ਅਮਰਨਾਥ ਯਾਤਰਾ : ਬਾਲਟਾਲ-ਪਵਿੱਤਰ ਗੁਫ਼ਾ ਸੜਕ ‘ਤੇ ਬਣੇ 2 ਪੁਲ ਟੁੱਟੇ
-ਜੰਮੂ-ਕਸ਼ਮੀਰ ਪੁਲਿਸ ਨੇ ਸ਼ਰਧਾਲੂਆਂ ਨੂੰ ਸੁਰੱਖਿਅਤ ਪਾਰ ਕਰਵਾਇਆ ਰਸਤਾ
ਸ੍ਰੀਨਗਰ, 2 ਜੁਲਾਈ : ਨਿਊਜ਼ਲਾਈਨ ਐਕਸਪ੍ਰੈਸ – ਬਾਲਟਾਲ ਤੋਂ ਸ਼੍ਰੀ ਅਮਰਨਾਥ ਦੀ ਪਵਿੱਤਰ ਗੁਫਾ ਨੂੰ ਜਾਂਦੇ ਰਸਤੇ ‘ਤੇ ਬੈਰੀਮਾਰਗ ਅਤੇ ਵਾਈ ਜੰਕਸ਼ਨ ‘ਤੇ 2 ਨਾਲੇ ਹਨ। ਇਨ੍ਹਾਂ ਨੂੰ ਪਾਰ ਕਰਨ ਲਈ ਲੱਕੜ ਦੇ ਛੋਟੇ ਪੁਲ ਬਣਾਏ ਗਏ ਹਨ। ਸ਼ੁੱਕਰਵਾਰ ਸ਼ਾਮ ਨੂੰ ਬਾਰਿਸ਼ ਤੋਂ ਬਾਅਦ ਇਨ੍ਹਾਂ ਦੋਵਾਂ ਡਰੇਨਾਂ ਦੇ ਪਾਣੀ ਦਾ ਪੱਧਰ ਵੱਧ ਗਿਆ। ਇਸ ਨਾਲ ਪੁਲ ਨੂੰ ਵੀ ਨੁਕਸਾਨ ਪੁੱਜਾ। ਹਨੇਰਾ ਹੋਣ ਕਾਰਨ ਸ਼ਰਧਾਲੂਆਂ ਲਈ ਜਾਨ ਦਾ ਖਤਰਾ ਬਣ ਗਿਆ। ਅਜਿਹੇ ‘ਚ ਜੰਮੂ-ਕਸ਼ਮੀਰ ਪੁਲਸ ਦੇ ਬਚਾਅ ਕਰਮੀਆਂ ਨੇ ਤੁਰੰਤ ਮੌਕੇ ‘ਤੇ ਪਹੁੰਚ ਕੇ ਸਥਿਤੀ ਨੂੰ ਸੰਭਾਲਿਆ ਅਤੇ ਸਾਰੇ ਸ਼ਰਧਾਲੂਆਂ ਨੂੰ ਸੁਰੱਖਿਅਤ ਪੁਲ ਪਾਰ ਕਰਵਾਇਆ। ਇਹ ਸਿਲਸਿਲਾ ਦੇਰ ਰਾਤ ਤੱਕ ਜਾਰੀ ਰਿਹਾ। ਭਾਰਤੀ ਫੌਜ ਨੇ ਬਾਰਿਸ਼ ਦੇ ਦੌਰਾਨ ਰਿਕਾਰਡ ਸਮੇਂ ਵਿੱਚ ਬਾਲਟਾਲ ਰੂਟ ‘ਤੇ ਡਿੱਗੇ ਹੋਏ ਪੁਲ ਨੂੰ ਠੀਕ ਕੀਤਾ।
