🚩 189 ਕਰੋੜ ਰੁਪਏ ਦੇ ਕਸਟਮ ਚੋਰੀ ਮਾਮਲੇ ਦਾ ਮਾਸਟਰਮਾਈਂਡ ਗ੍ਰਿਫ਼ਤਾਰ ;🚩 ਜਾਅਲੀ ਫਰਮਾਂ ਰਾਹੀਂ ਜਾਅਲੀ ਅਤੇ ਨਕਲੀ ਵਸਤੂਆਂ ਦਾ ਨਿਰਯਾਤ ਕਰਨ ਦੀ ਕੋਸ਼ਿਸ਼; 🚩 ਜਾਅਲੀ ਫਰਮਾਂ ਰਾਹੀਂ ਜਾਅਲੀ ਅਤੇ ਨਕਲੀ ਵਸਤੂਆਂ ਦਾ ਨਿਰਯਾਤ ਕਰਨ ਦੀ ਕੋਸ਼ਿਸ਼

🚩 189 ਕਰੋੜ ਰੁਪਏ ਦੇ ਕਸਟਮ ਚੋਰੀ ਮਾਮਲੇ ਦਾ ਮਾਸਟਰਮਾਈਂਡ ਗ੍ਰਿਫ਼ਤਾਰ

🚩 ਜਾਅਲੀ ਫਰਮਾਂ ਰਾਹੀਂ ਜਾਅਲੀ ਅਤੇ ਨਕਲੀ ਵਸਤੂਆਂ ਦਾ ਨਿਰਯਾਤ ਕਰਨ ਦੀ ਕੋਸ਼ਿਸ਼

🚩 ਅਦਾਲਤ ਨੇ ਡੀਆਰਆਈ ਹਿਰਾਸਤ ਨੂੰ ਦਿੱਤੀ ਮਨਜ਼ੂਰੀ 

ਲੁਧਿਆਣਾ, 21 ਜੁਲਾਈ – ਮੋਹਿਤ ਕੌਸ਼ਲ – ਨਿਊਜ਼ਲਾਈਨ ਐਕਸਪ੍ਰੈਸ –   ਵਿਸ਼ੇਸ਼ ਖੁਫੀਆ ਜਾਣਕਾਰੀ ਦੇ ਅਧਾਰ ‘ਤੇ, ਡਾਇਰੈਕਟੋਰੇਟ ਆਫ਼ ਰੈਵੇਨਿਊ ਇੰਟੈਲੀਜੈਂਸ (ਡੀਆਰਆਈ), ਜ਼ੋਨਲ ਯੂਨਿਟ ਲੁਧਿਆਣਾ ਨੇ 189 ਕਰੋੜ ਰੁਪਏ ਦੇ ਕਸਟਮ ਚੋਰੀ ਮਾਮਲੇ ਦੇ ਮਾਸਟਰਮਾਈਂਡ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੋਸ਼ੀ ਨੂੰ ਲੁਧਿਆਣਾ ਦੇ ਫਸਟ ਕਲਾਸ ਜੁਡੀਸ਼ੀਅਲ ਮੈਜਿਸਟਰੇਟ, ਦੇ ਸਾਹਮਣੇ ਪੇਸ਼ ਕੀਤਾ ਗਿਆ, ਜਿਨ੍ਹਾਂ ਨੇ 20.07.2025 ਨੂੰ ਅੱਗੇ ਦੀ ਪੁੱਛਗਿੱਛ ਲਈ ਉਸ ਨੂੰ  ਡੀਆਰਆਈ ਦੀ ਹਿਰਾਸਤ ਵਿੱਚ ਭੇਜਣ ਦੀ ਪ੍ਰਵਾਨਗੀ ਦੇ ਦਿੱਤੀ। ਦੋਸ਼ੀ ਪਿਛਲੇ ਇੱਕ ਸਾਲ ਤੋਂ ਫਰਾਰ ਸੀ।

