🚩ਫਾਸਟ ਵੇਅ ਅਤੇ ਨੈੱਟ ਪਲੱਸ ਦੀ ਸਰਵਿਸ ਤੋਂ ਗ੍ਰਾਹਕ ਪਰੇਸ਼ਾਨ, ਸ਼ਿਕਾਇਤਾਂ ਦੇ ਕਈ ਕਈ ਘੰਟੇ ਬਾਵਜੂਦ ਨਹੀਂ ਮਿਲਦਾ ਹੱਲ

🚩ਫਾਸਟ ਵੇਅ ਅਤੇ ਨੈੱਟ ਪਲੱਸ ਦੀ ਸਰਵਿਸ ਤੋਂ ਗ੍ਰਾਹਕ ਪਰੇਸ਼ਾਨ, ਸ਼ਿਕਾਇਤਾਂ ਦੇ ਕਈ ਕਈ ਘੰਟੇ ਬਾਵਜੂਦ ਨਹੀਂ ਮਿਲਦਾ ਹੱਲ

ਪਟਿਆਲਾ/ਨਿਊਜ਼ਲਾਈਨ ਐਕਸਪ੍ਰੈਸ –  ਇਲਾਕੇ ਵਿੱਚ ਫਾਸਟ ਵੇਅ ਅਤੇ ਨੈੱਟ ਪਲੱਸ ਵਾਈ-ਫਾਈ ਕਨੈਕਸ਼ਨ ਵਰਤਣ ਵਾਲੇ ਕਈ ਉਪਭੋਗਤਾ ਇੰਟਰਨੈੱਟ ਸੇਵਾ ਤੋਂ ਖਾਸੇ ਪਰੇਸ਼ਾਨ ਨਜ਼ਰ ਆ ਰਹੇ ਹਨ। ਗ੍ਰਾਹਕ ਦਾ ਦੋਸ਼ ਹੈ ਕਿ ਕਈ ਵਾਰ ਸ਼ਿਕਾਇਤ ਕਰਨ ਦੇ ਬਾਵਜੂਦ ਨਾ ਤਾਂ ਸਮੇਂ ਸਿਰ ਸਮੱਸਿਆ ਦਾ ਹੱਲ ਕੀਤਾ ਜਾਂਦਾ ਹੈ ਅਤੇ ਨਾ ਹੀ ਉਚਿਤ ਜਵਾਬ ਮਿਲਦਾ ਹੈ।

ਇੱਕ ਉਪਭੋਗਤਾ ਨੇ ਦੱਸਿਆ ਕਿ ਇੰਟਰਨੈੱਟ ਬੰਦ ਹੋਣ ਤੋਂ ਬਾਅਦ ਉਸਨੇ ਫੀਲਡ ਕਰਮਚਾਰੀ ਨਾਲ ਸੰਪਰਕ ਕੀਤਾ ਤਾਂ ਉਸਨੇ ਕਿਹਾ ਕਿ ਉਹ ਛੁੱਟੀ ’ਤੇ ਹੈ ਅਤੇ ਕਿਸੇ ਹੋਰ ਕਰਮਚਾਰੀ ਦਾ ਨੰਬਰ ਦੇ ਦਿੱਤਾ। ਦੂਜੇ ਕਰਮਚਾਰੀ ਨੇ ਕਾਫੀ ਸਮੇਂ ਤੱਕ ਫੋਨ ਨਹੀਂ ਚੁੱਕਿਆ ਅਤੇ ਜਦੋਂ ਫੋਨ ਚੁੱਕਿਆ ਤਾਂ “ਠੀਕ ਕਰ ਰਿਹਾ ਹਾਂ” ਕਹਿ ਕੇ ਗੱਲ ਮੁਕਾ ਦਿੱਤੀ। ਉਪਭੋਗਤਾ ਵੱਲੋਂ ਇਹ ਵੀ ਦੱਸਿਆ ਗਿਆ ਕਿ ਉਨ੍ਹਾਂ ਦੇ ਘਰ ਦੀ ਛੱਤ ਨੇੜੇ ਕੇਬਲ ਤਾਰ ਟੁੱਟੀ ਹੋਈ ਹੈ, ਪਰ ਇਸ ਦੇ ਬਾਵਜੂਦ ਕੋਈ ਕਰਮਚਾਰੀ ਮੌਕੇ ’ਤੇ ਨਹੀਂ ਪਹੁੰਚਿਆ।

