🚩 ਲੁਧਿਆਣਾ ‘ਚ ਅਚਾਨਕ ਧਸੀ ਮੁੱਖ ਸੜਕ, 20 ਫੁੱਟ ਡੂੰਘੇ ਟੋਏ ਨੇ ਮਚਾਈ ਦਹਿਸ਼ਤ

🚩 ਲੁਧਿਆਣਾ ‘ਚ ਅਚਾਨਕ ਧਸੀ ਮੁੱਖ ਸੜਕ, 20 ਫੁੱਟ ਡੂੰਘੇ ਟੋਏ ਨੇ ਮਚਾਈ ਦਹਿਸ਼ਤ

🚩 ਪ੍ਰਸ਼ਾਸਨ ਨੇ ਇਲਾਕਾ ਕੀਤਾ ਸੀਲ; ਸੀਵਰੇਜ ਲਾਈਨ ਟੁੱਟੀ, 10 ਦਿਨ ਬੰਦ ਰਹੇਗੀ ਆਵਾਜਾਈ

ਲੁਧਿਆਣਾ, 6 ਅਗਸਤ: ਨਿਊਜ਼ਲਾਈਨ ਐਕਸਪ੍ਰੈਸ  –      ਲੁਧਿਆਣਾ ਦੇ ਪੌਸ਼ ਇਲਾਕੇ ਕਿਚਲੂ ਨਗਰ ਵਿੱਚ ਵੀਰਵਾਰ ਸਵੇਰੇ ਵਾਪਰੇ ਇੱਕ ਹੈਰਾਨੀਜਨਕ ਹਾਦਸੇ ਨੇ ਸ਼ਹਿਰ ਦੀਆਂ ਸੜਕਾਂ ਦੀ ਸੁਰੱਖਿਆ ‘ਤੇ ਵੱਡੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਡੀਐਮਸੀ ਰੋਡ ਨੂੰ ਜਾਣ ਵਾਲੀ ਮੁੱਖ ਸੜਕ ਅਚਾਨਕ ਧਸ ਗਈ ਅਤੇ ਦੇਖਦੇ ਹੀ ਦੇਖਦੇ ਕਰੀਬ 20 ਫੁੱਟ ਡੂੰਘਾ ਤੇ 30 ਫੁੱਟ ਲੰਬਾ ਟੋਇਆ ਬਣ ਗਿਆ। ਦੱਸ ਦੇਈਏ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ, ਪਰ ਇੱਕ ਰਿਹਾਇਸ਼ੀ ਘਰ ਖ਼ਤਰੇ ਦੀ ਵਿੱਚ ਆ ਗਿਆ, ਜਿਸ ਕਾਰਨ ਪੂਰੇ ਪਰਿਵਾਰ ਨੂੰ ਤੁਰੰਤ ਸੁਰੱਖਿਅਤ ਥਾਂ ‘ਤੇ ਪਹੁੰਚਾਇਆ ਗਿਆ।

ਜਾਣਕਾਰੀ ਮੁਤਾਬਕ ਘਟਨਾ ਤੋਂ ਕੁਝ ਪਲ ਪਹਿਲਾਂ ਇੱਕ ਟਰੈਕਟਰ-ਟਰਾਲੀ ਦਾ ਪਹੀਆ ਸੜਕ ਵਿੱਚ ਧਸ ਗਿਆ ਸੀ। ਡਰਾਈਵਰ ਨੇ ਕਿਸੇ ਤਰ੍ਹਾਂ ਵਾਹਨ ਬਾਹਰ ਕੱਢ ਲਿਆ, ਪਰ ਕੁਝ ਹੀ ਮਿੰਟਾਂ ਬਾਅਦ ਸੜਕ ਦਾ ਵੱਡਾ ਹਿੱਸਾ ਢਹਿ ਗਿਆ। ਸੜਕ ਹੇਠਾਂ ਵਿਛੀ ਸੀਵਰੇਜ ਪਾਈਪਲਾਈਨ ਟੁੱਟਣ ਨਾਲ ਪਾਣੀ ਦਾ ਤੇਜ਼ ਵਹਾਅ ਸ਼ੁਰੂ ਹੋ ਗਿਆ, ਜਿਸ ਕਾਰਨ ਟੋਇਆ ਹੋਰ ਵਧਣ ਦਾ ਖ਼ਤਰਾ ਬਣ ਗਿਆ। ਪ੍ਰਸ਼ਾਸਨ ਨੇ ਤੁਰੰਤ ਇਲਾਕੇ ਨੂੰ ਸੀਲ ਕਰਕੇ ਆਵਾਜਾਈ ਬੰਦ ਕਰ ਦਿੱਤੀ। ਨਗਰ ਨਿਗਮ ਅਤੇ ਪੁਲਿਸ ਦੀਆਂ ਟੀਮਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਬਚਾਅ ਕਾਰਜ ਸ਼ੁਰੂ ਕੀਤੇ। 

Newsline Express

Author: Newslineexpres@1