ਕਾਨਪੁਰ, 5 ਅਕਤੂਬਰ – ਨਿਊਜ਼ਲਾਈਨ ਐਕਸਪ੍ਰੈਸ – ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਵਿੱਚ ਰਹਿਣ ਵਾਲੇ ਇੱਕ ਜੋੜੇ ਨੇ 35 ਕਰੋੜ ਰੁਪਏ ਦਾ ਘਪਲਾ ਕੀਤਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕਾਨਪੁਰ ਦੇ ਇੱਕ ਜੋੜੇ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਕੋਲ ਇੱਕ ਅਜਿਹੀ ਮਸ਼ੀਨ ਹੈ ਜੋ 60 ਸਾਲ ਦੇ ਵਿਅਕਤੀ ਨੂੰ 25 ਸਾਲ ਦੇ ਨੌਜਵਾਨ ਵਿੱਚ ਬਦਲ ਸਕਦੀ ਹੈ। ਕਈ ਲੋਕ ਜੋੜੇ ਦੇ ਇਸ ਜਾਲ ਵਿੱਚ ਫਸ ਗਏ ਅਤੇ ਦੁਬਾਰਾ ਜਵਾਨ ਬਣਨ ਦੇ ਲਾਲਚ ਵਿੱਚ ਲੱਖਾਂ ਰੁਪਏ ਗੁਆ ਬੈਠੇ।
ਕਾਨਪੁਰ ਦੇ ਪੁਲਿਸ ਉਪਯੁਕਤ (ਦੱਖਣ) ਅੰਕਿਤਾ ਸ਼ਰਮਾ ਨੇ ਕਿ ਰਾਜੀਵ ਕੁਮਾਰ ਦੁਬੇ ਅਤੇ ਉਨ੍ਹਾਂ ਦੀ ਪਤਨੀ ਰਸ਼ਮੀ ਦੁਬੇ ਨੇ ਸਾਕੇਤ ਨਗਰ ਵਿੱਚ ‘ਰਿਵਾਇਵਲ ਵਰਲਡ’ ਦੇ ਨਾਮ ਤੋਂ ਇੱਕ ਥੇਰੇਪੀ ਸੈਂਟਰ ਖੋਲ੍ਹਿਆ, ਜਿੱਥੇ ਉਹ ‘ਟਾਈਮ ਮਸ਼ੀਨ’ ਦੇ ‘ਅੰਦਰੂਨੀ ਹਾਇਪਰਬੇਰਿਕ ਔਕਸੀਜਨ ਥੇਰੇਪੀ’ ਪ੍ਰਦਾਨ ਕਰਦੇ ਹਨ। ਜਿਸ ਨਾਲ ਕੁਝ ਹੀ ਮਹੀਨਿਆਂ ਵਿੱਚ ਜਵਾਨ ਹੋ ਜਾਣਗੇ। ਇਸ ਜੋੜੇ ਨੇ ਕਥਿਤ ਤੌਰ ‘ਤੇ ਇਕ ਪਿਰਾਮਿਡ ਸਕੀਮ ਦੀ ਸ਼ੁਰੂਆਤ ਕੀਤੀ ਹੈ ਅਤੇ ਉਹ ਘੱਟ ਸਮੇਂ ਵਿਚ ਆਕਰਸ਼ਕ ਛੋਟ ਅਤੇ ਹੋਰ ਮੁਨਾਫੇ ਦੇ ਲਾਲਚ ਵਿਚ ਜ਼ਿਆਦਾ ਤੋਂ ਜ਼ਿਆਦਾ ਲੋਕ ਨਾਲ ਜੋੜਦੇ ਹਨ।
ਪੁਲਿਸ ਨੇ ਕਿਹਾ ਕਿ ਦਪੰਤੀ ਨੇ ਲੋਕਾਂ ਨੂੰ ਪਰਚੇ ਵੰਡੇ ਅਤੇ ਹੋਰਡਿੰਗ ਵੀ ਲਾਏ ਅਤੇ ਕਿਹਾ ਕਿ ਕਾਨਪੁਰ ਦੀ ਪ੍ਰਦੂਸ਼ਤ ਹਵਾ ਕਾਰਨ ਲੋਕ ਤੇਜ਼ੀ ਨਾਲ ਬੁੱਢੇ ਹੋ ਰਹੇ ਹਨ ਅਤੇ ਉਮਰ ਘਟਾਉਣ ਵਾਲੀ ‘ਟਾਈਮ ਮਸ਼ੀਨ’ 65 ਸਾਲ ਦੇ ਵਿਅਕਤੀ ਦੇ 25 ਸਾਲ ਬਣਾ ਦਿੰਦੀ ਹੈ। ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਜੋੜੇ ਨੇ 10 ਸੈਸ਼ਨਾਂ ਲਈ 6,000 ਰੁਪਏ ਅਤੇ ਤਿੰਨ ਸਾਲ ਦੀ ਇਨਾਮ ਸਕੀਮ ਲਈ 90,000 ਰੁਪਏ ਦੇ ਪੈਕੇਜ ਦੀ ਪੇਸ਼ਕਸ਼ ਕੀਤੀ ਹੈ। ਧੋਖਾਧੜੀ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਪੀੜਿਤ ਰੇਣੂ ਸਿੰਘ ਨੇ ਪੁਲਿਸ ਵਿੱਚ ਸ਼ਿਕਾਇਤ ਦਰਜ ਕਰਾਈ ਕਿ ਰਾਜੀਵ ਅਤੇ ਰਸ਼ਮੀ ਨੇ ਸੱਤ ਲੱਖ ਰੁਪਏ ਠੱਗ ਲਏ ਹਨ।
ਸ਼ਿਕਾਇਤ ਵਿੱਚ ਰੇਣੂ ਸਿੰਘ ਨੇ ਆਸ਼ੰਕਾ ਜਤਾਈ ਕਿ ਦੋਨੋ ਹੁਣ ਵਿਦੇਸ਼ ਭੱਜ ਗਏ ਹੋਣਗੇ। ਪੁਲਿਸ ਨੇ ਇਸ ਸਬੰਧ ਵਿਚ ਅਜੇ ਕੋਈ ਗਿਰਫਤਾਰੀ ਨਹੀਂ ਹੈ।
