‘ਮਹਾਭਾਰਤ’ ‘ਚ ਨੰਦ ਦੀ ਭੂਮਿਕਾ ਨਿਭਾਉਣ ਵਾਲੇ ਰਸਿਕ ਦਵੇ ਦਾ ਹੋਇਆ ਦਿਹਾਂਤ
ਮੁੰਬਈ, 30 ਜੁਲਾਈ – ਨਿਊਜ਼ਲਾਈਨ ਐਕਸਪ੍ਰੈਸ – ‘ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ’ ਅਤੇ ‘ਬਾਲਿਕਾ ਵਧੂ 2’ ਦੀ ਪ੍ਰਸਿੱਧ ਅਦਾਕਾਰਾ ਕੇਤਕੀ ਦਵੇ ਦੇ ਪਤੀ ਦਾ ਦਿਹਾਂਤ ਹੋ ਗਿਆ। ਅਦਾਕਾਰ ਰਸਿਕ ਦਵੇ ਦਾ ਗੁਰਦੇ ਫੇਲ ਹੋਣ ਕਾਰਨ ਦਿਹਾਂਤ ਹੋ ਗਿਆ ਹੈ। ਰਸਿਕ ਨੇ ਆਪਣੀ ਪਤਨੀ ਨਾਲ ‘ਨੱਚ ਬਲੀਏ 2’ ‘ਚ ਵੀ ਹਿੱਸਾ ਲਿਆ ਸੀ। ਉਹ 65 ਸਾਲਾਂ ਦੇ ਸਨ। ਰਸਿਕ ਨੇ ਟੀਵੀ ਸ਼ੋਅ ਮਹਾਭਾਰਤ ਵਿੱਚ ਨੰਦ ਦੀ ਭੂਮਿਕਾ ਨਿਭਾਈ, ਜੋ 1980 ਦੇ ਦਹਾਕੇ ਵਿੱਚ ਪ੍ਰਸਾਰਿਤ ਹੋਇਆ ਸੀ। ਰਸਿਕ ਨੂੰ ਇੰਡਸਟਰੀ ਦੇ ਲੋਕ ਪਿਆਰ ਨਾਲ ਰਸਿਕ ਭਾਈ ਦੇ ਨਾਂ ਨਾਲ ਬੁਲਾਉਂਦੇ ਸਨ। ਉਹ ਪਿਛਲੇ ਦੋ ਸਾਲਾਂ ਤੋਂ ਡਾਇਲਸਿਸ ‘ਤੇ ਸੀ। ਉਨ੍ਹਾਂ ਨੇ ਸ਼ੁੱਕਰਵਾਰ ਰਾਤ 8 ਵਜੇ ਆਖਰੀ ਸਾਹ ਲਿਆ। ਰਸਿਕ ਆਪਣੇ ਪਿੱਛੇ ਪਤਨੀ, ਪੁੱਤਰ ਅਤੇ ਬੇਟੀ ਛੱਡ ਗਏ ਹਨ। ਰਸਿਕ ਅਤੇ ਕੇਤਕੀ ਦਵੇ ਇੱਕ ਗੁਜਰਾਤੀ ਥੀਏਟਰ ਕੰਪਨੀ ਵੀ ਚਲਾਉਂਦੇ ਸਨ। ਕੇਤਕੀ ਅਤੇ ਰਸਿਕ ਦੀ ਬੇਟੀ ਰਿਧੀ ਡੇਵ ਇੱਕ ਟੀਵੀ ਹੋਸਟ ਅਤੇ ਅਦਾਕਾਰਾ ਹੈ।