???? ਸਾਜ਼ ਅਤੇ ਆਵਾਜ਼ ਕਲੱਬ ਪਟਿਆਲਾ ਦੀ ਮਹੀਨਾਵਾਰ ਮੀਟਿੰਗ ਦਾ ਆਯੋਜਨ
ਗ੍ਰੈਂਡ ਮਿਊਜ਼ੀਕਲ ਈਵੈਂਟ ਦੀ ਸਫਲਤਾ ‘ਤੇ ਮਾਣ
???? ਅਗਲੇ ਸਭ ਤੋਂ ਵੱਡੇ ਸੰਗੀਤ ਉਤਸਵ ਲਈ ਚਰਚਾ
ਪਟਿਆਲਾ, 5 ਅਗਸਤ – ਰਜਨੀਸ਼, ਗਰੋਵਰ, ਕੁਸ਼ਾਗਰ – ਪਟਿਆਲਾ ਦੀ ਇੱਕੋ ਇੱਕ ਪ੍ਰਸਿੱਧ ਸੰਗੀਤਕ ਸੰਸਥਾ “ਸਾਜ਼ ਔਰ ਆਵਾਜ਼ ਕਲੱਬ ਪਟਿਆਲਾ” ਦੀ ਇੱਕ ਆਫ਼ਿਸ਼ਿਅਲ ਮੀਟਿੰਗ ਪਟਿਆਲਾ ਕਲੱਬ ਬਾਰਾਂਦਰੀ ਬਾਗ ਵਿਖੇ ਹੋਈ।
ਇਸ ਮੀਟਿੰਗ ਵਿਚ 30 ਜੁਲਾਈ ਨੂੰ ਹਰਪਾਲ ਟਿਵਾਣਾ ਆਡੀਟੋਰੀਅਮ ਵਿਖੇ ਕਰਵਾਏ ਗਏ ਸ਼ਾਨਦਾਰ ਸੰਗੀਤਕ ਸਮਾਗਮ ਦੀ ਸਫਲਤਾ ‘ਤੇ ਮਾਣ ਪ੍ਰਗਟ ਕੀਤਾ ਗਿਆ ਅਤੇ ਕੇਕ ਕੱਟ ਕੇ ਇਕ ਦੂਜੇ ਨੂੰ ਵਧਾਈ ਦਿੱਤੀ ਗਈ |
ਪ੍ਰੋਗਰਾਮ ਦੀ ਸਫਲਤਾ ‘ਤੇ ਨਿਊਜ਼ਲਾਈਨ ਐਕਸਪ੍ਰੈਸ ਅਖਬਾਰ ਦੇ ਸੰਪਾਦਕ ਅਸ਼ੋਕ ਵਰਮਾ ਨੇ ਸਾਜ਼ ਅਤੇ ਆਵਾਜ਼ ਕਲੱਬ ਦੇ ਸਮੂਹ ਅਧਿਕਾਰੀਆਂ ਅਤੇ ਗੀਤਕਾਰਾਂ ਦਾ ਧੰਨਵਾਦ ਕੀਤਾ।
ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ ਅਗਲਾ ਪ੍ਰੋਗਰਾਮ ਪਿਛਲੇ ਸਾਰੇ ਸਮਾਗਮਾਂ ਨਾਲੋਂ ਵੱਡਾ ਅਤੇ ਸ਼ਾਨਦਾਰ ਹੋਣਾ ਚਾਹੀਦਾ ਹੈ। ਇਸ ਸੰਬੰਧੀ ਸਾਰੀਆਂ ਪੁਰਾਣੀਆਂ ਕਮੀਆਂ ਨੂੰ ਦੂਰ ਕਰਨ ਅਤੇ ਹੋਰ ਵਧੀਆ ਢੰਗ ਨਾਲ ਪੇਸ਼ਕਾਰੀ ਕਰਨ ਲਈ ਵੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਲਈ ਮੀਟਿੰਗ ਵਿੱਚ ਹਾਜ਼ਰ ਸਾਰੀਆਂ ਸ਼ਖ਼ਸੀਅਤਾਂ ਨੇ ਆਪਣੇ ਆਪਣੇ ਵਿਚਾਰ ਪੇਸ਼ ਕੀਤੇ ਅਤੇ ਵੱਖ-ਵੱਖ ਸੁਝਾਅ ਦਿੱਤੇ।
ਅੱਜ ਦੀ ਮੀਟਿੰਗ ਵਿੱਚ ਸਰਵਸ੍ਰੀ ਰਵਿੰਦਰ ਕੁਮਾਰ ਬਾਲੀ, ਕੇ.ਐਸ. ਸੇਖੋਂ, ਰਾਜ ਕੁਮਾਰ, ਕੁਲਦੀਪ ਗਰੋਵਰ, ਪਵਨ ਕਾਲੀਆ, ਅਸ਼ੋਕ ਕੁਮਾਰ, ਅਸ਼ੋਕ ਅਰੋੜਾ, ਕੈਲਾਸ਼ ਅਟਵਾਲ, ਗੌਤਮ ਬੱਗਾ, ਡੀ.ਐਸ. ਪੁਰੀ, ਪ੍ਰੋਫੈਸਰ ਡੀ.ਡੀ. ਸਿੰਘ, ਮੈਡਮ ਸੁਮਨ ਖੱਤਰੀ, ਪ੍ਰਿੰਸੀਪਲ ਪ੍ਰੀਤੀ ਗੁਪਤਾ, ਮੈਡਮ ਬੱਬਲ ਅਰੋੜਾ ਅਤੇ ਅਸ਼ੋਕ ਵਰਮਾ ਹਾਜ਼ਰ ਸਨ। Newsline Express
