ਸੇਬਾਂ ਨਾਲ ਭਰੇ ਟਰੱਕ ‘ਚੋਂ ਪੇਟੀਆਂ ਲੁੱਟਣ ਵਾਲੇ ਲੋਕਾਂ ਖਿਲਾਫ ਮਾਮਲਾ ਦਰਜ
ਫਤਿਹਗੜ੍ਹ ਸਾਹਿਬ, 4 ਦਸੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ – ਫ਼ਤਹਿਗੜ੍ਹ ਸਾਹਿਬ ਵਿਖੇ ਸੇਬਾਂ ਨਾਲ ਭਰੇ ਟਰੱਕ ਦੇ ਹਾਦਸੇ ਦਾ ਸ਼ਿਕਾਰ ਹੋਣ ਦੇ ਮਾਮਲੇ ਨਾਲ ਜੁੜੀ ਵੱਡੀ ਖ਼ਬਰ ਹੈ। ਹਾਦਸੇ ਮਗਰੋਂ ਸੇਬਾਂ ਦੀਆਂ ਪੇਟੀਆਂ ਨੂੰ ਚੁੱਕ ਕੇ ਲੈ ਜਾਣ ਵਾਲੇ ਲੋਕਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਬੀਤੇ ਦਿਨ ਫਤਿਹਗੜ੍ਹ ਸਾਹਿਬ ਵਿਖੇ ਇਕ ਮਜ਼ਦੂਰ ਵਲੋਂ ਸੇਬਾਂ ਨਾਲ ਭਰਿਆ ਟਰੱਕ ਲਿਜਾਇਆ ਜਾ ਰਿਹਾ ਸੀ, ਜੋ ਕਿ ਕਿਸੇ ਕਾਰਨ ਕਰਕੇ ਪਲਟ ਜਾਂਦਾ ਹੈ।ਟਰੱਕ ਪਲਟਦਿਆਂ ਹੀ ਲੋਕ ਇਨਸਾਨੀਅਤ ਭੁੱਲ ਗਏ ਤੇ ਜ਼ਖਮੀ ਹੋਏ ਸ਼ਖਸ ਦੀ ਮਦਦ ਕਰਨ ਦੀ ਥਾਂ ਸੇਬ ਦੀਆਂ ਪੇਟੀਆਂ ਚੁੱਕ-ਚੁੱਕ ਕੇ ਆਪਣੇ ਘਰਾਂ ਨੂੰ ਭੱਜਦੇ ਰਹੇ। ਮਜਦੂਰ ਲੋਕਾਂ ਦੀਆਂ ਮਿੰਨਤਾਂ ਕਰਦਾ ਰਿਹਾ ਕਿ ਏਦਾਂ ਨਾ ਕਰੋ ਉਹ ਮਾਲਕ ਨੂੰ ਕੀ ਜਵਾਬ ਦੇਵੇਗਾ ਪਰ ਬੇਰਹਿਮ ਲੋਕਾਂ ਨੂੰ ਤਰਸ ਨਾ ਆਇਆ। ਉਥੈ ਕੁਝ ਮੌਜੂਦ ਨੌਜਵਾਨਾਂ ਨੇ ਮਜ਼ਦੂਰ ਦੀ ਵੀਡੀਓ ਬਣਾਈ।ਦੱਸ ਦੇਈਏ ਕਿ ਟਰੱਕ ‘ਚ ਕਰੀਬ 1200 ਤੋਂ ਵੱਧ ਸੇਬਾਂ ਦੀਆਂ ਪੇਟੀਆਂ ਸਨ।
