🚩 ਕ੍ਰਿਕਟਰ ਅਰਸ਼ਦੀਪ ਸਿੰਘ ਨੇ ਮਾਡਲ ਸਮਰੀਨ ਕੌਰ ਨੂੰ ਅੰਗੂਠੀ ਪਹਿਨਾ ਕੇ ਕੀਤਾ ਪ੍ਰਪੋਜ਼; ਤਸਵੀਰਾਂ ਵਾਇਰਲ

🚩 ਕ੍ਰਿਕਟਰ ਅਰਸ਼ਦੀਪ ਸਿੰਘ ਨੇ ਮਾਡਲ ਸਮਰੀਨ ਕੌਰ ਨੂੰ ਅੰਗੂਠੀ ਪਹਿਨਾ ਕੇ ਕੀਤਾ ਪ੍ਰਪੋਜ਼; ਤਸਵੀਰਾਂ ਵਾਇਰਲ

🚩ਸੋਸ਼ਲ ਮੀਡੀਆ ’ਤੇ ਤਸਵੀਰਾਂ ਸਾਂਝੀਆਂ ਕਰ ਕੀਤਾ ਰਿਸ਼ਤੇ ਦਾ ਐਲਾਨ, ਹਾਰਦਿਕ ਪੰਡਯਾ ਨੇ ਦਿੱਤੀ ਵਧਾਈ

ਨਿਊਜ਼ੀਲੈਂਡ 11 ਨਵੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ ਨਿਊਜ਼ ਏਜੰਸੀ –    ਭਾਰਤੀ ਕ੍ਰਿਕਟ ਟੀਮ ਦੇ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੇ ਮਾਡਲ ਸਮਰੀਨ ਕੌਰ ਨਾਲ ਮੰਗਣੀ ਕਰ ਲਈ ਹੈ। ਸਮਰੀਨ ਨੇ ਸੋਸ਼ਲ ਮੀਡੀਆ ’ਤੇ ਤਸਵੀਰਾਂ ਸਾਂਝੀਆਂ ਕਰਦਿਆਂ ਆਪਣੇ ਰਿਸ਼ਤੇ ਦਾ ਅਧਿਕਾਰਤ ਐਲਾਨ ਕੀਤਾ। ਉਨ੍ਹਾਂ ਆਪਣੀ ਪੋਸਟ ਵਿੱਚ ਲਿਖਿਆ ਕਿ ਜ਼ਿੰਦਗੀ ਨੇ ਦੋਵਾਂ ਨੂੰ ਇਕੱਠੇ ਲਿਆਂਦਾ ਹੈ ਅਤੇ ਹੁਣ ਉਹ ਆਪਣਾ ਭਵਿੱਖ ਵੀ ਇਕੱਠੇ ਬਿਤਾਉਣਾ ਚਾਹੁੰਦੇ ਹਨ। ਸਮਰੀਨ ਵੱਲੋਂ ਇੰਸਟਾਗ੍ਰਾਮ ’ਤੇ ਸਾਂਝੀਆਂ ਕੀਤੀਆਂ ਤਸਵੀਰਾਂ ਵਿੱਚ ਅਰਸ਼ਦੀਪ ਵੱਲੋਂ ਉਨ੍ਹਾਂ ਨੂੰ ਅੰਗੂਠੀ ਪਹਿਨਾ ਕੇ ਪ੍ਰਪੋਜ਼ ਕਰਨ ਦੇ ਪਲ ਵੀ ਨਜ਼ਰ ਆ ਰਹੇ ਹਨ। ਇਸ ਖ਼ਬਰ ਤੋਂ ਬਾਅਦ ਕ੍ਰਿਕਟ ਜਗਤ ਅਤੇ ਪ੍ਰਸ਼ੰਸਕਾਂ ਵੱਲੋਂ ਜੋੜੇ ਨੂੰ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ। ਭਾਰਤੀ ਕ੍ਰਿਕਟਰ ਹਾਰਦਿਕ ਪੰਡਯਾ ਨੇ ਵੀ ਵਧਾਈ ਦਿੰਦਿਆਂ ਲਿਖਿਆ, ‘‘ਵਧਾਈਆਂ, ਰੱਬ ਤੁਹਾਨੂੰ ਦੋਵਾਂ ਨੂੰ ਹਮੇਸ਼ਾ ਖੁਸ਼ ਰੱਖੇ।’’

ਜ਼ਿਕਰਯੋਗ ਹੈ ਕਿ ਦੋਵਾਂ ਦੇ ਰਿਸ਼ਤੇ ਦੀਆਂ ਚਰਚਾਵਾਂ ਪਿਛਲੇ ਕਈ ਮਹੀਨਿਆਂ ਤੋਂ ਚੱਲ ਰਹੀਆਂ ਸਨ। ਅਪ੍ਰੈਲ 2026 ਵਿੱਚ ਅਰਸ਼ਦੀਪ ਨੇ ਸਨੈਪਚੈਟ ’ਤੇ ਇੱਕ ਲੜਕੀ ਦਾ ਹੱਥ ਫੜੀ ਤਸਵੀਰ ਸਾਂਝੀ ਕੀਤੀ ਸੀ। ਹਾਲਾਂਕਿ ਚਿਹਰਾ ਦਿਖਾਈ ਨਹੀਂ ਦੇ ਰਿਹਾ ਸੀ, ਪਰ ਪ੍ਰਸ਼ੰਸਕਾਂ ਨੇ ਹੱਥ ’ਤੇ ਬਣੇ ਟੈਟੂ ਅਤੇ ਨੇਲ ਆਰਟ ਦੇ ਆਧਾਰ ’ਤੇ ਉਸ ਨੂੰ ਸਮਰੀਨ ਨਾਲ ਜੋੜਿਆ ਸੀ।

ਇਸ ਤੋਂ ਬਾਅਦ ਮਈ ਵਿੱਚ ਆਈਪੀਐਲ ਦੌਰਾਨ ਦੋਵਾਂ ਨੂੰ ਧਰਮਸ਼ਾਲਾ ਦੀਆਂ ਗਲੀਆਂ ਵਿੱਚ ਇਕੱਠੇ ਘੁੰਮਦੇ ਦੇਖਿਆ ਗਿਆ ਸੀ। ਚੰਡੀਗੜ੍ਹ ਹਵਾਈ ਅੱਡੇ ’ਤੇ ਵੀ ਦੋਵਾਂ ਦੀ ਇਕੱਠਿਆਂ ਮੌਜੂਦਗੀ ਦੀਆਂ ਤਸਵੀਰਾਂ ਅਤੇ ਵੀਡੀਓ ਸਾਹਮਣੇ ਆਏ ਸਨ। ਬਾਅਦ ਵਿੱਚ ਅਰਸ਼ਦੀਪ ਨੇ ਸਮਰੀਨ ਨਾਲ ਦੋ ਤਸਵੀਰਾਂ ਸਾਂਝੀਆਂ ਕਰਦਿਆਂ ਉਨ੍ਹਾਂ ਨੂੰ ‘My Person’ ਕਿਹਾ ਸੀ। ਹੁਣ ਮੰਗਣੀ ਦੇ ਐਲਾਨ ਨਾਲ ਦੋਵਾਂ ਦੇ ਰਿਸ਼ਤੇ ਦੀਆਂ ਚਰਚਾਵਾਂ ’ਤੇ ਮੋਹਰ ਲੱਗ ਗਈ ਹੈ।

Newsline Express

Author: Newslineexpres@1