🚩 ਨੌਰਥ ਜ਼ੋਨ ਕੋਚ ਵਰਕਸ਼ਾਪ ’ਚ ਉੱਤਰੀ ਭਾਰਤ ਦੇ 37 ਤੀਰਅੰਦਾਜ਼ੀ ਕੋਚਾਂ ਨੇ ਲਿਆ ਹਿੱਸਾ

🚩 ਨੌਰਥ ਜ਼ੋਨ ਕੋਚ ਵਰਕਸ਼ਾਪ ’ਚ ਉੱਤਰੀ ਭਾਰਤ ਦੇ 37 ਤੀਰਅੰਦਾਜ਼ੀ ਕੋਚਾਂ ਨੇ ਲਿਆ ਹਿੱਸਾ

🚩ਲੈਵਲ-2 ਵਰਕਸ਼ਾਪ ਲਈ ਇੱਕ ਕੋਚ ਦੀ ਹੋਵੇਗੀ ਚੋਣ; ਰਹਿਣ-ਸਹਿਣ ਦਾ ਪ੍ਰਬੰਧ ਮੁਫ਼ਤ

ਮੋਹਾਲੀ, 22 ਸਤੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ  –       ਨੌਰਥ ਜ਼ੋਨ ਕੋਚ ਵਰਕਸ਼ਾਪ ਲੈਵਲ-1 ਵਿੱਚ ਉੱਤਰੀ ਭਾਰਤ ਦੇ ਵੱਖ-ਵੱਖ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਤੋਂ 37 ਤੀਰਅੰਦਾਜ਼ੀ ਕੋਚਾਂ ਨੇ ਹਿੱਸਾ ਲਿਆ। ਪੰਜਾਬ ਤੀਰਅੰਦਾਜ਼ੀ ਐਸੋਸੀਏਸ਼ਨ ਦੇ ਸਕੱਤਰ ਨਵਜੋਤ ਸਿੰਘ ਅਨੁਸਾਰ, ਇਸ ਵਰਕਸ਼ਾਪ ਵਿੱਚ ਪੰਜਾਬ, ਹਰਿਆਣਾ, ਦਿੱਲੀ, ਉੱਤਰ ਪ੍ਰਦੇਸ਼ ਅਤੇ ਉੱਤਰਾਖੰਡ ਦੇ ਕੋਚ ਸ਼ਾਮਲ ਹੋਏ।

ਉਨ੍ਹਾਂ ਦੱਸਿਆ ਕਿ ਵਰਕਸ਼ਾਪ ਵਿੱਚ ਭਾਗ ਲੈਣ ਵਾਲੇ ਕੋਚਾਂ ਵਿੱਚੋਂ ਇੱਕ ਕੋਚ ਦੀ ਚੋਣ ਲੈਵਲ-2 ਵਰਕਸ਼ਾਪ ਲਈ ਕੀਤੀ ਜਾਵੇਗੀ। ਇਸ ਪਹਿਲਕਦਮੀ ਦਾ ਮਕਸਦ ਤੀਰਅੰਦਾਜ਼ੀ ਕੋਚਾਂ ਦੀ ਯੋਗਤਾ ਅਤੇ ਕੋਚਿੰਗ ਸਬੰਧੀ ਗਿਆਨ ਨੂੰ ਹੋਰ ਵਿਕਸਤ ਕਰਨ ਦੇ ਮੌਕੇ ਪ੍ਰਦਾਨ ਕਰਨਾ ਹੈ।

ਜ਼ਿਕਰਯੋਗ ਹੈ ਕਿ ਵਰਕਸ਼ਾਪ ਵਿੱਚ ਸ਼ਾਮਲ ਕੋਚਾਂ ਲਈ ਰਹਿਣ ਅਤੇ ਖਾਣ-ਪੀਣ ਦਾ ਪ੍ਰਬੰਧ ਤੀਰਅੰਦਾਜ਼ੀ ਐਸੋਸੀਏਸ਼ਨ ਆਫ਼ ਇੰਡੀਆ ਵੱਲੋਂ ਮੁਫ਼ਤ ਕੀਤਾ ਗਿਆ ਹੈ। ਨੌਰਥ ਜ਼ੋਨ ਕੋਚ ਵਰਕਸ਼ਾਪ ਲੈਵਲ-1 ਦਾ ਆਯੋਜਨ ਪੰਜਾਬ ਤੀਰਅੰਦਾਜ਼ੀ ਐਸੋਸੀਏਸ਼ਨ ਵੱਲੋਂ ਤੀਰਅੰਦਾਜ਼ੀ ਐਸੋਸੀਏਸ਼ਨ ਆਫ਼ ਇੰਡੀਆ ਅਤੇ ਓਜੀਕਿਊ ਦੇ ਸਹਿਯੋਗ ਨਾਲ ਕੀਤਾ ਗਿਆ।   Newsline Express

Author: Newslineexpres@1