🚩 ਸ਼ਿਮਲਾ ’ਚ ਬਾਂਦਰ ਨੇ ਕੀਤੀ ਨੋਟਾਂ ਦੀ ਬਾਰਿਸ਼; ਬੈਂਕ ਜਾ ਰਹੇ ਵਿਅਕਤੀ ਦੀ ਜੇਬ ‘ਚੋਂ 81,800 ਰੁਪਏ ਦੀ ਗੱਥੀ ਲੈ ਦਰੱਖਤ ’ਤੇ ਚੜ੍ਹਿਆ

🚩 ਸ਼ਿਮਲਾ ’ਚ ਬਾਂਦਰ ਨੇ ਕੀਤੀ ਨੋਟਾਂ ਦੀ ਬਾਰਿਸ਼; ਬੈਂਕ ਜਾ ਰਹੇ ਵਿਅਕਤੀ ਦੀ ਜੇਬ ‘ਚੋਂ 81,800 ਰੁਪਏ ਦੀ ਗੱਥੀ ਲੈ ਦਰੱਖਤ ’ਤੇ ਚੜ੍ਹਿਆ

🚩 500 ਦੇ ਨੋਟ ਫਾੜੇ; ਕਰੀਬ 1,500 ਰੁਪਏ ਦਾ ਨਹੀਂ ਮਿਲਿਆ ਹਿਸਾਬ

ਸ਼ਿਮਲਾ, 12 ਨਵੰਬਰ : ਨਿਊਜ਼ਲਾਈਨ ਐਕਸਪ੍ਰੈਸ  –      ਹਿਮਾਚਲ ਪ੍ਰਦੇਸ਼ ਦੀ ਰਾਜਧਾਨੀ ਸ਼ਿਮਲਾ ਦੇ ਡੀਸੀ ਦਫ਼ਤਰ ਕੰਪਲੈਕਸ ਵਿੱਚ ਇੱਕ ਬਾਂਦਰ ਨੇ ਜੰਮ ਕੇ ਹੰਗਾਮਾ ਕੀਤਾ। ਬੈਂਕ ਵਿੱਚ ਪੈਸੇ ਜਮ੍ਹਾਂ ਕਰਵਾਉਣ ਜਾ ਰਹੇ ਇੱਕ ਵਿਅਕਤੀ ਦੀ ਜੇਬ ਵਿੱਚੋਂ ਬਾਂਦਰ ਨੇ 81,800 ਰੁਪਏ ਦੀ ਗੱਥੀ ਕੱਢ ਲਈ ਅਤੇ ਦਰੱਖਤ ’ਤੇ ਚੜ੍ਹ ਗਿਆ। ਇਸ ਤੋਂ ਬਾਅਦ ਬਾਂਦਰ ਨੇ ਨੋਟਾਂ ਦੀ ਬਾਰਿਸ਼ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਇੱਕ-ਇੱਕ ਕਰਕੇ ਨੋਟ ਹੇਠਾਂ ਸੁੱਟਣ ਲੱਗਾ।

ਇਹ ਅਜੀਬ ਨਜ਼ਾਰਾ ਦੇਖ ਕੇ ਮੌਕੇ ’ਤੇ ਮੌਜੂਦ ਲੋਕਾਂ ਵਿੱਚ ਹਫੜਾ-ਦਫ਼ੜੀ ਮਚ ਗਈ। ਆਪਣੀ ਮਿਹਨਤ ਦੀ ਕਮਾਈ ਨੂੰ ਇਸ ਤਰ੍ਹਾਂ ਖਿੱਲਰਦਾ ਦੇਖ ਕੇ ਪੈਸਿਆਂ ਦਾ ਮਾਲਕ ਵੀ ਹੈਰਾਨ-ਪਰੇਸ਼ਾਨ ਹੋ ਗਿਆ। ਇਸ ਦੌਰਾਨ ਦਫ਼ਤਰ ਦੇ ਕਰਮਚਾਰੀਆਂ ਅਤੇ ਹੋਰ ਲੋਕਾਂ ਨੇ ਮਦਦ ਲਈ ਅੱਗੇ ਆਉਂਦਿਆਂ ਦਰੱਖਤ ਹੇਠਾਂ ਖਿੱਲਰੇ ਨੋਟ ਇਕੱਠੇ ਕਰਨੇ ਸ਼ੁਰੂ ਕਰ ਦਿੱਤੇ। ਕਾਫ਼ੀ ਮੁਸ਼ੱਕਤ ਤੋਂ ਬਾਅਦ ਜ਼ਿਆਦਾਤਰ ਰਕਮ ਇਕੱਠੀ ਕਰ ਲਈ ਗਈ, ਪਰ ਵਿਅਕਤੀ ਅਨੁਸਾਰ ਕਰੀਬ 1,500 ਰੁਪਏ ਦਾ ਹਿਸਾਬ ਨਹੀਂ ਮਿਲ ਸਕਿਆ। ਇਸ ਤੋਂ ਇਲਾਵਾ ਬਾਂਦਰ ਨੇ 500 ਰੁਪਏ ਦੇ ਕੁਝ ਨੋਟ ਫਾੜ ਵੀ ਦਿੱਤੇ।
ਡੀਸੀ ਦਫ਼ਤਰ ਵਰਗੇ ਮਹੱਤਵਪੂਰਨ ਸਰਕਾਰੀ ਕੰਪਲੈਕਸ ਵਿੱਚ ਵਾਪਰੀ ਇਸ ਘਟਨਾ ਨੇ ਸ਼ਿਮਲਾ ਵਿੱਚ ਬਾਂਦਰਾਂ ਦੀ ਵਧਦੀ ਸਮੱਸਿਆ ਨੂੰ ਮੁੜ ਚਰਚਾ ਵਿੱਚ ਲਿਆ ਦਿੱਤਾ ਹੈ।

Newsline Express

Author: Newslineexpres@1