🚩 ਮੋਹਾਲੀ ’ਚ ਭਾਰਤ ਮਹਿਲਾ ਏ ਤੇ ਆਸਟ੍ਰੇਲੀਆ ਮਹਿਲਾ ਏ ਵਿਚਾਲੇ ਹੋਵੇਗਾ ਚਾਰ ਰੋਜ਼ਾ ਮੁਕਾਬਲਾ; Entry Free

🚩 ਮੋਹਾਲੀ ’ਚ ਭਾਰਤ ਮਹਿਲਾ ਏ ਤੇ ਆਸਟ੍ਰੇਲੀਆ ਮਹਿਲਾ ਏ ਵਿਚਾਲੇ ਹੋਵੇਗਾ ਚਾਰ ਰੋਜ਼ਾ ਮੁਕਾਬਲਾ

🚩 ਦਰਸ਼ਕਾਂ ਲਈ ਦਾਖ਼ਲਾ ਰਹੇਗਾ ਬਿਲਕੁਲ ਮੁਫ਼ਤ

ਮੋਹਾਲੀ, 24 ਸਤੰਬਰ : ਨਿਊਜ਼ਲਾਈਨ ਐਕਸਪ੍ਰੈਸ  –        ਭਾਰਤ ਦੌਰੇ ’ਤੇ ਆਈ ਆਸਟ੍ਰੇਲੀਆ ਮਹਿਲਾ ਏ ਅਤੇ ਭਾਰਤ ਮਹਿਲਾ ਏ ਦੀਆਂ ਟੀਮਾਂ ਵਿਚਕਾਰ 29 ਸਤੰਬਰ ਤੋਂ 2 ਅਕਤੂਬਰ ਤੱਕ ਖੇਡਿਆ ਜਾਣ ਵਾਲਾ ਚਾਰ ਰੋਜ਼ਾ ਮੁਕਾਬਲਾ ਹੁਣ ਪੀ.ਸੀ.ਏ. ਆਈ.ਐੱਸ. ਬਿੰਦਰਾ ਕ੍ਰਿਕਟ ਸਟੇਡੀਅਮ, ਮੋਹਾਲੀ ਵਿਖੇ ਕਰਵਾਇਆ ਜਾਵੇਗਾ। ਇਹ ਮੁਕਾਬਲਾ ਪਹਿਲਾਂ ਧਰਮਸ਼ਾਲਾ ਵਿਖੇ ਖੇਡਿਆ ਜਾਣਾ ਸੀ, ਪਰ ਬੀਸੀਸੀਆਈ ਵੱਲੋਂ ਇਸ ਦਾ ਸਥਾਨ ਬਦਲ ਕੇ ਮੋਹਾਲੀ ਕਰ ਦਿੱਤਾ ਗਿਆ ਹੈ। ਆਸਟ੍ਰੇਲੀਆ ਮਹਿਲਾ ਏ ਦੇ ਭਾਰਤ ਦੌਰੇ ਦੌਰਾਨ ਦੋਵਾਂ ਟੀਮਾਂ ਵਿਚਕਾਰ ਤਿੰਨ ਟੀ-20 ਮੁਕਾਬਲੇ ਪਹਿਲਾਂ ਹੀ ਮੁੱਲਾਂਪੁਰ ਵਿਖੇ ਖੇਡੇ ਜਾ ਚੁੱਕੇ ਹਨ। ਹੁਣ ਚਾਰ ਰੋਜ਼ਾ ਮੁਕਾਬਲੇ ਦੀ ਮੇਜ਼ਬਾਨੀ ਮੋਹਾਲੀ ਨੂੰ ਮਿਲੀ ਹੈ।
ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਵੱਲੋਂ ਪੰਜਾਬ ਦੇ ਕ੍ਰਿਕਟ ਪ੍ਰੇਮੀਆਂ ਲਈ ਵਿਸ਼ੇਸ਼ ਉਪਰਾਲਾ ਕਰਦਿਆਂ ਇਸ ਮੁਕਾਬਲੇ ਲਈ ਦਰਸ਼ਕਾਂ ਦਾ ਦਾਖ਼ਲਾ ਮੁਫ਼ਤ ਰੱਖਿਆ ਗਿਆ ਹੈ। ਕ੍ਰਿਕਟ ਪ੍ਰੇਮੀ ਆਊਟਰ ਗੇਟ 1ਸੀ ਰਾਹੀਂ ਸਟੇਡੀਅਮ ਵਿੱਚ ਮੁਫ਼ਤ ਦਾਖ਼ਲ ਹੋ ਕੇ ਮੈਚ ਦਾ ਸਿੱਧਾ ਆਨੰਦ ਲੈ ਸਕਣਗੇ।
ਪੀਸੀਏ ਦੇ ਆਨਰੇਰੀ ਸੈਕਟਰੀ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਮੁਕਾਬਲੇ ਦੀ ਮੇਜ਼ਬਾਨੀ ਪੰਜਾਬ ਨੂੰ ਦੇਣ ਲਈ ਬੀਸੀਸੀਆਈ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਪੰਜਾਬ ਨੂੰ ਮਹਿਲਾ ਕ੍ਰਿਕਟ ਦੇ ਇਸ ਮਹੱਤਵਪੂਰਨ ਮੁਕਾਬਲੇ ਦੀ ਮੇਜ਼ਬਾਨੀ ਦਾ ਮੌਕਾ ਮਿਲਣਾ ਮਾਣ ਵਾਲੀ ਗੱਲ ਹੈ। ਪੀਸੀਏ ਵੱਲੋਂ ਮੁਕਾਬਲੇ ਦੇ ਸੁਚੱਜੇ ਅਤੇ ਉੱਚ ਪੱਧਰੀ ਆਯੋਜਨ ਲਈ ਪ੍ਰਬੰਧ ਕੀਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਵਿੱਚ ਮਹਿਲਾ ਕ੍ਰਿਕਟ ਨੂੰ ਹੋਰ ਉਤਸ਼ਾਹਿਤ ਕਰਨਾ ਐਸੋਸੀਏਸ਼ਨ ਦੀ ਪਹਿਲ ਰਹੇਗੀ।

Newsline Express

Author: Newslineexpres@1