ਪਟਿਆਲਾ, 16 ਅਗਸਤ – ਨਿਊਜ਼ਲਾਈਨ ਐਕਸਪ੍ਰੈਸ – ਭੈਣ-ਭਰਾ ਦੇ ਪਿਆਰ ਦਾ ਪ੍ਰਤੀਕ ਰੱਖੜੀ ਦਾ ਤਿਉਹਾਰ ਦੇਸ਼ ਭਰ ‘ਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਇਸ ਤਿਉਹਾਰ ‘ਤੇ ਭੈਣਾਂ ਆਪਣੇ ਭਰਾਵਾਂ ਦੀ ਸੁਰੱਖਿਆ ਅਤੇ ਚੰਗੀ ਸਿਹਤ ਲਈ ਪ੍ਰਾਰਥਨਾ ਕਰਦੀਆਂ ਹਨ ਅਤੇ ਆਪਣੇ ਗੁੱਟ ‘ਤੇ ਰਕਸ਼ਾ ਸੂਤਰ ਜਾਂ ਧਾਗਾ (ਰੱਖੜੀ) ਬੰਨ੍ਹਦੀਆਂ ਹਨ ਅਤੇ ਭਰਾ ਉਨ੍ਹਾਂ ਦੀ ਰੱਖਿਆ ਕਰਨ ਦਾ ਵਾਅਦਾ ਕਰਦੇ ਹਨ। ਭੈਣਾਂ-ਭਰਾਵਾਂ ਵਲੋਂ ਇਸ ਤਿਉਹਾਰ ਨੂੰ ਮਨਾਉਣ ਨੂੰ ਲੈ ਕੇ ਖੂਬ ਜ਼ੋਰਾਂ ਸ਼ੋਰਾਂ ਨਾਲ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਹਿੰਦੂ ਕੈਲੰਡਰ ਦੇ ਅਨੁਸਾਰ, ਰੱਖੜੀ ਦਾ ਤਿਉਹਾਰ ਹਰ ਸਾਲ ਸ਼੍ਰਾਵਨ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੂਰਨਮਾਸ਼ੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਸਾਲ ਰੱਖੜੀ 19 ਅਗਸਤ 2024 ਨੂੰ ਪੈ ਰਹੀ ਹੈ। ਪਰ, ਇਸ ਦਿਨ ਪੰਚਕ ਦੇ ਨਾਲ-ਨਾਲ ਭਦ੍ਰਾ ਦਾ ਵੀ ਸਾਇਆ ਹੈ। ਅਜਿਹੇ ‘ਚ ਹਰ ਕੋਈ ਭੰਬਲਭੂਸੇ ‘ਚ ਹੈ ਕਿ ਰੱਖੜੀ ਬੰਨ੍ਹਣ ਦਾ ਸ਼ੁਭ ਸਮਾਂ ਕਦੋਂ ਹੈ। ਆਓ ਜਾਣਦੇ ਹਾਂ ਰੱਖੜੀ ਦਾ ਸ਼ੁਭ ਸਮਾਂ:-
ਰੱਖੜੀ ਕਦੋਂ ਹੈ ?(Rakhi Date) : ਪੰਚਾਂਗ ਅਨੁਸਾਰ ਸ਼੍ਰਾਵਣ ਮਹੀਨੇ ਦੀ ਪੂਰਨਮਾਸ਼ੀ 19 ਅਗਸਤ ਨੂੰ ਸਵੇਰੇ 3.04 ਵਜੇ ਤੋਂ ਸ਼ੁਰੂ ਹੋ ਕੇ ਰਾਤ 11.55 ਵਜੇ ਸਮਾਪਤ ਹੋ ਰਹੀ ਹੈ। ਅਜਿਹੇ ‘ਚ ਰੱਖੜੀ ਦਾ ਤਿਉਹਾਰ 19 ਅਗਸਤ ਨੂੰ ਹੈ। ਰੱਖੜੀ ਬੰਨ੍ਹਣ ਦਾ ਸ਼ੁਭ ਸਮਾਂ 19 ਅਗਸਤ ਯਾਨੀ ਕਿ ਰੱਖੜੀ ਦੇ ਦਿਨ ਦੁਪਹਿਰ 1:43 ਤੋਂ 4:20 ਤੱਕ ਹੋਣ ਵਾਲਾ ਹੈ। ਮੰਨਿਆ ਜਾਂਦਾ ਹੈ ਕਿ ਸ਼ੁਭ ਸਮੇਂ ‘ਤੇ ਭਰਾ ਦੇ ਗੁੱਟ ‘ਤੇ ਰੱਖੜੀ ਬੰਨ੍ਹਣ ਨਾਲ ਉਨ੍ਹਾਂ ਦੀ ਚੰਗੀ ਕਿਸਮਤ ਵਧਦੀ ਹੈ।
ਰੱਖੜੀ ਬੰਨਣ ਦਾ ਸ਼ੁੱਭ ਮੁਹੂਰਤ (Tie Rakhi Shubh Muhurat) : ਇਸ ਸਾਲ ਰੱਖੜੀ ਮੌਕੇ ਭਦ੍ਰਾ ਸਾਇਆ ਰਹੇਗਾ। ਭਦ੍ਰਾ ਸਵੇਰੇ 5:52 ਵਜੇ ਤੋਂ ਸ਼ੁਰੂ ਹੋ ਕੇ ਦੁਪਹਿਰ 1:32 ਵਜੇ ਤੱਕ ਰਹੇਗਾ।
- ਰਕਸ਼ਾਬੰਧਨ ਭਦ੍ਰਾ ਦਾ ਅੰਤ ਸਮਾਂ – ਦੁਪਹਿਰ 01:30 ਵਜੇ
- ਰਕਸ਼ਾਬੰਧਨ ਭਦ੍ਰਾ ਪੂੰਛ – ਸਵੇਰੇ 09:51 ਵਜੇ – ਸਵੇਰੇ 10:53 ਵਜੇ
- ਰਕਸ਼ਾਬੰਧਨ ਭਦ੍ਰਾ ਮੁਖ – ਸਵੇਰੇ 10:53 – ਦੁਪਹਿਰ 12:37
