ਇਲੈਕਟ੍ਰੋਨਿਕ ਮੀਡੀਆ ਵੈਲਫੇਅਰ ਕਲਬ ਪਟਿਆਲਾ ਨੇ ਲਗਾਇਆ ਚਾਹ ਪਕੌੜਿਆਂ ਦਾ ਲੰਗਰ
???? ਪੱਤਰਕਾਰਾਂ ਨੇ ਆਪਣੇ ਹੱਥੀਂ ਵਰਤਾਇਆ ਲੰਗਰ
ਪਟਿਆਲਾ, 26 ਦਸੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ ਬਿਊਰੋ / ਰਾਕੇਸ਼, ਰਜਨੀਸ਼, ਗਰੋਵਰ, ਮੋਹਿਤ – ਸਮਾਜ ਸੇਵਾ ਵਿਚ ਹਮੇਸ਼ਾਂ ਮੋਹਰੀ ਰਹਿਣ ਵਾਲੇ ਇਲੈਕਟ੍ਰੋਨਿਕ ਮੀਡੀਆ ਵੈਲਫੇਅਰ ਕਲੱਬ ਪਟਿਆਲਾ ਵਲੋਂ ਅੱਜ ਸ਼ਹੀਦ ਸਾਹਿਬਜ਼ਾਦਿਆਂ ਨੂੰ ਸਮਰਪਿਤ ਚਾਹ ਪਕੌੜਿਆਂ ਦਾ ਲੰਗਰ ਲਗਾਇਆ ਗਿਆ। ਸਥਾਨਕ ਸ਼ੇਰਾ ਵਾਲਾ ਗੇਟ ਵਿਖੇ ਸਥਿਤ ਕਲੱਬ ਦੇ ਦਫਤਰ ਦੇ ਬਾਹਰ ਲਗਾਏ ਲੰਗਰ ਵਿਚ ਪੱਤਰਕਾਰਾਂ ਨੇ ਆਪਣੇ ਹੱਥੀਂ ਲੰਗਰ ਵਰਤਾਇਆ। ਇਸ ਮੌਕੇ ਉਤੇ ਇਲੈਕਟ੍ਰੋਨਿਕ ਮੀਡੀਆ ਵੈਲਫੇਅਰ ਕਲੱਬ ਪਟਿਆਲਾ ਦੇ ਪ੍ਰਧਾਨ ਅਨੁਰਾਗ ਸ਼ਰਮਾ, ਚੇਅਰਮੈਨ ਅਸ਼ੋਕ ਵਰਮਾ ਅਤੇ ਸਮੂਹ ਪੱਤਰਕਾਰਾਂ ਨੇ ਸਾਹਿਬਜ਼ਾਦਿਆਂ ਦੀ ਲਾਸਾਨੀ ਸ਼ਹਾਦਤ ਨੂੰ ਯਾਦ ਕੀਤਾ ਅਤੇ ਕੋਟਿ ਕੋਟਿ ਪ੍ਰਣਾਮ ਕੀਤਾ।
ਇਸ ਮੌਕੇ ਅਨੁਰਾਗ ਸ਼ਰਮਾ, ਅਸ਼ੋਕ ਵਰਮਾ ਤੋਂ ਅਲਾਵਾ ਜਸਬੀਰ ਸੁਖੀਜਾ, ਚਰਨਜੀਤ ਸਿੰਘ ਕੋਹਲੀ, ਪਵਨ ਕੁਮਾਰ ਸਿੰਗਲਾ, ਤਰਨ ਠੁਕਰਾਲ, ਨਵਤੇਜ ਸਿੰਘ, ਸੈਂਡੀ ਵਾਲੀਆ, ਜਿਤੇਸ਼ ਜੌਲੀ, ਬਿੰਦਰ ਬਾਤਿਸ਼, ਰਜਨੀਸ਼ ਸਕਸੈਨਾ, ਸੁਦਰਸ਼ਨ ਮਿੱਤਲ, ਪੰਮੀ ਬੇਦੀ, ਅਰਵਿੰਦਰ ਸਿੰਘ, ਦਰਸ਼ਨ ਅਹੂਜਾ, ਸੁਰਜੀਤ ਗਰੋਵਰ, ਰਾਕੇਸ਼ ਕੁਮਾਰ, ਮਨਿੰਦਰ ਸਿੰਘ, ਬਲਜੀਤ ਬੱਲੀ, ਹਰਸ਼ਪ੍ਰੀਤ ਸਿੰਘ, ਸੰਦੀਪ ਤੁਰਨਾ, ਭਾਰਤ ਭੂਸ਼ਣ, ਇਕਬਾਲ ਸਿੰਘ ਨੌਗਾਵਾਂ ਸਮੇਤ ਕਈ ਹੋਰ ਪੱਤਰਕਾਰ ਹਾਜ਼ਰ ਸਨ।
*Newsline Express*