ਜਾਂਚ ਤੋਂ ਪਤਾ ਲੱਗਾ ਕਿ ਦੋਸ਼ੀ ਤਿੰਨ ਫਰਮਾਂ ਦੇ ਜਾਅਲੀ ਮਾਲਕਾਂ ਰਾਹੀਂ ਕਸਟਮਜ਼ ਬਾਂਡਡ ਵੇਅਰਹਾਊਸਾਂ ਤੋਂ ਡਿਊਟੀ-ਮੁਕਤ ਆਯਾਤ ਵਸਤੂਆਂ ਦੀ ਘਰੇਲੂ ਬਜ਼ਾਰ ਵਿੱਚ ਗੈਰ-ਕਾਨੂੰਨੀ ਸਪਲਾਈ ਕਰ ਰਿਹਾ ਸੀ। ਜ਼ਿਕਰਯੋਗ ਹੈ ਕਿ ਬਾਂਡਡ ਵੇਅਰਹਾਊਸ ਲਾਇਸੈਂਸ ਦੀਆਂ ਸ਼ਰਤਾਂ ਦੇ ਅਨੁਸਾਰ, ਇਨ੍ਹਾਂ ਵਸਤੂਆਂ ਦਾ ਉਪਯੋਗ ਸਿਰਫ਼ ਨਿਰਯਾਤ ਲਈ ਉਤਪਾਦਾਂ ਦੇ ਨਿਰਮਾਣ ਵਿੱਚ ਕੱਚੇ ਮਾਲ ਵਜੋਂ ਹੀ ਵਰਤਿਆ ਜਾਣਾ ਸੀ।

ਇਸ ਸਾਰੀ ਧੋਖਾਧੜੀ ਦਾ ਉਦੇਸ਼ ਆਯਾਤ ਵਸਤੂਆਂ ‘ਤੇ ਭੁਗਤਾਨਯੋਗ ਡਿਊਟੀ ਤੋਂ ਬਚਣਾ ਸੀ, ਜਿਸ ਨੂੰ ਘਰੇਲੂ ਬਜ਼ਾਰ ਵਿੱਚ ਡਿਊਟੀ ਦਾ ਭੁਗਤਾਨ ਕੀਤੇ ਬਿਨਾਂ ਵੇਚਿਆ ਗਿਆ ਸੀ। ਇਨ੍ਹਾਂ ਵਸਤੂਆਂ ‘ਤੇ ਭੁਗਤਾਨਯੋਗ ਕਸਟਮ ਡਿਊਟੀ ਵਸਤੂ ਦੇ ਮੁੱਲ ਦਾ ਲਗਭਗ 100% ਹੁੰਦਾ ਹੈ। ਕੁੱਲ ਮਿਲਾ ਕੇ, 189 ਕਰੋੜ ਦੀ ਕਸਟਮ ਡਿਊਟੀ ਚੋਰੀ ਕੀਤੀ ਗਈ। ਨਿਰਯਾਤ ਜ਼ਿੰਮੇਵਾਰੀ ਨੂੰ ਪੂਰਾ ਕਰਨ ਲਈ, ਦੋਸ਼ੀਆਂ ਨੇ ਜਾਅਲੀ ਫਰਮਾਂ ਰਾਹੀਂ ਡਿਊਟੀ-ਮੁਕਤ ਵਸਤੂਆਂ ਦੀ ਬਜਾਏ ਹੋਰ ਬਾਹਰੀ ਸਮੱਗਰੀ ਤੋਂ ਬਣੇ ਜਾਅਲੀ ਅਤੇ ਨਕਲੀ ਵਸਤੂਆਂ ਦਾ ਨਿਰਯਾਤ ਕਰਨ ਦੀ ਕੋਸ਼ਿਸ਼ ਕੀਤੀ।  

  ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ, ਜ਼ੋਨਲ ਯੂਨਿਟ, ਲੁਧਿਆਣਾ ਵੱਲੋਂ ਮਾਮਲੇ ਦੀ ਵਿਸਤ੍ਰਿਤ ਜਾਂਚ ਅਜੇ ਵੀ ਜਾਰੀ ਹੈ। Newsline Express