🚩ਅਗਰਵਾਲ ਸਮਾਜ ਸਭਾ ਪਟਿਆਲਾ ਵੱਲੋਂ ਤ੍ਰਿਲੋਕ ਜੈਨ ਦਾ ਭਰਪੂਰ ਸਨਮਾਨ ; ਪ੍ਰਧਾਨ ਸੌਰਵ ਜੈਨ ਤੇ ਸੋਹਿੰਦਰ ਕਾਂਸਲ ਵੱਲੋਂ ਪਟਿਆਲਾ ਵਿੱਚ ਅਗਰਵਾਲ ਭਵਨ ਦੀ ਲੋੜ ‘ਤੇ ਜ਼ੋਰ

🚩ਅਗਰਵਾਲ ਸਮਾਜ ਸਭਾ ਪਟਿਆਲਾ ਵੱਲੋਂ ਤ੍ਰਿਲੋਕ ਜੈਨ ਦਾ ਭਰਪੂਰ ਸਨਮਾਨ

🚩ਪ੍ਰਧਾਨ ਸੌਰਵ ਜੈਨ ਤੇ ਸੋਹਿੰਦਰ ਕਾਂਸਲ ਵੱਲੋਂ ਪਟਿਆਲਾ ਵਿੱਚ ਅਗਰਵਾਲ ਭਵਨ ਦੀ ਲੋੜ ‘ਤੇ ਜ਼ੋਰ

ਪਟਿਆਲਾ/ਨਿਊਜ਼ਲਾਈਨ ਐਕਸਪ੍ਰੈਸ —  ਅਗਰਵਾਲ ਸਮਾਜ ਸਭਾ (ਰਜਿਸਟਰਡ), ਪਟਿਆਲਾ ਵੱਲੋਂ ਅਗਰਵਾਲ ਵੈਲਫੇਅਰ ਬੋਰਡ ਦੇ ਨਵ-ਨਿਯੁਕਤ ਚੇਅਰਮੈਨ ਤ੍ਰਿਲੋਕ ਜੈਨ ਦਾ ਭਰਪੂਰ ਸਨਮਾਨ ਕੀਤਾ ਗਿਆ। ਪ੍ਰੋਗਰਾਮ ਦੀ ਅਗਵਾਈ ਸਭਾ ਦੇ ਪ੍ਰਧਾਨ ਸੌਰਵ ਜੈਨ ਅਤੇ ਸਕੱਤਰ ਕੇ.ਕੇ. ਬਾਂਸਲ ਨੇ ਕੀਤੀ। ਇਸ ਮੌਕੇ ਅਗਰਵਾਲ ਭਾਈਚਾਰੇ ਨਾਲ ਸੰਬੰਧਿਤ ਕਈ ਅਹਿਮ ਮਸਲਿਆਂ ‘ਤੇ ਵੀ ਵਿਚਾਰ-ਵਟਾਂਦਰਾ ਕੀਤਾ ਗਿਆ।
ਸਮਾਗਮ ਦੌਰਾਨ ਸਭਾ ਦੇ ਪੈਟਰਨ ਪਵਨ ਗੋਇਲ ਅਤੇ ਸੋਹਿੰਦਰ ਕਾਂਸਲ ਵੱਲੋਂ ਤ੍ਰਿਲੋਕ ਜੈਨ ਅਤੇ ਉਨ੍ਹਾਂ ਨਾਲ ਆਏ ਨਰੇਸ਼ ਕਾਕਾ ਜੀ, ਵਿਨੀਤ ਜਿੰਦਲ, ਅਤੁਲ ਗਰਗ ਅਤੇ ਧੀਰਜ ਗੋਇਲ ਨੂੰ ਸਿਰੋਪੇ ਅਤੇ ਪੌਦੇ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।

