🚩 ਐੱਨ.ਆਈ.ਐੱਸ. ਪਟਿਆਲਾ ’ਚ ਏਸ਼ਿਆਈ ਖੇਡਾਂ ਦੀ ਤਿਆਰੀ ਕਰ ਰਹੀ 16 ਸਾਲਾ ਕੌਮੀ ਪੱਧਰ ਦੀ ਸਾਈਕਲਿਸਟ ਸਾਈਕਲਿਸਟ ਨਾਲ ਕਥਿਤ ਜਬਰ-ਜਨਾਹ

🚩 ਐੱਨ.ਆਈ.ਐੱਸ. ਪਟਿਆਲਾ ’ਚ ਏਸ਼ਿਆਈ ਖੇਡਾਂ ਦੀ ਤਿਆਰੀ ਕਰ ਰਹੀ 16 ਸਾਲਾ ਕੌਮੀ ਪੱਧਰ ਦੀ ਸਾਈਕਲਿਸਟ ਸਾਈਕਲਿਸਟ ਨਾਲ ਕਥਿਤ ਜਬਰ-ਜਨਾਹ

🚩 ਕਜ਼ਾਕਿਸਤਾਨੀ ਕੋਚ ਖ਼ਿਲਾਫ਼ ਬੀਐੱਨਐੱਸ ਤੇ ਪੋਕਸੋ ਤਹਿਤ ਐੱਫਆਈਆਰ; ਦਿੱਲੀ ਤੋਂ ਵੀ ਫ਼ਰਾਰ, ਭਾਲ ਲਈ ਵਿਸ਼ੇਸ਼ ਟੀਮਾਂ ਗਠਿਤ

ਪਟਿਆਲਾ, 22 ਸਤੰਬਰ – ਨਿਊਜ਼ਲਾਈਨ ਐਕਸਪ੍ਰੈਸ –     ਨੇਤਾਜੀ ਸੁਭਾਸ਼ ਨੈਸ਼ਨਲ ਇੰਸਟੀਚਿਊਟ ਆਫ਼ ਸਪੋਰਟਸ (ਐੱਨ.ਆਈ.ਐੱਸ.), ਪਟਿਆਲਾ ਵਿੱਚ ਏਸ਼ਿਆਈ ਖੇਡਾਂ ਦੀ ਤਿਆਰੀ ਕਰ ਰਹੀ 16 ਸਾਲਾ ਕੌਮੀ ਪੱਧਰ ਦੀ ਸਾਈਕਲਿਸਟ ਦੀ ਸ਼ਿਕਾਇਤ ’ਤੇ ਕਜ਼ਾਕਿਸਤਾਨੀ ਕੋਚ ਮੈਕਸਾਤ ਅਯਾਜ਼ਬਾਏਵ ਖ਼ਿਲਾਫ਼ ਕਥਿਤ ਜਬਰ-ਜਨਾਹ ਦੇ ਦੋਸ਼ ਹੇਠ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲੀਸ ਨੇ ਭਾਰਤੀ ਨਿਆਂ ਸੰਹਿਤਾ (ਬੀਐੱਨਐੱਸ) ਦੀਆਂ ਸਬੰਧਿਤ ਧਾਰਾਵਾਂ ਅਤੇ ਪੋਕਸੋ ਐਕਟ ਤਹਿਤ ਐੱਫਆਈਆਰ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਪੁਲੀਸ ਮੁਤਾਬਕ ਕਥਿਤ ਘਟਨਾ 13 ਸਤੰਬਰ ਦੀ ਹੈ, ਜਦੋਂ ਨਾਬਾਲਗ ਖਿਡਾਰਨ ਐੱਨ.ਆਈ.ਐੱਸ. ਵਿੱਚ ਸਿਖਲਾਈ ਲੈ ਰਹੀ ਸੀ। ਸੰਸਥਾ ਦੇ ਪ੍ਰਸ਼ਾਸਨ ਨੂੰ ਇਸ ਬਾਰੇ 18 ਸਤੰਬਰ ਨੂੰ ਜਾਣਕਾਰੀ ਮਿਲੀ, ਜਿਸ ਤੋਂ ਬਾਅਦ ਪੁਲੀਸ ਨੂੰ ਸੂਚਿਤ ਕੀਤਾ ਗਿਆ। ਖਿਡਾਰਨ ਦੀ ਡਾਕਟਰੀ ਜਾਂਚ ਵੀ ਕਰਵਾਈ ਗਈ ਹੈ ਅਤੇ ਇਸ ਦੀ ਰਿਪੋਰਟ ਦੀ ਉਡੀਕ ਕੀਤੀ ਜਾ ਰਹੀ ਹੈ।

ਪੁਲੀਸ ਦੇ ਅਨੁਸਾਰ, ਸ਼ਿਕਾਇਤ ਦੀ ਜਾਣਕਾਰੀ ਪੁਲੀਸ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ ਮੁਲਜ਼ਮ ਕੋਚ ਐੱਨ.ਆਈ.ਐੱਸ. ਪਰਿਸਰ ਛੱਡ ਚੁੱਕਾ ਸੀ। ਜਾਂਚ ਦੌਰਾਨ ਉਸ ਦੇ ਦਿੱਲੀ ਦੇ ਇੱਕ ਹੋਰ ਖੇਡ ਕੈਂਪ ਵਿੱਚ ਹੋਣ ਦੀ ਜਾਣਕਾਰੀ ਮਿਲੀ। ਇਸ ’ਤੇ ਪਟਿਆਲਾ ਪੁਲੀਸ ਦੀ ਟੀਮ ਉਸ ਨੂੰ ਕਾਬੂ ਕਰਨ ਲਈ ਦਿੱਲੀ ਪਹੁੰਚੀ, ਪਰ ਪੁਲੀਸ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਉਹ ਕੈਂਪ ਤੋਂ ਫ਼ਰਾਰ ਹੋ ਗਿਆ।

ਪਟਿਆਲਾ ਪੁਲੀਸ ਨੇ ਮੁਲਜ਼ਮ ਦੀ ਗ੍ਰਿਫ਼ਤਾਰੀ ਲਈ ਵਿਸ਼ੇਸ਼ ਪੁਲੀਸ ਟੀਮਾਂ ਬਣਾਈਆਂ ਹਨ। ਪੁਲੀਸ ਨੇ ਕੋਚ ਦਾ ਪਾਸਪੋਰਟ ਵੀ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ।

ਪੁਲੀਸ ਅਨੁਸਾਰ ਮੈਕਸਾਤ ਅਯਾਜ਼ਬਾਏਵ ਕੁਝ ਮਹੀਨੇ ਪਹਿਲਾਂ ਪਟਿਆਲਾ ਆਇਆ ਸੀ ਅਤੇ ਐੱਨ.ਆਈ.ਐੱਸ. ਦੇ ਸਟਾਫ਼ ਕੁਆਰਟਰਾਂ ਵਿੱਚ ਰਹਿ ਰਿਹਾ ਸੀ। ਪੁਲੀਸ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ ਅਤੇ ਤਫ਼ਤੀਸ਼ ਅੱਗੇ ਵਧਣ ਨਾਲ ਹੋਰ ਤੱਥ ਸਾਹਮਣੇ ਆਉਣ ਦੀ ਸੰਭਾਵਨਾ ਹੈ।  Newsline Express