ਇਸ ਤੋਂ ਬਾਅਦ ਉਪਭੋਗਤਾ ਨੇ ਆਨਲਾਈਨ ਹੈਲਪਲਾਈਨ ’ਤੇ ਸ਼ਿਕਾਇਤ ਕੀਤੀ, ਜਿੱਥੇ 4 ਤੋਂ 6 ਘੰਟਿਆਂ ਵਿੱਚ ਸਮੱਸਿਆ ਹੱਲ ਕਰਨ ਦਾ ਭਰੋਸਾ ਦਿੱਤਾ ਗਿਆ। ਪਰ ਸਾਰੀ ਰਾਤ ਬੀਤ ਜਾਣ ਦੇ ਬਾਵਜੂਦ ਇੰਟਰਨੈੱਟ ਸੇਵਾ ਬਹਾਲ ਨਹੀਂ ਹੋਈ।

ਹੋਰ ਵੀ ਹੈਰਾਨੀ ਵਾਲੀ ਗੱਲ ਉਸ ਵੇਲੇ ਸਾਹਮਣੇ ਆਈ ਜਦੋਂ ਅਗਲੀ ਸਵੇਰ ਹੈਲਪਲਾਈਨ ’ਤੇ ਦੁਬਾਰਾ ਸੰਪਰਕ ਕਰਨ ’ਤੇ ਉਪਭੋਗਤਾ ਨੂੰ ਕਿਹਾ ਗਿਆ ਕਿ “ਤੁਹਾਡੀ ਪਿਛਲੇ 6 ਮਹੀਨਿਆਂ ਵਿੱਚ ਕੋਈ ਵੀ ਸ਼ਿਕਾਇਤ ਦਰਜ ਨਹੀਂ ਹੈ, ਅੱਜ ਕਰ ਦਿੰਦੇ ਹਾਂ।” ਜਦਕਿ ਉਪਭੋਗਤਾ ਦੇ ਅਨੁਸਾਰ ਉਹ ਪਹਿਲਾਂ ਵੀ ਕਈ ਵਾਰ ਸ਼ਿਕਾਇਤਾਂ ਕਰ ਚੁੱਕੇ ਸਨ।

ਸਵਾਲ ਹੈ ਕਿ ਜੇ ਸ਼ਿਕਾਇਤਾਂ ਦਾ ਕੋਈ ਰਿਕਾਰਡ ਹੀ ਨਹੀਂ ਰੱਖਿਆ ਜਾ ਰਿਹਾ ਤਾਂ ਫਿਰ ਉਪਭੋਗਤਾਵਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਿਵੇਂ ਹੁੰਦਾ ਰਹਿੰਦਾ।

ਇੰਟਰਨੈੱਟ ਅੱਜ ਦੇ ਸਮੇਂ ਵਿੱਚ ਪੜ੍ਹਾਈ, ਦਫ਼ਤਰੀ ਕੰਮ ਅਤੇ ਰੋਜ਼ਾਨਾ ਦੇ ਕਈ ਕੰਮਾਂ ਲਈ ਬਹੁਤ ਜ਼ਰੂਰੀ ਬਣ ਚੁੱਕਾ ਹੈ, ਇਸ ਲਈ ਇਸ ਤਰ੍ਹਾਂ ਦੀ ਲਾਪਰਵਾਹੀ ਲੋਕਾਂ ਲਈ ਵੱਡੀ ਮੁਸ਼ਕਲ ਪੈਦਾ ਕਰ ਰਹੀ ਹੈ।

ਲੋਕਾਂ ਲਈ ਜਾਗਰੂਕਤਾ ਸੰਦੇਸ਼:

ਜੇਕਰ ਤੁਸੀਂ ਵੀ ਕਿਸੇ ਇੰਟਰਨੈੱਟ ਜਾਂ ਹੋਰ ਸੇਵਾ ਸਬੰਧੀ ਸ਼ਿਕਾਇਤ ਕਰਦੇ ਹੋ ਤਾਂ ਹਰ ਵਾਰ ਆਪਣਾ ਕੰਪਲੇਂਟ ਜਾਂ ਟੋਕਨ ਨੰਬਰ ਜ਼ਰੂਰ ਲਵੋ ਅਤੇ ਉਸਦਾ ਸਕਰੀਨਸ਼ਾਟ ਜਾਂ ਰਿਕਾਰਡ ਸੰਭਾਲ ਕੇ ਰੱਖੋ, ਤਾਂ ਜੋ ਬਾਅਦ ਵਿੱਚ ਕੰਪਨੀ ਵੱਲੋਂ ਸ਼ਿਕਾਇਤ ਨਾ ਦਰਜ ਹੋਣ ਦਾ ਦਾਅਵਾ ਨਾ ਕੀਤਾ ਜਾ ਸਕੇ।   Newsline Express