ਪ੍ਰਧਾਨ ਸੌਰਵ ਜੈਨ ਨੇ ਪਟਿਆਲਾ ਵਿੱਚ ਅਗਰਵਾਲ ਭਵਨ ਦੀ ਲੋੜ ‘ਤੇ ਜ਼ੋਰ ਦਿੰਦਿਆਂ ਮੰਗ ਕੀਤੀ ਕਿ ਮਹਾਰਾਜਾ ਅਗਰਸੇਨ ਭਵਨ ਲਈ ਉਚਿਤ ਜਗ੍ਹਾ ਨਿਰਧਾਰਤ ਕਰਕੇ ਉਸਾਰੀ ਲਈ ਸਰਕਾਰੀ ਫੰਡ ਜਾਰੀ ਕੀਤੇ ਜਾਣ। ਉਨ੍ਹਾਂ ਕਿਹਾ ਕਿ ਅਜਿਹਾ ਭਵਨ ਭਾਈਚਾਰੇ ਦੀਆਂ ਸਮਾਜਿਕ ਅਤੇ ਧਾਰਮਿਕ ਗਤੀਵਿਧੀਆਂ ਲਈ ਬਹੁਤ ਲਾਭਦਾਇਕ ਸਾਬਤ ਹੋਵੇਗਾ।
ਪੈਟਰਨ ਸੋਹਿੰਦਰ ਕਾਂਸਲ ਅਤੇ ਪਵਨ ਗੋਇਲ ਨੇ ਮਹਾਰਾਜਾ ਅਗਰਸੇਨ ਚੌਕ ਦੇ ਸੁੰਦਰਿਕਰਨ ਸਬੰਧੀ ਆਪਣੀਆਂ ਮੰਗਾਂ ਰੱਖਦਿਆਂ ਕਿਹਾ ਕਿ ਚੌਕ ‘ਤੇ ਨਵੀਂ ਮਜ਼ਬੂਤ ਗਰਿੱਲ ਲਗਾਈ ਜਾਵੇ, ਖਰਾਬ ਰਹਿਣ ਵਾਲੀਆਂ ਲਾਈਟਾਂ ਦੀ ਮੁਰੰਮਤ ਕੀਤੀ ਜਾਵੇ ਅਤੇ ਸੋਲਰ ਪੋਲ ਸਥਾਪਿਤ ਕੀਤੇ ਜਾਣ। ਉਨ੍ਹਾਂ ਮਹਾਰਾਜਾ ਅਗਰਸੇਨ ਦੀ ਵੱਡੀ ਅਤੇ ਉੱਚੀ ਮੂਰਤੀ ਲਗਾਉਣ, ਨਿਯਮਿਤ ਸਫਾਈ ਦੇ ਪ੍ਰਬੰਧ ਕਰਨ ਅਤੇ ਪੌਦਿਆਂ ਦੀ ਦੇਖਭਾਲ ਲਈ ਮਾਲੀ ਨਿਯੁਕਤ ਕਰਨ ਦੀ ਵੀ ਮੰਗ ਕੀਤੀ।

ਇਸ ਮੌਕੇ ਹਿਸਾਰ ਨੇੜੇ ਸਥਿਤ ਅਗਰੋਹਾ ਧਾਮ ਨੂੰ ਪਟਿਆਲਾ ਨਾਲ ਰੇਲਵੇ ਲਾਈਨ ਰਾਹੀਂ ਜੋੜਨ ਦਾ ਮੁੱਦਾ ਵੀ ਉਠਾਇਆ ਗਿਆ। ਆਗੂਆਂ ਨੇ ਦੱਸਿਆ ਕਿ ਪਟਿਆਲਾ ਤੋਂ ਜਾਖਲ ਤੱਕ ਇਸ ਸਬੰਧੀ ਕਈ ਸਰਵੇ ਪਹਿਲਾਂ ਹੀ ਹੋ ਚੁੱਕੇ ਹਨ ਅਤੇ ਹੁਣ ਇਸ ਪ੍ਰੋਜੈਕਟ ਨੂੰ ਅਮਲੀ ਜਾਮਾ ਪਹਿਨਾਉਣ ਦੀ ਲੋੜ ਹੈ।
ਸਮਾਗਮ ਵਿੱਚ ਵਿਨੋਦ ਗਰਗ, ਮੁਕੇਸ਼ ਸਿੰਗਲਾ, ਧਰਮਪਾਲ ਗਰਗ, ਐਮਪੀ ਅਗਰਵਾਲ, ਤਰਸੇਮ ਬਾਂਸਲ, ਸੁਰੇਸ਼ ਕੁਮਾਰ ਗਰਗ, ਧਰਿੰਦਰ ਮਿੱਤਲ, ਹਰਮੇਸ਼ ਸਿੰਗਲਾ ਅਤੇ ਰਾਜ ਕੁਮਾਰ ਤਾਇਲ ਸਮੇਤ ਕਈ ਪ੍ਰਮੁੱਖ ਮੈਂਬਰ ਹਾਜ਼ਰ ਸਨ।
ਅਗਰਵਾਲ ਸਮਾਜ ਸਭਾ ਵੱਲੋਂ ਪਟਿਆਲਾ ਵਿੱਚ ਅਗਰਵਾਲ ਵੈਲਫੇਅਰ ਬੋਰਡ ਦੀ ਸਥਾਪਨਾ ਲਈ ਪੰਜਾਬ ਸਰਕਾਰ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਚੇਅਰਮੈਨ ਤ੍ਰਿਲੋਕ ਜੈਨ ਨੇ ਸਭਾ ਦਾ ਆਭਾਰ ਪ੍ਰਗਟ ਕਰਦਿਆਂ ਭਰੋਸਾ ਦਿੱਤਾ ਕਿ ਉਹ ਅਗਰਵਾਲ ਭਾਈਚਾਰੇ ਦੀਆਂ ਸਮੱਸਿਆਵਾਂ ਅਤੇ ਜ਼ਰੂਰਤਾਂ ਦੇ ਹੱਲ ਲਈ ਸਰਕਾਰ ਨਾਲ ਮਿਲਜੁਲ ਕੇ ਕੰਮ ਕਰਨਗੇ।  Newsline Express