ਪਟਿਆਲਾ ‘ਚ ਮੀਡੀਆ ਐਸੋਸੀਏਸ਼ਨ ਹੋਈ ਮਜ਼ਬੂਤ; ਇਲੈਕਟ੍ਰੋਨਿਕ ਮੀਡੀਆ ਵੈੱਲਫੇਅਰ ਕਲੱਬ ਅਤੇ ਪਟਿਆਲਾ ਇਲੈਕਟ੍ਰੋਨਿਕ ਮੀਡੀਆ ਐਸੋਸੀਏਸ਼ਨ ਹੋਏ ਇੱਕਜੁੱਟ

ਪਟਿਆਲਾ, 27 ਨਵੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ ਬਿਊਰੋ – ਅੱਜ ਭਾਸ਼ਾ ਵਿਭਾਗ ਦੇ ਨੇਡ਼ੇ ਸਥਿਤ ਇਲੈਕਟ੍ਰੋਨਿਕ ਮੀਡੀਆ ਵੈੱਲਫੇਅਰ ਕਲੱਬ ਦੇ ਦਫਤਰ ਵਿਖੇ ਹੋਈ ਇਕ ਮੀਟਿੰਗ ਵਿੱਚ ਪਟਿਆਲਾ ਦੀਆਂ ਦੋ ਮੀਡੀਆ ਜਥੇਬੰਦੀਆਂ ਆਪਸ ਵਿਚ ਇੱਕਜੁੱਟ ਹੋਈਆਂ। ਇਲੈਕਟ੍ਰਾਨਿਕ ਮੀਡੀਆ ਵੈੱਲਫੇਅਰ ਕਲੱਬ ਦੇ ਪ੍ਰਧਾਨ ਅਨੁਰਾਗ ਸ਼ਰਮਾ ਨੇ ਪਟਿਆਲਾ ਇਲੈਕਟ੍ਰੋਨਿਕ ਮੀਡੀਆ ਐਸੋਸੀਏਸ਼ਨ ਦੇ ਪ੍ਰਧਾਨ ਅਸ਼ੋਕ ਵਰਮਾ ਅਤੇ ਉਨ੍ਹਾਂ ਦੇ ਮੈਂਬਰਾਂ ਦਾ ਸੁਆਗਤ ਕੀਤਾ ਅਤੇ ਦੋਨਾਂ ਹੀ ਕਲੱਬਾਂ ਦੇ ਆਪਸ ਵਿੱਚ ਮਿਲਣ ‘ਤੇ ਖੁਸ਼ੀ ਜ਼ਾਹਿਰ ਕੀਤੀ। ਇਸ ਮੌਕੇ ‘ਤੇ ਅਸ਼ੋਕ ਵਰਮਾ ਜੀ ਨੇ ਕਿਹਾ ਕਿ ਦੋਨੋਂ ਕਲੱਬਾਂ ਦੇ ਮਿਲਣ ਕਾਰਨ ਅੱਜ ਪਟਿਆਲਾ ਦੀ ਮੀਡੀਆ ਨੂੰ ਇਕ ਨਵੀਂ ਤਾਕਤ ਮਿਲੀ ਹੈ। ਅੱਜ ਹੋਈ ਮੀਟਿੰਗ ਵਿਚ ਸਾਰਿਆਂ ਦੀ ਸਹਿਮਤੀ ਨਾਲ ਅਸ਼ੋਕ ਵਰਮਾ ਜੀ ਨੂੰ ਇਲੈਕਟ੍ਰੋਨਿਕ ਮੀਡੀਆ ਵੈੱਲਫੇਅਰ ਕਲੱਬ ਦਾ ਚੇਅਰਮੈਨ ਵਜੋਂ ਅਤੇ ਜਗਦੀਸ਼ ਗੋਇਲ ਜੀ ਨੂੰ ਵਾਈਸ ਪ੍ਰਧਾਨ ਦੇ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੀਟਿੰਗ ਵਿੱਚ ਮੌਜੂਦ ਦੋਹਾਂ ਹੀ ਸੰਗਠਨਾਂ ਦੇ ਇੱਕਜੁੱਟ ਹੋਏ ਪੱਤਰਕਾਰਾਂ ਨੇ ਦੋਨੋਂ ਕਲੱਬਾਂ ਦੇ ਇਕੱਠੇ ਹੋਣ ‘ਤੇ ਖੁਸ਼ੀ ਜ਼ਾਹਿਰ ਕੀਤੀ ਅਤੇ ਭਵਿੱਖ ਵਿੱਚ ਇਕਜੁੱਟ ਹੋ ਕੇ ਦੇਸ਼ ਅਤੇ ਸਮਾਜ ਦੀ ਬੇਹਤਰੀ ਲਈ ਮਿਲ ਕੇ ਕੰਮ ਕਰਨ ਦੇ ਨਾਲ ਨਾਲ ਪੱਤਰਕਾਰੀ ਦੇ ਹੱਕਾਂ ਲਈ ਸੱਚੀ ਅਤੇ ਨੇਕ ਸੋਚ ਨੂੰ ਸਮਾਜ ਵਿੱਚ ਰੱਖਣ ਦਾ ਪ੍ਰਣ ਲਿਆ।