???? ਪਟਿਆਲਾ ਵਿਚ ਪਟਾਕੇ ਵੇਚਣ ਦਾ ਲਾਇਸੈਂਸ ਵਾਲਾ ਡਰਾਅ ਯੋਗੇਸ਼ ਦੇ ਨਾਂਅ
???? ਪਟਾਕੇ ਵੇਚਣ ਦੀ ਮਨਜ਼ੂਰੀ ਤੋਂ ਪਹਿਲਾਂ ਹੀ ਲੱਗ ਗਏ 40 ਗੈਰ ਕਾਨੂੰਨੀ ਬੂਥ
ਪਟਿਆਲਾ, 18 ਅਕਤੂਬਰ – ਨਿਊਜ਼ਲਾਈਨ ਐਕਸਪ੍ਰੈਸ ਬਿਊਰੋ – ਪਟਿਆਲਾ ਜ਼ਿਲ੍ਹੇ ਅੰਦਰ ਦੀਵਾਲੀ ਦੇ ਦਿਨਾਂ ਵਿੱਚ ਪਟਾਕੇ ਵੇਚਣ ਨੂੰ ਲੈਕੇ ਹਰ ਸਾਲ ਵਿਵਾਦਿਤ ਖਬਰਾਂ ਸੁਣਨ ਨੂੰ ਮਿਲਦੀਆਂ ਹਨ। ਕਿਹਾ ਜਾਂਦਾ ਰਿਹਾ ਹੈ ਕਿ ਅਕਸਰ ਪਟਾਕੇ ਵੇਚਣ ਦਾ ਲਾਇਸੈਂਸ ਉਸ ਵਿਅਕਤੀ ਨੂੰ ਮਿਲਦਾ ਹੈ ਜਿਸਨੂੰ ਸੱਤਾਧਾਰੀ ਪਾਰਟੀ ਦੇ ਆਗੂ ਚਾਹੁਣ। ਇਹ ਲਾਇਸੈਂਸ ਸਿਰਫ ਇਕ ਆਦਮੀ ਨੂੰ ਦਿੱਤਾ ਜਾਂਦਾ ਹੈ ਅਤੇ ਕਿਹਾ ਜਾਂਦਾ ਹੈ ਕਿ ਸਿਰਫ ਉਹੀ ਵਿਅਕਤੀ ਪਟਾਕੇ ਵਿਚ ਸਕਦਾ ਹੈ ਜਿਸਨੂੰ ਕੋਲ ਮਨਜ਼ੂਰੀ ਹੋਵੇ। ਪਰ, ਹਮੇਸ਼ਾਂ ਹੀ ਇਸ ਤਰ੍ਹਾਂ ਨਹੀਂ ਹੁੰਦਾ ਅਤੇ ਪਟਾਕੇ ਪੂਰੇ ਪਟਿਆਲਾ ਜ਼ਿਲ੍ਹੇ ਵਿੱਚ ਸੈਂਕੜੇ ਥਾਂਵਾਂ ਉਤੇ ਵਿਕਦੇ ਦੇਖੇ ਜਾਂਦੇ ਹਨ ਅਤੇ ਪ੍ਰਸ਼ਾਸਨ ਵੱਲੋਂ ਸਿਰਫ ਕਦੇ ਕੋਈ ਠੋਸ ਕਾਰਵਾਈ ਹੁੰਦੀ ਨਹੀਂ ਦੇਖੀ ਗਈ।
ਚਰਚ ਹੈ ਕਿ ਇਸ ਵਾਰ ਵੀ ਇਸੇ ਤਰ੍ਹਾਂ ਹੋਣ ਜਾ ਰਿਹਾ ਹੈ। ਪਟਾਕੇ ਵੇਚਣ ਦਾ ਲਾਇਸੈਂਸ ਯੋਗੇਸ਼ ਨਾਮ ਦੇ ਵਿਅਕਤੀ ਨੂੰ ਦਿੱਤਾ ਗਿਆ ਹੈ, ਪਰ ਹੈਰਾਨੀ ਵਾਲੀ ਗੱਲ ਇਹ ਰਹੀ ਕਿ ਪਟਿਆਲਾ ਦੇ ਪੋਲੋ ਗਰਾਊਂਡ ਵਿੱਚ ਇੱਕ, ਦੋ, ਪੰਜ, ਸੱਤ, ਦਸ, ਵੀਹ, ਤੀਹ ਨਹੀਂ ਸਗੋਂ 40 ਬੂਥ ਪਟਾਕੇ ਵੇਚਣ ਦੀ ਮਨਜ਼ੂਰੀ ਮਿਲਣ ਤੋਂ ਪਹਿਲਾਂ ਹੀ ਅਨਾਧਿਕਾਰਿਤ ਤੌਰ ਉੱਤੇ ਕਿਵੇਂ ਲਗਾ ਦਿੱਤੇ ਗਏ।
ਹੁਣ ਚਰਚਾ ਇਹ ਹੈ ਕਿ ਇੱਕਲਾ ਯੋਗੇਸ਼ ਪੂਰੇ ਪਟਿਆਲਾ ਵਿਚ ਪਟਾਕੇ ਕਿਵੇਂ ਵੇਚੇਗਾ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਉਹ ਅੱਗੇ ਹੋਰ ਲੋਕਾਂ ਨੂੰ ਬੂਥ ਵੀ ਵੇਚੇਗਾ, ਆਪ ਵੀ ਮੋਟੇ ਪੈਸੇ ਵੀ ਕਮਾਏਗਾ ਅਤੇ ਆਪਣੇ ਉਨ੍ਹਾਂ ਆਕਾਵਾਂ ਦੀਆਂ ਜੇਬਾਂ ਵੀ ਭਰੇਗਾ, ਜਿਨ੍ਹਾਂ ਨੇ ਉਸਨੂੰ ਅਤੇ। ਉਸਦੇ ਸਾਥੀਆਂ ਨੂੰ ਕਾਨੂੰਨੀ ਕਰਵਾਈ ਤੋਂ ਬਚਾਉਣਾ ਹੈ।
Newsline Express
