ, ਅਮੂਲ ਨੇ ਵਧਾਏ ਘਿਓ-ਮੱਖਣ ਦੇ ਰੇਟ

🚩 ਦੀਵਾਲੀ ਤੋਂ ਪਹਿਲਾਂ ਮਹਿੰਗਾਈ ਦਾ ਝਟਕਾ, ਅਮੂਲ ਨੇ ਵਧਾਏ ਘਿਓ-ਮੱਖਣ ਦੇ ਰੇਟ

🚩 1Kg ਘਿਓ ₹50 ਅਤੇ 500 ਗ੍ਰਾਮ ਮੱਖਣ ₹15 ਹੋਇਆ ਮਹਿੰਗਾ

ਫ਼ਤਹਿਗੜ੍ਹ ਸਾਹਿਬ, 4 ਨਵੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ  – ਦੀਵਾਲੀ ਤੋਂ ਪਹਿਲਾਂ ਅਮੂਲ ਨੇ ਘਿਓ ਅਤੇ ਮੱਖਣ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਕੇ ਖਪਤਕਾਰਾਂ ਨੂੰ ਮਹਿੰਗਾਈ ਦਾ ਝਟਕਾ ਦਿੱਤਾ ਹੈ। ਕੰਪਨੀ ਨੇ ਇੱਕ ਕਿਲੋ ਘਿਓ ਦੇ ਡੱਬੇ ਦੀ ਕੀਮਤ ₹630 ਤੋਂ ਵਧਾ ਕੇ ₹680 ਕਰ ਦਿੱਤੀ ਹੈ। ਇਸੇ ਤਰ੍ਹਾਂ 500 ਗ੍ਰਾਮ ਮੱਖਣ ਦੀ ਕੀਮਤ ₹310 ਤੋਂ ਵਧਾ ਕੇ ₹325 ਕਰ ਦਿੱਤੀ ਗਈ ਹੈ। ਨਵੀਆਂ ਕੀਮਤਾਂ ਅਨੁਸਾਰ 500 ਗ੍ਰਾਮ ਸ਼ੁੱਧ ਘਿਓ ਦਾ ਪਾਊਚ ਹੁਣ ₹345 ਵਿੱਚ ਮਿਲੇਗਾ, ਜਦਕਿ ਪਹਿਲਾਂ ਇਸ ਦੀ ਕੀਮਤ ₹325 ਸੀ। ਇਸ ਤੋਂ ਇਲਾਵਾ 100 ਗ੍ਰਾਮ ਮੱਖਣ ਦੀ ਕੀਮਤ ਵੀ ₹63 ਤੋਂ ਵਧਾ ਕੇ ₹66 ਕਰ ਦਿੱਤੀ ਗਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਗੁਜਰਾਤ ਅਤੇ ਰਾਜਸਥਾਨ ਵਿੱਚ ਮਿਲਾਵਟੀ ਉਤਪਾਦਾਂ ਖ਼ਿਲਾਫ਼ ਸਖ਼ਤੀ ਤੋਂ ਬਾਅਦ ਬ੍ਰਾਂਡਡ ਘਿਓ ਦੀ ਮੰਗ ਵਿੱਚ ਵਾਧਾ ਹੋਇਆ ਹੈ। ਖ਼ਾਸ ਕਰਕੇ ਗਾਂ ਦੇ ਘਿਓ ਦੀ ਮੰਗ ਵਧਣ ਕਾਰਨ ਕਈ ਬਾਜ਼ਾਰਾਂ ਵਿੱਚ ਇਸ ਦੀ ਕਮੀ ਦੇਖਣ ਨੂੰ ਮਿਲ ਰਹੀ ਹੈ।ਜ਼ਿਕਰਯੋਗ ਹੈ ਕਿ ਸਤੰਬਰ 2025 ਵਿੱਚ ਜੀਐੱਸਟੀ ਦਰਾਂ ਵਿੱਚ ਕਟੌਤੀ ਤੋਂ ਬਾਅਦ ਅਮੂਲ ਨੇ ਆਪਣੇ ਕਈ ਡੇਅਰੀ ਉਤਪਾਦਾਂ ਦੀਆਂ ਕੀਮਤਾਂ ਘਟਾਈਆਂ ਸਨ। ਹੁਣ ਤਾਜ਼ਾ ਵਾਧੇ ਨਾਲ ਖਪਤਕਾਰਾਂ ਦੀ ਜੇਬ ‘ਤੇ ਵਾਧੂ ਬੋਝ ਪਵੇਗਾ।

Newsline Express

Author: Newslineexpres@1