🚩 ਸਿਰਸਾ ਦੇ ਕਨਿਸ਼ਕ ਚੌਹਾਨ ਨੂੰ IPL 2026 ‘ਚ RCB ਨੇ ਦਿੱਤਾ ਮੌਕਾ, 30 ਲੱਖ ਦੀ Base Price ’ਤੇ ਚੋਣ

🚩 ਸਿਰਸਾ ਦੇ ਕਨਿਸ਼ਕ ਚੌਹਾਨ ਨੂੰ IPL 2026 ‘ਚ RCB ਨੇ ਦਿੱਤਾ ਮੌਕਾ, 30 ਲੱਖ ਦੀ Base Price ’ਤੇ ਚੋਣ

ਸਿਰਸਾ, 17 ਦਸੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ       –             ਡੇਰਾ ਸੱਚਾ ਸੌਦਾ, ਸਿਰਸਾ ਨਾਲ ਸੰਬੰਧਤ ਸ਼ਾਹ ਸਤਨਾਮ ਜੀ ਕ੍ਰਿਕਟ ਅਕੈਡਮੀ ਦਾ ਹੋਨਹਾਰ ਨੌਜਵਾਨ ਆਲਰਾਊਂਡਰ ਕਨਿਸ਼ਕ ਚੌਹਾਨ ਨੇ ਕ੍ਰਿਕਟ ਦੇ ਵੱਡੇ ਮੰਚ ’ਤੇ ਵੱਡੀ ਕਾਮਯਾਬੀ ਹਾਸਲ ਕੀਤੀ ਹੈ। ਆਈਪੀਐਲ 2026 ਲਈ ਹੋਈ ਮਿੰਨੀ ਨਿਲਾਮੀ ਦੌਰਾਨ ਰਾਇਲ ਚੈਲੇਂਜਰਜ਼ ਬੰਗਲੌਰ (ਆਰਸੀਬੀ) ਨੇ ਕਨਿਸ਼ਕ ਚੌਹਾਨ ਨੂੰ 30 ਲੱਖ ਰੁਪਏ ਦੀ ਬੇਸ ਪ੍ਰਾਈਸ ’ਤੇ ਆਪਣੇ ਦਲ ਵਿੱਚ ਸ਼ਾਮਲ ਕੀਤਾ ਹੈ। ਹੁਣ ਕਨਿਸ਼ਕ ਆਈਪੀਐਲ ਦੇ ਆਉਣ ਵਾਲੇ ਸੀਜ਼ਨ ਵਿੱਚ ਆਰਸੀਬੀ ਲਈ ਬੱਲੇ ਅਤੇ ਗੇਂਦ ਦੋਹਾਂ ਨਾਲ ਆਪਣਾ ਜਲਵਾ ਦਿਖਾਉਂਦਾ ਨਜ਼ਰ ਆਵੇਗਾ।

ਮੌਜੂਦਾ ਸਮੇਂ ਵਿੱਚ ਕਨਿਸ਼ਕ ਚੌਹਾਨ ਦੁਬਈ ਵਿੱਚ ਹੋ ਰਹੇ ਅੰਡਰ-19 ਏਸ਼ੀਆ ਕੱਪ ਵਿੱਚ ਭਾਰਤੀ ਟੀਮ ਦੀ ਨੁਮਾਇੰਦਗੀ ਕਰ ਰਿਹਾ ਹੈ। ਪਾਕਿਸਤਾਨ ਖਿਲਾਫ਼ ਖੇਡੇ ਗਏ ਲੀਗ ਮੈਚ ਵਿੱਚ ਉਸਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 46 ਦੌੜਾਂ ਬਣਾਈਆਂ ਅਤੇ ਤਿੰਨ ਵਿਕਟਾਂ ਹਾਸਲ ਕਰਕੇ ‘ਪਲੇਅਰ ਆਫ਼ ਦ ਮੈਚ’ ਦਾ ਖਿਤਾਬ ਜਿੱਤਿਆ।

ਜ਼ਿਕਰਯੋਗ ਹੈ ਕਿ ਕਨਿਸ਼ਕ ਇਸ ਸਮੇਂ ਸ਼ਾਹ ਸਤਨਾਮ ਜੀ ਬੁਆਏਜ਼ ਕਾਲਜ, ਸਿਰਸਾ ਵਿੱਚ ਬੀਏ ਦੂਜੇ ਸਾਲ ਦਾ ਵਿਦਿਆਰਥੀ ਹੈ ਅਤੇ ਪਿਛਲੇ 10 ਸਾਲਾਂ ਤੋਂ ਸ਼ਾਹ ਸਤਨਾਮ ਜੀ ਕ੍ਰਿਕਟ ਅਕੈਡਮੀ ਵਿੱਚ ਨਿਰੰਤਰ ਅਭਿਆਸ ਕਰ ਰਿਹਾ ਹੈ। ਇੰਗਲੈਂਡ ਅਤੇ ਆਸਟਰੇਲੀਆ ਦੌਰਿਆਂ ਦੌਰਾਨ ਭਾਰਤੀ ਅੰਡਰ-19 ਟੀਮ ਦੀ ਜਿੱਤ ਵਿੱਚ ਵੀ ਉਸਦਾ ਮਹੱਤਵਪੂਰਨ ਯੋਗਦਾਨ ਰਿਹਾ ਹੈ, ਜਿਸ ਨਾਲ ਉਸਨੇ ਦੇਸ਼ ਅਤੇ ਸਿਰਸਾ ਦਾ ਨਾਮ ਰੌਸ਼ਨ ਕੀਤਾ ਹੈ।

Newsline Express

Author: Newslineexpres@1