ਮੁੰਬਈ, 15 ਮਈ – ਨਿਊਜ਼ਲਾਈਨ ਐਕਸਪ੍ਰੈਸ – ਕ੍ਰਿਕਟ ਦੇ ਭਗਵਾਨ ਕਹੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਦੇ ਬਾਡੀਗਾਰਡ ਨੂੰ ਲੈ ਕੇ ਵੱਡੀ ਖਬਰ ਸਾਹਮਣੇ ਆਈ ਹੈ। ਸਚਿਨ ਤੇਂਦੁਲਕਰ ਦੇ ਬਾਡੀਗਾਰਡ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ ਹੈ। 37 ਸਾਲਾ ਬਾਡੀਗਾਰਡ ਨੇ ਸਿਰ ‘ਚ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਦੱਸਿਆ ਜਾ ਰਿਹਾ ਹੈ ਕਿ ਜਾਮਨੇਰ ਸ਼ਹਿਰ ਦੇ ਜਲਗਾਓਂ ਰੋਡ ‘ਤੇ ਗਣਪਤੀ ਨਗਰ ‘ਚ ਰਹਿਣ ਵਾਲੇ ਬਾਡੀਗਾਰਡ ਦਾ ਨਾਂ ਪ੍ਰਕਾਸ਼ ਗੋਵਿੰਦਾ ਕਾਪੜੇ ਹੈ, ਜਿਸ ਨੇ ਅੱਧੀ ਰਾਤ ਨੂੰ ਆਪਣੇ ਘਰ ‘ਚ ਸਿਰ ‘ਚ ਗੋਲੀ ਮਾਰ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ। 37 ਸਾਲਾ ਪ੍ਰਕਾਸ਼ ਕਾਪੜੇ ਨੂੰ ਐਸਆਰਪੀਐਫ ਵਿੱਚ ਭਰਤੀ ਕੀਤਾ ਗਿਆ ਸੀ। ਆਪਣੀ ਤਾਇਨਾਤੀ ਤੋਂ ਬਾਅਦ ਉਹ ਮੁੰਬਈ ਵਿੱਚ ਸਚਿਨ ਤੇਂਦੁਲਕਰ ਦੇ ਬਾਡੀਗਾਰਡ ਵਜੋਂ ਡਿਊਟੀ ‘ਤੇ ਸਨ। ਕਾਪੜੇ ਅੱਠ ਦਿਨਾਂ ਲਈ ਮੁੰਬਈ ਤੋਂ ਗਣਪਤੀ ਨਗਰ, ਜਾਮਨੇਰ ਸਥਿਤ ਆਪਣੇ ਘਰ ਆਇਆ ਸੀ।
ਮੰਗਲਵਾਰ ਰਾਤ ਕਰੀਬ 1 ਵਜੇ ਪ੍ਰਕਾਸ਼ ਕਾਪੜੇ ਨੇ ਆਪਣੇ ਘਰ ‘ਚ ਸਿਰ ‘ਚ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਇਸ ਸਮੇਂ ਘਰ ਦੇ ਸਾਰੇ ਲੋਕ ਸੌਂ ਰਹੇ ਸਨ। ਗੋਲੀਆਂ ਦੀ ਆਵਾਜ਼ ਸੁਣ ਕੇ ਜਦੋਂ ਉਸ ਦੇ ਕਮਰੇ ਵੱਲ ਭੱਜੇ ਤਾਂ ਪ੍ਰਕਾਸ਼ ਖੂਨ ਨਾਲ ਲੱਥਪੱਥ ਪਿਆ ਸੀ।
ਘਟਨਾ ਦੀ ਸੂਚਨਾ ਮਿਲਣ ‘ਤੇ ਜਾਮਨੇਰ ਥਾਣੇ ਦੀ ਪੁਲਿਸ ਇੰਸਪੈਕਟਰ ਕਿਰਨ ਸ਼ਿੰਦੇ ਅਤੇ ਉਨ੍ਹਾਂ ਦੀ ਟੀਮ ਮੌਕੇ ‘ਤੇ ਪਹੁੰਚੀ। ਇਸ ਤੋਂ ਬਾਅਦ ਪ੍ਰਕਾਸ਼ ਕਾਪੜੇ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਜਾਮਨੇਰ ਸ਼ਹਿਰ ਦੇ ਉਪ ਜ਼ਿਲਾ ਹਸਪਤਾਲ ਭੇਜ ਦਿੱਤਾ ਗਿਆ। ਹਾਲਾਂਕਿ ਖੁਦਕੁਸ਼ੀ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ।
