🚩ਭਾਰਤ ਵਿਕਾਸ ਪਰਿਸ਼ਦ ਪਟਿਆਲਾ ਸ਼ਿਵਾਜੀ ਸ਼ਾਖਾ ਵੱਲੋਂ ਠੰਢੇ ਮਿੱਠੇ ਪਾਣੀ ਦੀ ਛਬੀਲ ਦਾ ਆਯੋਜਨ

🚩ਭਾਰਤ ਵਿਕਾਸ ਪਰਿਸ਼ਦ ਪਟਿਆਲਾ ਸ਼ਿਵਾਜੀ ਸ਼ਾਖਾ ਵੱਲੋਂ ਠੰਢੇ ਮਿੱਠੇ ਪਾਣੀ ਦੀ ਛਬੀਲ ਦਾ ਆਯੋਜਨ

ਪਟਿਆਲਾ / ਰਾਕੇਸ਼ ਸ਼ਰਮਾ – ਨਿਊਜ਼ਲਾਈਨ ਐਕਸਪ੍ਰੈਸ –     ਭਾਰਤ ਵਿਕਾਸ ਪਰਿਸ਼ਦ ਪਟਿਆਲਾ ਸ਼ਿਵਾਜੀ ਸ਼ਾਖਾ ਵੱਲੋਂ ਭਿਆਨਕ ਗਰਮੀ ਨੂੰ ਧਿਆਨ ਵਿੱਚ ਰੱਖਦਿਆਂ ਮਨੁੱਖਤਾ ਦੀ ਸੇਵਾ ਲਈ ਬੁੱਕ ਮਾਰਕੀਟ, ਪਟਿਆਲਾ ਵਿਖੇ ਸਥਿਤ ਸ਼੍ਰੀ ਰਾਮ ਮੰਦਰ ਦੇ ਸਾਹਮਣੇ ਠੰਢੇ ਮਿੱਠੇ ਪਾਣੀ ਦੀ ਛਬੀਲ ਲਗਾਈ ਗਈ। ਪਰਿਸ਼ਦ ਦੇ ਮੈਂਬਰਾਂ ਨੇ ਆਉਣ-ਜਾਣ ਵਾਲੇ ਰਾਹਗੀਰਾਂ ਨੂੰ ਰੋਕ ਕੇ ਠੰਢਾ ਮਿੱਠਾ ਪਾਣੀ, ਜਲਜੀਰਾ ਅਤੇ ਕੁਲਫੀਆਂ ਵੰਡੀਆਂ। ਗਰਮੀ ਤੋਂ ਪਰੇਸ਼ਾਨ ਲੋਕਾਂ ਨੇ ਇਸ ਸੇਵਾ ਦਾ ਭਰਪੂਰ ਲਾਹਾ ਲਿਆ ਅਤੇ ਪਰਿਸ਼ਦ ਦੇ ਇਸ ਉਪਰਾਲੇ ਦੀ ਖੂਬ ਸਰਾਹਨਾ ਕੀਤੀ। ਛਬੀਲ ਦੌਰਾਨ ਸੇਵਾ ਭਾਵਨਾ ਅਤੇ ਸਮਾਜ ਪ੍ਰਤੀ ਜ਼ਿੰਮੇਵਾਰੀ ਦੀ ਭਾਵਨਾ ਸਪਸ਼ਟ ਤੌਰ ’ਤੇ ਵੇਖਣ ਨੂੰ ਮਿਲੀ।

ਸਮਾਜ ਸੇਵਾ ਦੇ ਖੇਤਰ ਵਿੱਚ ਨਿਰੰਤਰ ਯੋਗਦਾਨ ਪਾ ਰਹੀ ਹੈ ਪਰਿਸ਼ਦ

ਜ਼ਿਕਰਯੋਗ ਹੈ ਇਹ ਭਾਰਤ ਵਿਕਾਸ ਪਰਿਸ਼ਦ ਕਈ ਸਾਲਾਂ ਤੋਂ ਸਮਾਜ ਅਤੇ ਮਨੁੱਖਤਾ ਦੀ ਸੇਵਾ ਲਈ ਵੱਖ-ਵੱਖ ਕਾਰਜ ਕਰਦੀ ਆ ਰਹੀ ਹੈ। ਪਰਿਸ਼ਦ ਦੇ ਕਾਰਕੁਨ ਸਮੇਂ-ਸਮੇਂ ’ਤੇ ਲੋਕ ਭਲਾਈ ਦੇ ਉਪਰਾਲਿਆਂ ਵਿੱਚ ਵੱਧ-ਚੜ੍ਹ ਕੇ ਹਿੱਸਾ ਲੈਂਦੇ ਹਨ। ਇਸ ਮੌਕੇ ਸ਼ਾਖਾ ਦੇ ਪ੍ਰਧਾਨ ਆਦੇਸ਼ ਗੁਪਤਾ ਨੇ ਕਿਹਾ ਕਿ ਗਰਮੀ ਦੇ ਮੌਸਮ ਵਿੱਚ ਪਿਆਸੇ ਲੋਕਾਂ ਨੂੰ ਠੰਢਾ ਪਾਣੀ ਪਿਲਾਉਣਾ ਸਭ ਤੋਂ ਵੱਡੀ ਸੇਵਾ ਹੈ ਅਤੇ ਪਰਿਸ਼ਦ ਅੱਗੇ ਵੀ ਇਸ ਤਰ੍ਹਾਂ ਦੇ ਸੇਵਾ ਕਾਰਜ ਕਰਦੀ ਰਹੇਗੀ।

ਇਸ ਮੌਕੇ ਕਰਮਵੀਰ ਪੁਰੀ, ਆਰ. ਐਮ. ਬਾਂਸਲ, ਬੀ. ਐਮ. ਗੋਇਲ, ਪਵਨ ਗੋਇਲ, ਰਾਜੇਸ਼ ਗਰਗ, ਨਰਿੰਦਰ ਬਾਤਿਸ਼, ਕੇ. ਕੇ. ਬਾਂਸਲ, ਰਾਜ ਕੁਮਾਰ ਕਾਂਸਲ, ਸੁਰਿੰਦਰ ਗੁਪਤਾ, ਸੁਮਨ ਗੁਪਤਾ, ਸੁਨੀਤਾ ਬਾਂਸਲ ਅਤੇ ਜੋਤੀ ਜੱਗਾ ਤੋਂ ਇਲਾਵਾ ਹੋਰ ਕਈ ਮੈਂਬਰ ਵੀ ਹਾਜ਼ਰ ਰਹੇ। ਸਾਰੇ ਮੈਂਬਰਾਂ ਨੇ ਮਿਲਜੁਲ ਕੇ ਛਬੀਲ ਨੂੰ ਸਫਲ ਬਣਾਉਣ ਵਿੱਚ ਯੋਗਦਾਨ ਪਾਇਆ।  Newsline Express

Author: Newslineexpres@1