???? ਸਨੈਚਿੰਗ ਦੇ ਕੇਸ ‘ਚੋਂ ਮਸਤਾਨ ਖਾਨ ਬਰੀ
ਪਟਿਆਲਾ, 12 ਅਪ੍ਰੈਲ –ਨਿਊਜ਼ਲਾਈਨ ਐਕਸਪ੍ਰੈਸ ਬਿਓਰੋ – ਪਟਿਆਲਾ ਦੇ ਐਡਵੋਕੇਟ ਅਮਨਪ੍ਰੀਤ ਸਿੰਘ ਚੰਬਾਲ ਨੇ ਮਹਿਲਾ ਤੋਂ ਸਨੈਚਿੰਗ ਕਰਨ ਦੇ ਇੱਕ ਬਹੁਤ ਪੇਚੀਦੇ ਕੇਸ ਵਿੱਚੋਂ ਪਿੰਡ ਜਾਹਲਾਂ ਜਿਲ੍ਹਾ ਪਟਿਆਲਾ ਦੇ ਇੱਕ ਵਿਅਕਤੀ ਨੂੰ ਬਰੀ ਕਰਵਾਇਆ ਹੈ।
ਪ੍ਰਾਪਤ ਜਾਣਕਾਰੀ ਮੁਤਾਬਕ ਸਾਲ 2021 ਵਿੱਚ ਥਾਣਾ ਪਸਿਆਣਾ ਪਟਿਆਲਾ ਵਿਖੇ 9 ਅਗਸਤ ਨੂੰ ਪਿੰਡ ਜਾਹਲਾਂ ਦੇ ਮਸਤਾਨ ਸਿੰਘ ਵਿਰੁੱਧ ਧਾਰਾਵਾਂ 379-ਬੀ, 201, 34 ਆਈ.ਪੀ.ਸੀ ਅਧੀਨ ਮੁਕੱਦਮਾ ਨੰਬਰ 174 ਦਰਜ਼ ਕੀਤਾ ਸੀ।
ਮਸਤਾਨ ਖਾਨ ਪੁੱਤਰ ਯੂਸੁਫ਼ ਖਾਨ ਉਤੇ ਦੋਸ਼ ਸੀ ਕਿ ਉਸਨੇ ਭਾਖੜਾ ਐਨਕਲੇਵ, ਮੱਲੋਮਾਜਰਾ, ਪਟਿਆਲਾ ਵਾਸੀ ਇੱਕ ਮਹਿਲਾ ਪਰਵਿੰਦਰ ਕੌਰ ਪਤਨੀ ਗੁਰਦੀਪ ਸਿੰਘ ਦੀਆਂ ਕੰਨਾਂ ਦੀਆਂ ਬਾਲੀਆਂ ਦੀ ਖੋਹ ਕੀਤੀ ਸੀ।
ਮਾਣਯੋਗ ਸੈਸ਼ਨ ਕੋਰਟ ਦੀ ਅਦਾਲਤ ਵਿੱਚ ਦੋਵੇਂ ਧਿਰਾਂ ਦੇ ਵਕੀਲਾਂ ਦੀ ਬਹਿਸ ਸੁਣਨ ਤੋਂ ਬਾਅਦ ਮਾਣਯੋਗ ਸੈਸ਼ਨ ਜੱਜ ਸ੍ਰੀ ਤਰਸੇਮ ਸਿੰਗਲਾ ਨੇ ਬਚਾਅ ਪੱਖ ਦੇ ਵਕੀਲ ਐਡਵੋਕੇਟ ਅਮਨਪ੍ਰੀਤ ਸਿੰਘ ਚੰਬਾਲ ਦੀਆਂ ਦਲੀਲਾਂ ਮੰਨਦੇ ਹੋਏ ਮਸਤਾਨ ਖਾਨ ਨੂੰ ਬਰੀ ਕਰ ਦਿੱਤਾ। Newsline Express