???? ਉਮੈਕਸ ਮਾਲ ਪਟਿਆਲਾ ਵਿਖੇ ਲਗਾਈ ਪੇਂਟਿੰਗ ਪ੍ਰਦਰਸ਼ਨੀ ; ਪੱਤਰਕਾਰ ਬਲਿੰਦਰ ਸਿੰਘ ਨੇ ਮੁੱਖ ਮਹਿਮਾਨ ਵਜੋਂ ਕੀਤੀ ਸ਼ਿਰਕਤ
ਪਟਿਆਲਾ , 22 ਫਰਵਰੀ – ਗਰੋਵਰ, ਰਾਕੇਸ਼ /ਨਿਊਜ਼ਲਾਈਨ ਐਕਸਪ੍ਰੈਸ – ਸ਼ਾਹੀ ਸ਼ਹਿਰ ਪਟਿਆਲਾ ਦੇ ਉਮੈਕਸ ਮਾਲ ਵਿਖੇ ਕਲਰ ਪੇਲੇਟ ਆਰਟ ਅਕੈਡਮੀ ਵਲੋਂ ਵੱਖ ਕਲਾਕਾਰਾਂ ਦੀ ਪੇਂਟਿੰਗ ਪ੍ਰਦਰਸ਼ਨੀ ਲਗਾਈ ਗਈ ਜਿਸ ਵਿੱਚ ਸੀਨੀਅਰ ਪੱਤਰਕਾਰ ਬਲਿੰਦਰ ਸਿੰਘ ਬਤੌਰ ਮੁੱਖ ਮਹਿਮਾਨ ਦੇ ਰੂਪ ‘ਚ ਪਹੁੰਚੇ। ਉਨ੍ਹਾਂ ਨੇ ਸਾਰੇ ਕਲਾਕਾਰਾਂ ਨਾਲ ਰੁ-ਬਰੂ ਹੋ ਕੇ ਪੇਂਟਿੰਗ ਕਲਾ ਦੀਆਂ ਬਾਰੀਕੀਆਂ ਬਾਰੇ ਜਾਣਕਾਰੀ ਹਾਸਿਲ ਕੀਤੀ। ਇਸ ਮੌਕੇ ਓਮੈਕਸ ਮਾਲ ਦੇ ਮੈਨੇਜਰ ਯੋਗੇਸ਼ ਗੁਪਤਾ ਨੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਤੇ ਕਿਹਾ ਕਿ ਓਮੈਕਸ ਮਾਲ ਹਮੇਸ਼ਾ ਹੁਨਰਬੰਦ ਕਲਾਕਾਰਾਂ ਦੀ ਕਲਾ ਨੂੰ ਪ੍ਰਦਰਸ਼ਿਤ ਕਰਦਾ ਰਹੇਗਾ। ਅਕੈਡਮੀ ਦੇ ਯੂਨਿਟ ਹੈੱਡ ਆਰਟਿਸਟ ਤੇ ਆਰਟ ਟੀਚਰ ਅਵਿਨਾਸ਼ ਗਾਗਟ ਨੇ ਦੱਸਿਆ ਕਿ ਇਸ ਪ੍ਰਦਰਸ਼ਨੀ ‘ਚ ਲੱਗਭਗ 150 ਦੇ ਕਰੀਬ ਪੇਂਟਿੰਗਾਂ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ। ਹਰੇਕ ਆਰਟਿਸਟ ਨੇ ਆਪਣੀ ਕਲਾ ਨਾਲ ਵੱਖਰੇ ਵੱਖਰੇ ਉਤੇ ਬਹੁਤ ਹੀ ਸੁੰਦਰ ਸੰਦੇਸ਼ ਵੀ ਦਿੱਤੇ ਜੋਕਿ ਪ੍ਰਦਰਸ਼ਨੀ ਦੇਖਣ ਆਏ ਲੋਕਾਂ ਨੇ ਕਾਫੀ ਪਸੰਦ ਕੀਤੇ।
ਪ੍ਰਦਰਸ਼ਨੀ ਦੌਰਾਨ ਕੁਆਰਡੀਨੇਟਰ ਤੇ ਆਰਟ ਟੀਚਰ ਦੀਪਕ ਗਾਗਟ ਨੇ ਸਾਰੇ ਕਲਾਕਾਰਾਂ ਦੀ ਹੌਸਲਾ ਅਫ਼ਜਾਈ ਕੀਤੀ ਅਤੇ ਕਲਾਕਾਰਾਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਦੌਰਾਨ ਮੁੱਖ ਮਹਿਮਾਨ ਬਲਿੰਦਰ ਸਿੰਘ ਨੇ ਸਮੂਹ ਕਲਾਕਾਰਾਂ ਦੀ ਕਲਾ ਦੀ ਪ੍ਰਸੰਸ਼ਾ ਕੀਤੀ ਅਤੇ ਸ਼ੁਭਕਾਮਨਾਵਾਂ ਦਿੱਤੀਆਂ।
Newsline Express
